11. ११. निस्तार चाड

परमेस्वर इ फारो काना यदि अझैकनी हुनि इस्रायली राउकाना मिश्रदेश हाइत स्वाम माबयाङ खण्डहा मन्छेदै पशु क ध्रीमा यरा सन्तानकाना सात्बैन्याङ चेतावनी बया।जब फारोइ इन क्लाआ,अझैकनि परमेस्वरकाना बिश्वास खयम अनि उइ क आज्ञा मानेम हुनि इन्कार खया।

परमेस्वर इ उइकाना बिश्वास खैन्याङराउ क लागै आफ्नो ध्रीमा सन्तानकाना बचाम ह्रोन्याङ दाठौ यम प्रदान खैबया।हरेक नाम्कै दाठौ खोट मा-ग्लायाङ थुमाकाना छनेतना हुन्काना सातम ब्रीन्याङ ह्रेनी।

परमेस्वर इ इस्रायलीराउकाना हुन थुमा क सि हुराउक नाम्क मुल ढेलाहा स्लाम,अनि हुन्क स्या चौतना रोटादै कयम गारा।अनि फेरि हुन कैह्रोयाङ न्हौ हुराउकाना मिश्रदेश लेतम कनि उइ गारा।

इस्रायलीराउ इ परमेस्वर इ गार्याङ्साङ्ल खैसो।मध्यझिरी परमेस्वर मिश्र ओतना स्वाआ अनि ध्री जन्मेयाङ चाउ सब्काना साता।

सब्ल इस्रायलीराउक नाम्क ढेलाहा सि स्लाप्याङ ह्रेइनी ,हुन्लमारै परमेस्वर इ हुन नाम राउकाना लेत्तना स्वाआ।हुन भित्रौ ओयाङ सब्ल्हाउ सुरुक्षित ह्रेइनी ।थुमाक सि क कारण हुराउ बचाइयाङ हुनि ।

तर मिश्रीराउ इ परमेस्वर ताकी बिश्वास खैसोमा न त उइ क आज्ञाल मानेसो।हुन्लमारै परमेस्वर इ हुराउक नामकाना लेतामा ।परमेस्वर इ मिश्रीराउक ध्री जन्मेयाङ चाउराउ सबकाना साता।

सब्ल मिश्रीराउ क ध्रीमा चाउराउ सिसी ,कैदी क ध्रीमा चाउहाइतना फारो क ध्रीमा चाउ मचै ,सब्ल जना सिसि ।मिश्रदेशहा चोल मन्छेराउ बेदना क कारण कारत्याल क्रीक्छाइनी ।

हुन्ल झिरी फारोइ मोसा दैना हारुन काना स्लोका अनि गारा ,"इस्रायलिराउकाना कात्ने ,अनि तुरुन्तल मिश्रदेश लेततना स्वगात्नी