32. यीशु सु शिनडे शुहशा नातपा वोकान मिया रांग फोमु नातपा जिक ला गारु चुकपा।

शाकचिक यीशु रांग ख्योसए चेलाया नाव रु दतचा ओए युल दु फुताक जहां गिरासेनि मिया दोतिका। खोशाक ओए ज़ारु लिपचा नाव नासु फाफताक।

ओएना मि चिक शेनडि शुह दोतकान नातपा जिक वोका

ओए मिते वोचम शेतचिन वोका कि सुकांग खोला काबु फेतगु मिछोत काग। लनमा युम मिया सु खोए लाकपा रांग कांगबा ला चाह कि चाल ताक रांग दमबा, परन्तुम खो ओए लांग चाक तिका।

ओए मिते ओए ज़ा कि रो कुंगसा रु दोतिका। ओए मिते ञिन छान कुरा ज्ञकिन दोतकाक। खो खोनजा कांग मिखोन ङा, तेने खो नमरे खोरांग ला दुआ रांग नाततु चुकाक।

ओए मिते फांग ज्ञुहशा यीशु कि दोरु वोंगबा तेने यीशु कि दोरु पुंगबु चुह ताक। तेने यीशु सु ओए मिते कि नांग कि शेनडि ला नावा, “ओए मिते कि नांगना नासु फिताला थोनला शोक!”

ओए शेनडि तेसु कात थोनपु रांग कुरा ज्ञपा, “ऐ यीशु, परम प्रधान कोंजोक कि टु, ख्योनए ङाला चि लाहा वोता ? ङाला वोरछे ङाजिन माफित!” तेने यीशु सु ओए शेनडि ला ठिवा, “ख्योमए मिन चि यिनदा? खोसु लान लोहवा, “ङाशि मिन सेना यिन, चिला सेरना मांगशाक युम वोत।” (रोमि माहमि ना तोंग युम माहमि कि छोंम चिक “सेना” चिक नोक।)

ओए शेनडि यासु यीशु ला चोलवा, “वोरछे मांगशाक ला उइ ज़ा तेनासु फिताला मातोन!” ओति दोए ला ना फाक युम सा सायिन वोका। ओए छिला वोति शेनडि यासु यीशु ला चोलवा कि, “ओए सांगता मांगशाक ला ओए फाक कि नांगदु थोग तोंग वोरछे !“ परन्तु मांशाकला काहु माकोत। यीशु सु नावा, “वोए,ओएरु फुला सोंग!”

था ओति शेनडि या ओए मिते नासु थोनजा ओति फाक या कि नांगदु फुसाक। तेनै फाक या ज्ञुहशा दुंग ते नासु छुइ छौ रु छोंग ताक तेने शिसाक। ओए छोंमना गन तोंग नि फाक वोका।

ओएना ओए फाक याला तआन मिया कांग वोका। खोशाया सु ओयरु थोङान थाकपु युल दु फुतचा शतपा। यीशु सु फेतकान या तोलि लाहा ओएरु शतपा। ओति युल कि मिया थोनजा वोंगबा तेनै ओए मिते ला थोंवा जिसमें शेनडि वोकान ते। खो लोदिया, खोंनजा खोनशा वोका, तेने दिमांग मि कि लामु दतचा वोका।

ओए मिया जिहशा वोका तेने खोशाक सु यिशु ला फुला सोंग नावा। था यीशु नाव कि खातोरु ज़ाहवा। ओए शेनडि वोकान मिते सु कांग यीशु रांग ञाबु डोया ला चोलवा।

परन्तु यीशु सु खोला नावा, ”मान। ङा सेराला ख्योत खांगबा रु फुतला तोलि ला शोत कि कोंजोक सु ख्यो ए छिला चि चि चावावा। खोशाकला शोत कि चुकचाया कोंजोक सु ख्योङतला खेनबावा।”

ओए छिला ओए मिते फुसाक तेने तोलि ला ओए वुर शतपा कि यीशु सु खोए छिला चि चावा। खोए काचा ला ञनङान मिया तोलि हा लादिका।

था यीशु छौ कि छुरकाला लोक वोंगबा। खो ओएरु लिपचि तिंगला, ज्ञमनि मि मांगबु खोए थथि ला खोर वोंगबा तेने खोला नोनिका। ओए मि मांगबु कि सिपना फोमु चिक वोका जो लौ चुङि नासु ठाक थोनजि नाज़ा सु नातपा वोका। खोसु खोरि मुल तोलि रांए नाज़ाया ला गारु जुकचा ला सिनसाक, परन्तु खोए नाज़ा थुना नानति फुसाक।

खो छोरचा वोका कि यीशु सु मि नातपा युमला दिमु ज़ोया वोका तेने खो सेमबा, ङा लिम यीशु कि खोनजा ला ञुहशा नासु लौ दिया ङा गडोया ठाक! ओए छिला खो यीशु कि ज्ञपनासु वोंगजा तेने खोए खोनजा ला ञुहवा। जैसे हि खो खोला ञुहवा, ओए ज़िना ठाक थोनजा छतसाक।

वोति ज़िना, यीशु सु शेसाक कि ङाए नांगनासु नुइफा थोनबा। ओए छिला खो फिविला लोकचा ठिवा, “ङाला सुसो ञुहवा?“ चेलों यासु लान लोहवा, “उइना वोचम मि मांगबु ख्योाए थथि गिर ला खोरचा, ख्यो तला फुलिका। तेनै ख्योेत चिला ठिवा ख्योवतला सुसो ञुहवा?”

था ओए फोमु ते यीशु कि दोरु दारकिन वोंगबा तेने जिहकिन पोंगबु चुहशा दतपा। तेने खोसु खोला शतपा कि खोसु चि चावावा, तेने ओए कांग कि खो गसाक। यीशु सु खोला नावा, “ख्योए दंगछिया तेसु ख्योतला गरु चुकपा। लौ दिला सोंग।”