24. यहुन्ना यीशु ला छुइ चांगमा तेरका।

एलिशिबा रांग जकरयाह कि टु यहुन्ना, छिपु छारचा ङोनशि शोतकान नोक। खो रिया रु दोतका। तेने रिया कि डंगसि रांग टाकचि बु सायिन दोतिका, तेने ऊंट कि फाल ला ज़ोया खोनजा खोनिका।

मियुम यहुन्ना कि वुर ञनजा ला रिया रु वोंगबा। खो सु वोतुक चाया खोशाक ला प्रचार चावा, कि “ज्ञोतपा छे, चिला सेरना स्वरग कि राजय दोना वोका!”

जब मिया सु यहुन्ना कि लोन ला ञनदा, तेने ओएया नांगना मि युम सु ज्ञोतपा चावा, तेने यहुन्नार सु खोशाकला छु रांग चांगमा ज़ोवा। यहुन्नाा ला तारु धारमिक अगुवे वोगंबा, परन्तु खोशाक सु रांए दिकपा कि ज्ञोतपा माचावा।

यहुन्ना सु धारमिक लोपकान याला नावा, “ऐ डुल कि लामु वोकान मिया! ज्ञोतपा छे तेनि रांए आदत ला देफ। कोंजोक ओए फल दिमु मितेरकान पांग तोलि ला चत तोङा, तेने मिला तुकतोङा। ”जो ङोनशि शोतकान सु चावा वोकान ते यहुन्ना सु छंगबु चावा, ङा ज्ञोवा खयोए थांगला ङाए लोन खेरकान ला तोङा जो ख्योाए छिला लाम ज़ोवाक।”

धारमिक अगुवे सु यहुन्ना ला ठिवा चि ओएति मसिह नोकपा। यहुन्ना सु लन लोहवा, “ङा मसीह मान, परन्तु खो ङाए गुपला वोएका। खो वोचम छिपु नोक कि ङा ता खोए काफशा कि तसमा डोलज़ि लायक कांग मित।“

तिंगमा शाक, यीशु छुइ चांगमा लेनजा ला यहुन्ना कि दोरु वोगंबा। जब यहुन्ना सु खोला थोंवा, तेने खोसु चावा, “तो कोंजोक! कि रिउ जो जमबुलिंग कि दिकपा ला दुशा खेरडाक।“

यहुन्ना सु यीशु ला नावा, ”ङा ख्योत ला छु नासु चांगमा ज़ोए लायक मित। ओए सांग ता ख्योनत ङाला छुइ चांगमा चे।” परन्तु यीशु सु नावा, “ख्योमत ङाला छुइ चांगमा चि, चिला सेरना ओए लाहा ते फितचाला लाहा दिमु मानोक।“ तेने जुङमाला यहुन्ना सु यीशु ला छुइ चांगमा तातपा, जबकि यिशु सु नमकांग दिकपा चाया मिका।

छुइ चांगमा तातपि तिंगला यीशु छुइ नांगनासु फिताला थोनजा वोंगबा, तेनि कोंजोक कि नमशे ते लाटा कि खातोरु वोंगबा तेनै माला वोंगजा खोए खातोरु दतपा। ओति ज़िना, कोंजोक सु स्वरग नासु वुर तांगबा। खोसु नावा, “ख्योात ङाए टु नोक। ङा ख्यो त ला ञिमु फेति, तेने ङा ख्योगत नासु ज्ञमनि गरि वोत।“

कोंजोक सु यहुन्ना ला नावा, नमशे चांगमा ते माला वोगंजा ख्योसत छुइ चांगमा फेतकान कि खातोरु वोङा। ओए ते कोंजोक कि टु नोक। कोंजोक ते चिक नोक। परन्तुत यहुन्ना सु यीशु ला छुइ चांगमा तिरज़िना, खो छोरा टु ते कोंजोक ला तावा, जोकि यीशु नोक, तेने खोसु नमशे चांगमा ला तावा।