۲۰- تبعید و بیکیلّیگ

اسرائیل پاشالیگِ و یهودا پاشالیگِ هر ایکِسِه طارِه ضِدِّنَه گیناه اِدِّلَر. اُلّار قولی که طارینَن سینا داغُونّا باقلامُوشِدُولار سینِّردِلَر. طارِه پیامبرلَر طَریقِنَّن اُلّارا هشدار وِردِ که توبه اِدَلَّر و گَنَدَ اُنِه پرستش اِدَلَّر، آمّا اُلّار طارِدَن اطاعت اِدمَدِلَر.

بنابر بُو طارِه اُلّارِ تنبیه اِدِّ و اجازه وِردِ تا دشمنلَرِ، اُلّارِ نابود اِدَلَّر. اُ زمانّا قَوی قوم داهان آشور آدلِه وارِدِ. آشوری لَر نسبتِ داهان قُوملَر چُخ بی رحمِ دِلَر. اسرائیل پاشالیگِ بخاطرِ آشوری لَر اُرتادان گِدِّ. آشوری لَر خَلخی چُخِنِ اسرائیل پاشالیگِنَّ اِلِّردِلَر، هَرنَه سِیرلَرِدِ غارت اِدِّلَر و چُخ یِرلَرِ یانُّوردُولار.

آشوریلَر وارِ رهبرلَرِ، اُلّاری که دارالیدِلَر و خاص مهارت وارلاریدِ اِزلَرینَن آشورَ آپاردُولار. فقط بعضِه چُخ بیچارَه آداملار اسرائیلَّ قالُّلار.

ُنّاسُورا آشوری لَر غریبه لَرِ اسرائیل یِرِنَه گَتِردِلَر که اُردا زندگانلیگ اِدَلَّر. غریبه لَر اُ کَن لَری که ویران اُلمُوشِدِ بازسازلیگ اِدِّلَر و باقِه اسرائیلی لَرِنَن که اُردا قالمُوشلارِدِ، تُوی اِدِّلَر نَسلِ بُو تُوی لَری حاصِلِ سامری اُخُودُولار.

اُنّاسُورا آشوری لَر غریبه لَرِ اسرائیل یِرِنَه گَتِردِلَر که اُردا زندگانلیگ اِدَلَّر. غریبه لَر اُ کَن لَری که ویران اُلمُوشِدِ بازسازلیگ اِدِّلَر و باقِه اسرائیلی لَرِنَن که اُردا قالمُوشلارِدِ، تُوی اِدِّلَر نَسلِ بُو تُوی لَری حاصِلِ سامری اُخُودُولار.

حدود ایز ایل اسرائیل پاشالیگِنی نابودلیگِنَّن سُورا آشوری لَر اَلِنَّن، طارِه نَبودکَدنَصَر، بابل پاشاسِنِه یُولّادِ تا یهودانی پاشالیگِنَ حمله اِدَ. بابلی لَر قَوی قومِ دِلَر. یهودا پاشاسِه قبول اِدِّ که نَبودکَدنصری نُوکَرِ اُلا و هر ایلَّه چُخ پیل اُنا وِرَ.

آمّا نِچِّه ایلَّن سُورا، یهودا پاشاسِه بابل عَلَیهِنَ شورش اِدِّ. به بُو دلیل بابلی لَر بیکِلِّه لَر و گَنَدَ یهودانی پاشالیگِنَ حمله اِدَلَّر. بابلی لَر اورشلیم کَنِّنِه تصرف اِدِّلَر، معبدِ نابود اِدِّلَر و هر دارالیگ که کَن و مَعبَد دَیدِ، اِزلَرینَن آپاردُولار.

یهودا پاشاسِنی تنبیه سِچِه، نَبودکَدنَصر سربازلَرِ، اُنی اُغلانلَرِنِ گِزِِنی دَمِنَّ اِلِّردِلَر و اُنی گِزلَرِنِ کُور اِدِّلَر. اُنّان سُورا، اُلّار پاشایِ اِزلَرینَن بابلَ آپاردُولار تا بابل زِندانُونّا اِلَه.

نبوکدنصر و سِپاسِه وارِ اهلِ یهودا پاشالیگِنِ اِزلَرینَن بابلَ آپاردُولار و تَک چُخ بیچارَه آداملارِ قُویدُولار تا کشاورزلیگ اِدَلَّر. بُو دُورانی که طارِنی قومِ مجبور اُلُّلار موعود یِرِنَّن گِدَلَّر،تبعید دِیلَر.

هر چند طارِه تبعیدِنَن، اِز قومِنِ بخاطرِ گیناه لَر مجازات اِدِّ، آمّا اُلّار و وَعدَه لَری که بِلِلَرِنَه وِرمیشِدِ یاد دان آپارمامُوشِدِ. طارِنی حواسِه اِز قُومِنَّیدِ و اِز اَنبیالَرِ طَریقِنَّن اُلّارِنان دانُوشیردِ. طارِه وَعدَه وِردِ که اِدمیش ایلَّن سُورا گَنَدَ اسرائیل قومِنِه موعود یِرِنَّن بیکَه.

اِدمیش ایلَّن سُورا، پارسی لَر پاشاسِه کوروش، بابلی لَرِ شکست وِردِ و اَلَ بِلَیدِ که پارسی لَر اِمپراطوریسِه، بابلی لَر امپراطورِسِنی یِرِنَه، چُخ تَرِ قوملَرَ تسلط بُولدِ. بُو زمانّا اسرائیل خَلخِنِ یهودی اُخِیلَرِدِ و اُلّاری چُخِ وارِ عُمرلَرِنِه بابلَّ زندگانلیگ اِدمیشلَرِدِ. فقط آداملاری که چُخ قُوجایدُولار، باشاریلّارِدِ یهودا یِرِنِ یادا گَتِرَلََر.

با بُو حال که پارسی لَر گیج لیدِلَر، نسبت به قوم لَری که تحتِ سُلطِه لَریدِلَر، رحم و مهربانلیگِنَن رفتار اِدیلَّرِدِ. بیر آز مدَّتدَن سُورا که کوروش پارس پاشالیگِنَ اِتیشدِ، اُ فرمان وِردِ هر یهودی که سِیر بیکِلَه، باشاریر پارس یِرِنِه تَرک اِدَ و یهودا یِرِنَه بیکِلَه، اُ حتّی اُلّارا پیل وِردِ تا گَنَه معبدِ اورشلیمِ بازسازلیگ اِدِّلَر! اُنّا اِدمیش ایلَّن سُورا، کوچیک گروه یهودی لَردَن اورشلیم دَن یهودا یِرِنَه بیکِلِّه لَر.

اُنّا که قوم اورشلیمَ اِتیشدِلَر، معبد و کَنّی دِرِبَرِنَّی دیوارِ بازسازلیگ اِدِّلَر. پارسی لَر هَنِه اُلّارا تسلط وارلاریدِلَر، آمّا اُلّار گَنَدَ موعود یِرِنَّه باش اِدیلَّرِدِ و باشاریلّارِدِ طاریِّه معبدَ پرستش اِدَلَّر.