25. शैतान यीशु ला छोत तायिका।

यीशु छुइ चांगमा लिनबे वोति तिंगला, नमशे चांगमा तेसु खोला रिया रु खेरसाक। यीशु ओए रु ञिन रांग छंन शाकपा जिपचु दतपा। ओए ज़िना खो ञिना टुंगबा, तेने शैतान सु यीशु कि दोरु वोंगजा दिकपा फेततु जुकचा ला खोए छोत तावा।

थांगला, शैतान सु यीशु ला नावा, “खालते ख्योत कोंजोक कि टु यिनना तेने उइ दुवा ला रोटि ज़ो ख्योततला साया ला!”

परन्तुम यीशु सु लांडि ला नावा, “कोंजोक कि वचन ना ओतुक ठिशा वोका, सोनपु दोतचा ला मि ला लिम रोति चिकपु मिगोशा, परन्तु खोशाकला ओऐ वुर थाकपु गोशा जो कोंजोक खोशाला सेरिका!”

तेने लांडि यीशु ला गोनबा कि सिंग सांग थोनपु रु खेरसाक। खोसु खोला नावा, ”खालते ख्योरत कोंजोक कि टु यिनना उइनासु माला छोंग तोंग, चिला सेरना टिशा वोका, ’कोंजोक ख्योखतला दुतचा ला खोए स्वरगदुत ला तोङा ख्यो ए कांगबा ला दुआ सु मिनातचा ला।’”

परन्तुय यीशु सु शैतान चुक सेरकान ते वोतुक माचावा। ओए मागोता, खोसु नावा, “कोंजोक तोलि ला सेरका, ’ख्यो‍त ख्योरे कोंजोक ला छोत माता।”’

तेने शैतान ला लाथोनपु रु खेरसाक तेने ओएना सु जमबुलिंग कि राज्यन तोलि तोनबा। खोसु खोला तोनबा किओएया चाम शेतचिन वोका, तेने चाम छांगबु दुआ। खोसु यीशु ला नावा, “ङा उइ थाकपु ख्योात ला तेरे खालते ख्योित पूंगबु चुहशा ङाय ञिना टुंगजाना।”

यीशु सु लान लोहवा, ”ए लांडि ख्योजत ङाए दोनासु फाला सोंग! कोंजोक कि वचन ते मियाला हा कोतका, ‘कि लिम राऎ कोंजोक कि मिहवा चि। कोंजोक कि लामु लिम खोला आदर चि।‘“

यीशु सु लांडि कि छोत ताया नासु माफामबा, ओएछिला लांडि खोए दोनासु फुसाक। तेने स्वरगदुत वोंगशा यिशु कि तायिका।