49. कोंजोक कि सोमा वाचा।

स्वरग्दुत चिक सु नाजुंग फोमु मरियम ला नावा कि खो कोंजोक कि टु कियाक। खो तासांग नाजुंग नोक, परन्तु नमशे चांगमा खोए दोरु वोंगबा तेनि खो जुहु नातपा फुताक। खोसु टु चिक ला किवाक खोए मिन खोसु यीशु फोरा ओए छिला, यीशु कोंजोक तांग मि ञिकार नोक।

यीशु सु युम हाला लांग लाहा चावा जो दोनिका कि खो कोंजोक नोक से। खो छुइ खातोक ला डुला तेनि लागदा ला चाकपा। खोसु नातपा युम ला गारु चुकपा तेनि मि युम कि नांगनासु शेंडि तोनबा। खोसु शिया वोकान मिया ला सोनपु ज़ोवा, तेनि खोसु रोटि ङा रांग मछलि ञि ला मि तोंग ङा कि ठोतपा खांगजा ला सालांग कि छिला सापतुंग जोवा।

यीशु ते गाङछिन लोपकान कांग नोक। चि कांग खोसु लावा, ओए खोसु शिरु चाया लाफा। खो मिया ला चे सेरकान ते ओए खोशाकला फितगिशाक चिला सेरना खो कोंजोक कि टु नोक। था पिते कि छिला, खोसु लाफाक कि ख्योखशाक मिया ला वोतुक का ञिमु फेत गिशाक जैसे ख्योत ख्योयरांग ला ञिमु फेतकान चोनि चे।

खोसु वोतुक कांग लाफा कि ख्यो।शाक नोर तोलि सांग मागबु तेनि रांए शिंग खांगबा तोलि सांग मागबु कोंजोक ला ञिमु फेतचानुक।

यीशु सु चावा कि जमबुलिंग दु चि नोर ला गोया सांग मांगबु दिमु वोका कोंजोक कि राज्य रु ढोया। खोए राज्य रु ख्योिशाक डोया ला खाकचिन वोका कि कोंजोक ख्योशाक ला ख्यो।शे दिकपा नासु क्योफका।

यीशु सु चावा कि मि गनजिक खोला ञिनङाक। कोंजोक ओए मिया ला क्योफकानुक। परन्तुठ जिनमा मिया खोला मिञिनङा। खोसु वोतुक कांग चावा कि मि गनजिक सेया गाङशिन कि लामु नोक, चिला सेरना खोशाक यीशु कि बारे ला दिमु लोन ला ञिनिका।, तेनि कोंजोक खोशाला क्योोफिका। परन्तु मि गनजिक लाम कि सेया ज्ञयोंगबु कि लामु नोक। कोंजोक कि वचन साङोन कि लामु लामदु ठुलका, परन्तु ओएरु चांग खांग मिकियाक। ओए मिया यीशु कि बारे ला लोन तेला मिञिनङा। खोशाक खोए राज्यो रु डोया ला मिञिनङा।

यीशु सु लावा कि कोंजोक दिकपा फेतकान याला ज्ञमनि ञिमु फेतका। खो खोशाकला माफ फेतमु वोका तेनि खोला रांए बुटिंग ज़ोमु वोका।

यीशु सु वोतुक कांग शतपा कि कोंजोक दिकपा ला गायि मिका। चिला सेरना आदम रांग हव्वा सु दिकपा, ओए छिला खोए रिह रुहा तोलि सु दिकपा चावा। उइ जमबुलिंग दु दोतकान मि तोलि दिकपा फितका। तेनि कोंजोक नासु थाकरिंग ला वोका। मि तोलि कोंजोक कि डा नोक।

परन्तुा कोंजोक सु दि जमंबुलिंग दु दोतकान मि रे रे ला दि लुहतांग ञिमु चावा: खोसु रांए टु चिक तेला ता ताक ताकि कोंजोक खोशाक ला सजा मितेर चे छिला जो खोला दंग फितेका। ओए मागोता, खो खोशाक तांग ञाबु फदिंग कि छिला दोतका।

ख्योजत शियि लायक वोका, चिला सेरना ख्यो शाक सु दिकपा चावा। ख्योशाक नासु कोंजोक छिङनाह लांगजा दिनजा वोका, खो यीशु ला छिङनाह लांगबा। खोसु यीशु ला क्रुस ला ठोंगजि सजा तातपा।

यीशु सु नम कांग दिकपा माछावा, परन्तु खोसु कोंजोक ला खोला सजा तेरतु चुकपा। खोसु शि ढोया मजुंर चावा। ओति लुह नासु, ख्योपशे दिकपा तेनि दि जमंबुलिंग दु दोतकान मि तोलि कि दिकपा ला ठाहशा खेरचि छिला ते छेपु बलिदान नोक। यीशु सु खोरांग ला कोंजोक कि छिला बलिदान तातताक, ओए छिला कोंजोक चुक दिकपा ला, ओए मागोता जिहशा दिकपा ला कांग माफ फितका।

खालते ख्योखत ज्ञमनि दिमु लाहाया फितेना, तेनि औए छिनासु कोंजोक ख्योशतला मि क्योकफका। खोए रोह फितचाला वोतुक चि कांग मिकावा जो ख्योित फितगु छोका। औए छापला, ख्यो‍शाक ला दंग फितगु वोङा कि यीशु कोंजोक कि टु नोक, तेनि खो ख्योशे छिला क्रुस तु शिसाक, तेनि कोंजोक सु खोला ञा सोनपु ज़ोताक। खालते ख्योवत खोला दंग फितचाना, तेनि कोंजोक ख्यो शे दिकपा ला माफ फितका।

कोंजोक ओए मि तोलि ला क्योोफका जो यीशु ला दंग फितका तेनि खोला रांए कोंजोक ज़ोवाक मितपु यिनना, या छुकपु, टु यिनना या फोमु, गतपु यिनना या ख्यो़कतोंग, या ख्योतशाक खना वोतना कांग। कोंजोक ख्योतला ञिमु फितका तेनि खो वोतुक थातिका कि ख्यो त यीशु ला दंग चे तेनि खो ख्योिशि रोह फितचाला ला।

यीशु ख्योतला कत ज्ञाओ कि खोला दंग चे तेनि छुइ चांगमा लेन। चि ख्यो शाक दंग फितेता कि कोंजोक कि टु पोटोक चिक ते, यीशु मसीह नोक ? चि ख्योाशाक दंग फितेता कि ख्योित पापि यिनदा तेनि ख्योशाक कोंजोक सु सजा तेरचि लायक होता ? चि ख्योाशाक दंग फितेता कि ख्योकशे दिकपा ला थाकतु जुकचा ला यीशु क्रुस रु ठोंगबा ?

खालते ख्योजत यीशु ला या खोसु चि ख्योाए छिला चाया वोतना कांग ओए ला दिनछेता, तेनि ख्योत मसीहि नोक ! लांडि खोर राज्य नासु ख्योाशे खातोरु शासन फितगु मिछितका। था कोंजोक रांए वोत कि राज्य रु ख्योए खातोरु शासन फितेका। खोसु ख्योतला दिकपा फितचाला गाहवा। जिसे ख्योुत फितेका। खोसु ख्योतला मिज़े सोमा तातपा।

खालते ख्योजत मसिहि यिनना जो यीशु सु चाया वोकान ते ओए छिनासु कोंजोक सु ख्योए दिकपा ला माफ चावा। था, कोंजोक ख्यो त ला डा मानदा रोह सेमङाक।

खालते ख्योिए कोंजोक कि रिह यिनना तेनि कोंजोक कि योकपु यिनना ख्योरत ओर वुर लान ञिनजा ला गरि वोङा जो यीशु ख्योोतला लोतकान ते। ख्योोत मसीही यिनना कांग, शैतान थासांग कांग दिकपा फितचाला ख्यो तला गुहशा दोतका। परन्तु कोंजोक ओए फादिंग फितका जो खो सेरिका किखो फितकान। खो सेरका कि खालते ख्योोत रांए दिकपा ला ञिनतोंग जाना, तेनि खो ख्योसतला माफ फितका। खो ख्योकतला दिकपा कि खिलाफ लाकडिया ला शक्तित तेरका।

कोंजोक ख्योयशाला मोल्लवम ज्ञाकचा रांग खोए वचन ला सिलजि छिला सेरका। खो ख्योसशाकला जिनमा विश्वासियो रांग ञाबु रुपला खोए मिहवा फितचाला सेरका। ख्योखशाला जिनमा मिया का कांग शोतचा नुक कि खोसु ख्योाशे छिला चि चावावा। खालते ख्योयत ओए लाहा तोलि ला फितचाना, तेनि ख्योत खोए रोह टानते फुडाक।