10. १०. दस बिपत्तिराउ

मोसादै हारुन फारो निङ्हा कासी ।हुराउ इ गार्सो,"इस्रायल क परमेस्वर इसा क्लायङ,"ङा क मन्छेराउ काना स्वाम बै

फारोइ इस्रायली राउकाना लेतम इन्कार खैछाआ,हुन्लमारै परमेस्वर इ मिश्र देशहा प्रीमाप्री दस वटा बिपत्तिराउ लेत्बया।परमेस्वर इ इन दस बिपत्तिराउ हाइत फारोकाना उइ फारो अनि सब्ल मिश्री देबताराउ हाइत शक्तिशाली ह्रेङ गार्त सारा।

परमेस्वर इ निल नदि काना सि हा परिबर्तन खै बया,तर फारोइ अझै कनि इस्रायली राउ काना स्वाम बयामा।

परमेस्वर इ सारा मिश्र देश भरेतल भ्याङ्ख लेता।फारो इ मोसाकाना भ्याङ्खराउ हटाम बिन्ती खया ।तर सब्ल भ्याङ्ख राउ सियाङ न्हौ फारो इ आफ्नो हृदय फेरि कठोर प्रीया अनि इस्रायलीराउकाना स्वाम बयामा।

हुन्लमारै परमेस्वर इ भुसुनाराउ क महामारी लेता।अनि हुन न्हौ मछेरा क हुल क हुल लेता ।फारो इ मोसा दै हारुन काना स्लोका अनि यदि हुराइ इ हुन माहामारी काना रोकेयाङ खन्डहा इस्रायली राउकाना स्वामबैन्याङ क्लाया।जब मोसाइ प्राथना खया,परमेस्वर इ सब्ल मछेराराउ मिश्रहाइत हटाबया।तर फारोइ फेरि आफ्नो हृदयकाना कठोर खया अनि इस्रायली राउकाना स्वामबयामा।

हुन न्हौ ,परमेस्वर इ मिश्रीराउ क सब्ल गाइबस्तुराउहा माहामारी निम्त्याआ अनि हुराउ सब्ल सीसी ।तर फारो क हृदय कठोर ओआ अनि हुनि इस्रायलिराउकाना स्वाम बयामा।

अनि परमेस्वर इ मोसाकाना फारो क् ध्री हावाहा खरानी तमम गारा।जब हुनि हुसा खया,मिश्रीराउ क जिउनाउहा कष्टकर खाटी राउ छिङ्सि ,तर इस्रायलीराउकाना आङ्ल ओआमा।परमेस्वर इ फारो क हृदय कठोर खैबया,अनि फरोइ इस्रायलिराउकाना स्वाम बयामा।

इसा ओसोयाङ न्हौ परमेस्वर इ असिन बर्साआ जाङी मिश्रदेश क चोभागै अन्नबाली नस्ट खया अनि भाइरौ तोङ्न्याङ जाङ्कनी सिसि ।फारोइ मोसा दैना हारुनकाना स्लोक्तना गारा,"ङाइ पाप खैथाका।नराउ हेइतना स्वाम ह्रोके ।"अनि मोसाइ प्राथना खया आकाश हाइत अशिन ब्रीम बन्द ओआ।

तर फरोइ फेरि कनि पाप खया अनि आफ्नो हृदय काना कठोर बनाआ। हुनि इस्रायलीराउकाना स्वतन्त्र ओम बयामा।

हुन्लमारै परमेस्वर इ सलहराउ क हुलकाना मिश्रदेश हा लेत्बया ।इन सलह राउ इ अशिनहाइत बचेयाङ सब्ल बाली जाबैसो ।

अनि परमेस्वर इ अन्धकारकाना लेता जाङ सुमकान मचै ह्रेह्रेया।हुन इच्च अन्धकार ह्रेनी कि मिश्रीराउ आफ्नो नाम लेत्तना भाइरौ तोङम ह्रोयमानी ।तर इस्रायलिराउ नयाङ ठन्क हा चाहिँ ट्वाङ ह्रेनी ।

इन नौ वटा बिपत्तिराउ ओसोआ ताकनी फारोइ अझैकनी इस्रायलिराउकाना मिश्रदेशहाइतना स्वाम बयामा।फारोइ परमेस्वर क कुरा माक्लायाङ क कारण इ नो उ इ दाठौ अन्तिम बिपत्ती पित्न्याङ योजना खया।इन बिपत्ती इ चाहिँ फारो क मन परिबर्तन ओआ।