7. परमेश्वर याकूब ला आशीष दिस

जब वय पोऱ्यामान मोठा भया, तब याकुब ला घर रयनो चांगलो वाटे. पण एसाव ला जनावरो को शिकार करनो भायो. रिबका न याकुब ला स्नेह करित, पण इसहाक न एसाव संग प्रीती ठेईस.

एक दिस जब एसाव शिकार करब साठी वापिस आयो त ओ लगीत उपाशी होतो. एसाव न याकुब ला बलीस “जो तू पकायो हास, वानतुलक थोडो भोजन मला दे.” याकुब न उत्तर दिस, “पहिले मोरो संग या प्रतिज्ञा कर कि पाहिलोठा होबो को कारण न हर एक चीज जो तोला भेटबला पाहिजे, वा सर्वी तू मला देस.” आखिर एसाव न वा सर्वो चीज ला याकुब ला देस. कि प्रतिज्ञा कर टाकिस. तब याकुब न ओला थोडोसो भोजन दिस.

इसहाक एसाव ला आशिष देन चाहत होतो, पण यको पहिले कि ओन अश्यो करीस, रिबका अन् याकुब न याकुब को एसाव होबो को ढोंग करकेना ओको संग धोका करीस. इसहाक बुढा होतो अन् आब ओका काई दिसत नई होतो. येकोसाठी याकुब न एसाव का कपडा घालिस अन् बकरी की खाल ला आपलो गर्दन ला अन् हाथबऱ्या लपेट टाकिस.

याकूब इसहाक को पास आयो अन् बलीस, “मी एसाव हून. मी येकोसाठी आया उन कि तू मला आशिष देस.” जब इसहाक न बकरी का केसं ला महसूस करीस अन् कपडाला सुंघीस, त ओन विचार करीस कि यो एसाव हा अन् ओला आशिष दिस.

एसाव न याकूब कि इर्ष्या करीस कारण याकुब न ओका पहिलो पुत्रो को अधिकार ला अन् सोबतच ओकी आशिष ला पण चोर टाकीस. आखिर ओन ओको पिता को मरबो को बाद याकुब ला मारब कि योजना बनाईस.

पण रिबका न एसाव कि योजना ला ऐकीस. यकोसाठी ओन अन् इसहाक न याकुब ला ओका रिश्तेदार को संग रयबला लगीत दूर पठाय दिस.

याकुब लगीत साल तक रिबका को रिश्तेदारो को संगच रहत होतो. वो वेळ ला ओन विवाह करीस अन् बारा पुत्रला अन एक पुत्रीला जन्मायीस. परमेश्वर न ओला लगीत धनी बनाय टाकिस.

बीस साल तक कनानमा आपलो घर लक दूर रयनो को बाद, याकुब आपलो परिवार, आपलो सेवक अन् आपलो जनावर को सर्वा झुंड ला लेयकेना वापिस आयो.

याकुब यकोसाठी लगीत भयभीत होतो, कारण ओन विचार करीस कि एसाव आब पण ओला मारबला देखत रहन. येकोसाठी ओन उपहार स्वरूप जनावरो को झुंड ला एसाव कुद्या पठाईस. जो सेवक ओन झुंड ला लेयकेना गयो होतो, ओन बलीस, “तोरो दास याकुब इन जनावरला तोला देण्याऊन वो लवकरच आवणार हा.

पण एसाव आब याकुबला नुकसान पहुचाबला नई चाहत होतो. यकोबजाय वो ओला एक वेळा अजून देखकेना लगीत प्रसन्न भयो. ओकोबाद याकुब कनानमा शांतीपूर्वक रयने. मंग इसहाक मर गयो अन् याकुब अन् एसाव न ओला दफनाइस. वाचा कि प्रतिज्ञा जो परमेश्वर न अब्राहम संग करीस होती, वा आब इसहाक पासल याकुब बऱ्या आय गई.