12. १२. प्रस्थान
इस्रायलिराउ मिश्रदेश लेत्तना स्वाम दारत्याउ चो खुशी ह्रेइनी ।हुराउ नो दासराउ ह्रेसिमा अनि हुराउ प्रतिज्ञा खयाङ देशहा स्वाछाइनी
परमेस्वर इ दिनहा बाल्ह क अग्लो खाबा हाइतना हुराउकाना डोरेया ,हुन हुराउक ध्री-ध्री स्वानी ,जाङ झिरी चाहिँ मुइ क खाबा बनेनी ।परमेस्वर सदाल हुराउ दै ह्रेनि अनि यात्राक बेला हुराउकाना यम सारा।।इस्रायलीराउ इ खयम ब्रीन्याङ दाल्ठौ च्याल काम उइ काना च्याल पछ्याम ब्रीन्याङ ह्रेनी ।
हुन्क आइची न्हौ ,फारो दै हुन्क मन्छेराउ इ आफ्नो बिचार परिबर्तन खैसो अनि इस्रायलिराउकाना फेरि आफ्नो दासराउ बनाम भ्र्यासी ।परमेस्वर इ फारोकाना हठी तुल्याबया ताकी मन्छेराउ इ उइ च्याल दाठौ सत्य परमेस्वर ह्रेङ गार्त मुए अनि इन दासे कि उइ अर्थात यहोवे,फारो दै हुन्क देबताराउहाइत चो शक्तिशाली ह्रेककङ।
हुन्लमारै फारोदै हुन्क फौज इ इस्रायलिराउकाना फेरि आफ्नो दास बनाम क लागै खेक्पितसो ।जब इस्रायलिराउ इ मिश्री क फौज ओङ्पितयाङ मुसो ,हुराउ इ आफुकाना फारो क सेनाराउ दै लाल समुन्द्र क बिचहा फसेयाङ थाहादार्सो।हुराउ चो प्रीसी अनि इसा क्ल्याइतल क्रीक्सी,"ङै इ आहु मिश्रदेश लेत्सो "?नो ङै सिकि
मोसाइ इस्रायलीराउकाना गारा,"ता-प्रीनी
अनि परमेस्वर इ बाल्ह क खाबा काना इस्रायलीदै मिश्रीराउ क बिचहा थाबया ताकी मिश्रीराउ इ इस्रायलीराउकाना मुम ता-ह्रोएद।
परमेस्वर इ मोसाकाना हुन्क याकु समुन्द्रहाइ सौतना ती काना नि भाग बनाम गारा ।अनि परमेस्वर इ दाहिना दै दाब्र्याहाइ शक्तिशाली हावा चलातना समुन्द्र क बिचहाइतना दाठौ यम बनाआ।
इस्रायलिराउ सुख्खा दिसाताकी ती क बान्नो क बिचहाइत समुन्द्रहा लाम ग्लातना स्वासी ।
अनि परमेस्वर इ हुन बाल्हकाना यमहाइतना हटाबया ताकी मिश्रीराउ इ इस्रायलिराउकाना ब्रोककातयाङ मुमह्रोएद ।मिश्रीराउ इ हुराउ क न्हि ग्लान्याङ निर्णय खैसो।
इन्लमारै हुराउ समुन्द्र क यम ओतना इसायलिराउ क न्ही ग्लासी,तर परमेस्वर इ मिश्रीराउकाना अत्याबया अनि हुराउक घोडचढिराउकाना अड्काबया।हुराउइ क्रीकतना क्ल्याइसी ,"ब्रोक्नी
सब्ल इस्रायलिराउ समुन्द्र क हाइ छेउहा तोङ्कायाङ न्हौ,परमेस्वर इ फेरि मोसाकाना आफ्नो याकु पसारेम गारा।जब हुनि हुसा खया,फेरि समुन्द्र जसा क तसाल ओआ।सब्ल मिश्री फौजराउ बुरेसी ।
जब इस्रायलीराउ इ सब्ल मिश्रीराउ सियाङ मुसो,हुराउ इ परमेस्वरहा भर खैसो अनि मोसा दाठौ अगमबक्ता ह्रेका खैत बिश्वास खैसो।
इस्रायलिराउ इ चो उत्साहहा आनन्द कनि मनासो आहुखाझै परमेस्वर इ हुराउकाना सिम दैना कमरा ओमहाइतना बचाथाआनी
इस्रायलिराउकाना परमेस्वर इ मिश्रीराउ क विरुद्धहा बिजय बया अनि हुराउकाना कमराहाइतना बचायाङ सम्झना क लागै हरेक बर्ष निस्तार चाड मनाम गारा।हुराउ इ हुन पर्व दाठौ खोट माओयाङ थुमा सात्तना हुन्काना खमिर माजाक्याङ रोटादैना कैतना मनासो।
बाइबलको कथाः प्रस्थान १२:३३-१५:२१ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।