33. ज़िमिदार कि टुंग।

शाकचिक, यीशु छोइ थाना वोका। खो मिया कि छोंम छेपु चिक ला लोपकिन वोका। खोला ञनदु वोचम मि मागबु वोका कि खोशाक तोलि ला वुर तोंगजा ला खोला दोतसि ज़ा मिका। ओए छिला खो नाव कि खातोरु ज़ाह ताक। ओएरु खो दतपा तेनै मिया ला लाहफा।

यीशु सु खोशाक ला टुंग चिक शतपा, “ज़िमिदर जिक साङोन ज्ञाकतु डोया ला थोनबा। जब खो साङोन ज्ञाकजिना साङोन गनजिक लामदु फोसाक। परन्तुि छासु वोंगशा ओए साङोन तोलि सोताक।

“जिनमा साङोन गनजिक सेया ज्ञोगबु रु फिरा ओएना थावा ञुन वोका। सेया ज्ञोगबु रु साङोन किया ज्ञोवा किवाक, परन्तु थावा ञुन सु फाताक सेय कि चाला डोगु माछोता। जब ञिमा शारि तिंगला ठोनमु नानति सुओए पांगतुक रातचा शिया कामसाक।”

“साङोन गनजिक छिरमांग कि खातोरु फिरा। ओए साङोन किया छारवा, परन्तुा छिरमांग सु ननता ओए छीला छिरमांग कि खातोरु फिरकान साङोन ते कियान पांग नासु डु माकिवा।”

“जिनमा गनजिक साङोन सेया दिमु रु फिरा। ओति साङोन किवा तेने चांए साङोन ज्ञाकन ते 30, 60, मागोता 100 सांग मागबु डु किवा। ओए छिला सुकांग कोंजोक कि गुपला डोमु वोतना कांग, दि उइ वुर ला ज्ञमनि शिरु रांग ञाबु ञोन ङा सेरकान ते!”

दि टुंग तेसु चेला याला नोकसाम कि दिंग ला चुकता। ओए छिला यीशु सु शतपा, ”ओए साङोन ते कोंजोक कि वचन नोक। ओए लाम ते वोतुक मि नोक जो कोंजोक कि वचन ला ञनिका परन्तुा खो शेय मिका। तेने शैतान खोए दोनासु वचन कुया खेरडाक। शैतान सु खोला वचन ला शेरु जुइ मिका।”

“ओए सेया ज्ञोगबु ते वोतुक मि नोक जो कोंजोक कि वुर ला ञनजा तेने गरि रांग ञाबु खोला लेनिका। परन्तुो नामला काहु ज़िना, या मिया खोला ङाजिन फेतजिना खो कोंजोक नासु थाकरिंग ला फुडिका। अथारत खो कोंजोक ला दिन छिया तांग तोङा।”

”ओए छिरमांग वोतसि ज़ा ते वोतुक मि नोक जो कोंजोक कि वचन ला ञानिका परन्तु खो ओए वुर तोलि कि दुङाल फेतचा सुकदिका, तेने खौ मुल युम कमाइ फेतमु वोका, तेने खो नोर युम गोमु वोका। नमला गनजिक कि गुपला, खो कोंजोक ला गरि शिरु माचुकपा। ओए छिला जो खो सु कोंजोक कि वचन नासु लाफशा वोकान ते खो कोंजोक ला गरिशिरु जुगु माशोता। ओए डु कि थुकसि कि लामु वोका जो ना माकिवा वोका।”

परन्तुन गाङशिन ज़ा ते वोतु क मि नोक जो कोंजोक कि वचन ला ञनङा, खोए खातोरु दिन छिका, तेने नोर कियाक।