27. दयालु सामरी कर कहानी

एक दिन मूसा की ब्यवस्था कर सिखाएक वाला यीशु ठीन आलक। उ सबके इ दिखायला चाहत रहे कि यीशु गलत तरीका शिक्षा देवथे। इकर ले उ कहलक “हे गुरु, अनन्त जीवन पावेक ले (लागिन) मोय का करों? यीशु जबाब देलक “परमेश्वर कर ब्यवस्था में का लिखल आहे?”

उ आदमी कहलक, “उकर में ऐसन कहल जाईहे कि आपन परमेश्वर से आपन सारे मन, प्राण, सामर्थ आउर बुधि से प्रेम राख आउर अपन पडोसी से अपन लखे प्रेम राख “यीशु उतर देलक ‘तोय ठीके कहले! अगर तोय ऐसन करबे, तो तोके अनन्त जीवन प्राप्ति होवी।

लेकिन उ व्यवस्था कर सिखाएक वाला, आदमीमन मन के देखाएक चाहत रहे कि उकर जीवन जियेक कर तरीका सही रहे। इकर ले उ यीशु से पूछलक “ठीक हेइक, तो मोर पड़ोसी के हेके?”

यीशु उ व्यवस्था केर सिखाएक वाला के एगो कहानी बताएक कर द्वारा जवाब देलक। "एगो यहूदी आदमी रहे जे एगो रोइड से होइके यरूशलेम नगर से यरीहो नगर बटे जात रहे।"

लेकिन कुछ डाकुमन देखलय उके आउर उकर पर हमला कईर देलय। उमन उकर सब कुछ के लुइट लेलय आउर उके मारलय - पिटलय आउर अधमरा छोईड़ के चईल गेलय।

उकर तुरन्त बाद, एगो यहूदी याजक वोहे सड़क से गुजरलक। उ याजक उ आदमी के सड़क में पड़ल देखलक। जब उ उके देखलक तो उ सड़क कर दूसर बटे जायके आगे बईढ़ गेलक। उ उ आदमी के पूरा तरह से अनदेखा कईर देलक।

कुछ समय बीतल कर बाद, एगो लेवी उ सड़क में आलक। (लेवी यहूदिमन कर एगो गोत्र रहे जेमन मंदिर में याजकमन कर सहायता करत रहलय।) उ लेवी भी उ अधमुवा पड़ल आदमी के देखलक आउर सड़क कर दूसर बटे से निकईल गेलक। उ भी उ व्यक्ति कर अनदेखा कईर देलक।

अगला आदमी जे उ सड़क में आलक उ सामरिया देश कर एगो पुरुष रहे। (सामरी लोग आउर यहूदी लोग एक दूसर से नफरत करत रहलय।) फिर भी उ सामरी आदमी सड़क में पड़ल उ यहूदी आदमी के देखलक तो उकर उपरे बड़ा तरस खालक। तब उ उकर पासे गेलक आउर उकर घाव में पट्टि बाँधलक।

फिर उ सामरी उ व्यक्ति के अपन गधा उपरे लादलक आउर उके उ सड़क से उठाय के एगो बिश्रामघर में लेई गेलक। जहाँ ठीन उ उकर देखभाल करेक जरी रखलक।

अगला दिन, उ सामरी के अपन यात्रा के जारी राखेक कर जरुरत रहे। उ उ सराय कर मालिक को कुछ पैसा देलक। उ उकर से कहलक “ई आदमी कर देख भाल करबे। अगर ई पैसा के अलावे आउर तोर कुछ आउर पैसा खर्च होवी तो वापस होवेक बेरा मोय तोके उ खर्चा कर भईर देबुं।"

फिर यीशु उ व्यवस्था केर सिखाएक वाला से पूछलक, "तोय का सोचथिस? इ तीन जन में से केहर उकर पड़ोसी होवी जेकर से लूटल आउर पीटल गेलक ?" उ जवाब देलक, " ओहे जे उकर उपरे दाया दिखालक” “तब यीशु उके कहलक, “तोहों जा आउर एसने करबे।"