26. यीशु अपन सेवा सुरु करेला

शैतान कर परीक्षा कर इंकार करेक कर बाद, यीशु वापस गलील केर क्षेत्र में आलक। ई ओहे जगह हेके जहाँ उ रहत रहे। पवित्र आत्मा उके बड़ी शक्ति देवत रहे आउर यीशु एक जगह से दुसरे जगह जायके, आदमीमन के शिक्षा देलक। सब उकर बारे अच्छा बात कहत रहलय।

फिर यीशु नासरत नगर में गेलक। जब उ बालक रहे तो उ ईहे गाँव में रहत रहे। सब्त केर दिन, उ आराधना करेक कर जगह में गेलक। अगुवामन उके यशायाह भविष्यद्वक्ता कर संदेश कर एगो किताब देलय। उमन चाहत रहलय कि उ उकर में से पढ़े। अतः यीशु उ पुस्तक के खोइल के उकर एगो भाग के आदमीमन लागिन पढ़लक।

यीशु ई लेखे पढ़लक, "परमेश्वर मोके अपन आत्मा देइहे ताकि मोय कंगाल मन के सुसमाचार प्रचार कईर सकों। उ मोके इकरले भेईज हे कि मोय कैदीमन के आजाद करबू, अँधा मन के फिर से दृष्टी प्रदान करबू आउर जेमन के दुसर लोग मन कुचलथय उमन के छुटकारा देबू। ई उ समय है जब परमेश्वर हमीन उपरे दया करी आउर हमर सहायता करी।

फिर यीशु बैठ गेलक। सब कोई उके बड़े ध्यान से देख रहलय। उमन जानत रहलय कि पवित्रशास्त्र कर जे भाग उ एखन पढ़त रहे उ मसीह कर बारे में रहे। यीशु कहलक, "जे बात मोय एखन तोहीन ले पढ़लों, उमन बिलकुल इ समय घटत आहे।" सब कोई चकित रहलय। उमन कहलय, "का इ यूसुफ कर बेटा ना लगे?"

तब यीशु कहलक, "ई सच हेके कि लोगमन कोई उ भविष्यद्वक्ता के कभी स्वीकार नी करेना जे उकर गांव घर में पला-बढ़ा होई। एलिय्याह भविष्यद्वक्ता केर समय में, जब साढ़े तीन बरस तक बरखा नी होलक तब इस्राएल में ढेरे ले विधवामन रहलय। लेकिन परमेश्वर ने एलिय्याह के इस्राएल में कोई बिधवा कर सहायता करेक ले नी भेजलक। इकर बजाय, उ एलिय्याह के एक दूसर देश कर विधवा केर ठीन भेजलक।"

यीशु काहेक जारी राखलक, "और एलीशा भविष्यद्वक्ता केर समय में, इस्राएल में बहुत से लोगमन चमड़ी केर रोग से पीड़ित रह्लय। लेकिन एलीशा उकर में से केकरो चंगा नी करलक। उ सिर्फ इस्राएल केर शत्रु केर सेनापति नामान के चंगा करलक।" लेकिन जे मन यीशु केर सुनत रहलय उमन यहूदी रहलय। इकरले जब उमन में उके ई कहते सुनलय तो उमन उकर से गुसाय गेलय।

नासरत केर आदमी मन यीशु कर धईर लेलंय आउर उके आराधना कर जगह से घोंसारते बाहरे लेई गेलय। आउर उमन उके एगो चटान कर चोटी पर लेई गेलय, ताकि उके हुवां से निचे गिराय के माईर डालबय। लेकिन यीशु भीड़ में से निकईल गेलक आउर नासरत नगर के छोईड़ के चइल गेलक।

फिन यीशु सारे गलील केर क्षेत्र में गेलक, आउर बड़ी भीड़ उकर ठीन आलक। उ मन ऐसन बहुत से आदमीमन के लेइके आलय। जे बीमार आउर बिक्लांग रह्लय। उकर में कुछ अंधा, आउर कुछ दुसर लंगड़ा, बहिरा या गुन्ग्गा रहलय। आउर यीशु उमन के चंगा करलक।

इकर अलावा, बहुत से ऐसन लोगमन के यीशु के पास लानलय जे मन उपरे दुष्टात्मा रहे। यीशु दुष्टात्मा मन के उमन से निकेईल जाएक ले हुकुम देलक, आउर उमन निकइल गेलय। उ दुष्टात्मा मन अक्सर चिल्लात रहय, "तोय परमेश्वर कर पुत्रर हेकीस! " भीड़ केर लोगमन रहलय, आउर उमन परमेश्वर कर स्तुति करलय।

फिर यीशु बारह पुरुषमन के चुनलक कि उमन के अपन खास आदमी बनबय। उ उमन के प्रेरित कहलक। ई प्रेरितमने उकर संगे यात्रा करलय आउर उकर से शिक्षा प्राप्त करलय।