29. निर्दयी दास कर कहानी

एक दिन, पतरस यीशु से पूछलक, "हे स्वामी, जब मोर भाई मोर बिरुद्ध पाप करेला तो मोके अपन भाई के केतना बार क्षमा करेक चाहि? का सात धांव तक ?”यीशु कहलक “सात धांव नहीं लेकिन सतर धांव। इकर द्वारा यीशु कर मतलब यी रहे कि हमीन के हमेशा क्षमा करेक चाहि। तब यीशु ई कहानी बतालक।

यीशु कहलक, "परमेश्वर कर राईज ई लेखे हेइक। एगो राजा जे अपन दास से लेखा लेवेक चाहत रहे। उकर एगो दास ढेरे पैसा कर एगो बड़का कर्ज कर करजदार रहे।”

लेकिन उ दास "अपन ऋण के चूकाय नी पारलक, इकरले राजा कहलक “इकर ऋण चूकाएक ले ई पुरुष के आउर इकर परिवार के गुलाम केर रूप में बेईच देवा।

"उ नौकर राजा कर आगे घुटना टेइक के कहलक, कृपा कईर मोर उपरे धीरज धर, आउर मोय अपन करज (ऋण) केर पूरा रकम भईर देबू।” राजा नौकर उपरे दया करलक, इकरले उ उकर सारा ऋण के माफ कईर देलक आ उर उके जायेक देलक।”

"लेकिन जब उ दास राजा ठीन से बहरे गेलक, तो उकर संगी दास मिललक जे उकर थोड़ी-बहुत पैसे कर ऋणी रह्लक। उ दास अपन संगी दास के धरलक आउर कहलक ‘जे तोर उपरे मोर करज हेइक मोके उके भईरदे।”

"उ संगी दास घुटना में गिर कर कहलक, 'कृपा कईर के मोर संग धीरज धर, आउर मोय अपन कर्जा कर पूरा रकम तोके चूकाय देबू। लेकिन इकर बजाय, उ दास अपन संगी दास के जेल खाना में डाइल देलक जब तक की उ उकर करजा कर भुगतान नी कईर दे।”

"जे कुछ होई रहे उके कुछ दुसर दासमन देखलय आउर उमन उके देईख के बहुत परेशान होलय। उमन राजा ठीन गेलय आउर उके सब कुछ केर बताय देलय।”

"राजा उ दास के बुलाय के कहलक, 'हे दुष्ट दास! मोय तोर करज के इकर ले क्षमा क ईर रहों काहेकि तोय मोर से बिनती कईर रहिस तोके हूं ओसने करेक चाहत रहे। तब राजा इतना गोसय रहे कि उ उ दुष्ट दास के जेल घर में डाइल देलक जब तक कि उ अपन पूरा करज कर वापस चुकता नी कईर देवी।”

तब यीशु कहलक, " येदी तोहीन अपन भाई के अपन दिल से क्षमा नी करबा तो मोर स्वर्गीय बाप तोहिन में सब कर साथ इसने करी।”