3. बाईढ़

बहुत समय केर बाद, संसार में बहुत से आदमी मन रहत रहलै। उमन बहुत दुष्ट आउर हरामी होई जाय रहैं। सब कुछ इतना बुरा होई जय रहे कि कि परमेश्वर आखिर में निर्णय लेलक कि एगो भयंकर बाईढ़ से गोटा संसार के नष्ट कईर देवल जई।

लेकिन परमेश्वर नूह से खुश रहे। उ एगो धर्मी ब्यक्ति रहे, जे दुष्ट आदमी मन कर बीच में रहत रहे। परमेश्वर नूह के बतालक कि उ एगो भयंकर बाईढ़ के लानेक वाला रहे। इ कारण उ नूह के एगो बड़का नौका बनाएक ले कहलक।

परमेश्वर नूह के एगो नौका बनाएक ले कहलक, जे लगभग 140 मीटर लम्बा, 23 मीटर चौड़ा, आउर 13.5 मीटर कर ऊँचाई होवी। नूह के उके काठ केर बनाएक रहे। आउर उकर में तीन ताला, ढेर सारा कोठरी, एगो छत आउर एगो खिड़की बनाएक रहे। उ नौका नूह उकर परिवार आउर धरती केर सोउब किसिम कर जानवर के उ बाईढ़ से बचायक लागिन रहे।

नूह परमेश्वर कर आज्ञा के मानलक। उ आउर उकर तीनो छउवामन वैसने नौका के बनालय जैसन परमेश्वर उमन के बताय रह्लक। काहेकि उ नौका बहुत बड़का रहे। इकरले उके बनायक में कई साल लाईग गेलक। नूह आदमीमन के आवेक वाला बाईढ कर बारे में चेतावनी देलक। आउर उमन के परमेश्वर बटे घुरेक ले कहलक, लेकिन उमन उकर उपरे बिश्वास नी करलय।

परममेश्वर नूह आउर उकर परिवार के आपनमन ले आउर जानवर मनले पर्याप्त भोजन जमा करेक ले आज्ञा भी देलक। जब सब कुछ तयार होई गेलक, तो परमेश्वर नूह के कहलक कि अब उके, उकर बहोरिया के, उकर तीनों बेटा, आउर उमन कर बहोरिया मन के- सोउब मिलाय के आठ जन के नौका के भीतरे जायक कर समय रहे।

परमेंश्वर हरेक किसिम कर जानवर आउर चरई के नर आउर मादा के नूह ठीन भेजलक ताकि उ मन नौका में जाय सकेना आउर बाईढ के समय सुरक्षित राखल जाई सके। परमेंश्वर ऐसने हर किसिम कर जानवर मन के सात नर आउर सात मादा मन के भेजलक जेके बली चढ़ायेक ले इस्तेमाल करल जाय सकेला। जब उमन सोउब नौका में चईढ़ गिलय तो खुद परमेश्वर नौका कर दरवाजा के बंद कईर देलक।

तब बारिश होवेक शुरू होलक, आउर बरखा होते गेलक। बिना रुक्ले चालीस दिन आउर चालीस राईत तक बारिश होते रहलक। धरती के भीतरे से भी पानी कर फुईट फुईट कर निकलेक लागलक। सारा संसार कर हरेक चीज पानी में डूईब गेलक। हियाँ तक कि उंचा से उंचा पहार भी।

सुखल जमीन में रहेक वाला हरेक चीज मईर गेलक, सिर्फ उ मनवामन आउर जानवर नौका में रहलैं, उमन बाईच गेलय। उ नौका पानी में पाउंरत रहे आउर नौका कर भीतरे कर हरेक चीज डूबेक से सुरक्षित राखलक।

बारिश कर रुकल बाद, पांच महिना तक उ नौका पानी में पऊँरत रह्लक आउर उस समय कर दौरान पानी कम होवेक लाईग रहे। तेले एक दिना उ नौका एगो पहार कर चोटी में जाय के टिक गेलक, लेकिन संसार एखन तक पानी से भरल रहे। तीन महिना बाद पहार कर चोटीमन दिखाई देवेक लागलक।

फिन आउर चालीस दिन केर बाद नूह एगो कौआ के ई देखेक ले बहरे भेजलक कि पानी सुईख रहे कि नहीं। उ कौवा सूखल जमीन कर खोज में इने उने उड़त रह्लक लेकिन उके एसन केऊ ठाँव नी मिललक।

फिन बाद में नूह एगो कबूतरी के बाहरे भेजलक। लेकिन (परन्तु ) उके भी कोनो सुखल जमीन नी मिललक, इकेरले उ नूह ठिन वापस आय गेलक। एक हप्ता कर बाद उ उस कबूतरी के फिन से भेजलक, आउर उ आपन ठोर में जैतून के एगो नवा पतई लेइके वापस आलक। पानी घटत रहे, आउर पौधा मन फिन से उगेक लाईग रहे।

नूह एक हप्ता आउर इंतजार करलक आउर तीसरा बारी उ कबूतरी के बहरे भेजलक उके ठहरेक कर जगह मिल गेलक आउर उ वापस नी आलक। पानी सुखत रहे।

दुई महिना कर बाद परमेश्वर नूह के कहलक, “अब तोंय आउर तोर परिवार आउर सोउब जानवर नौका से निकइल के आवा। ढेर सारा छउवा आउर छउवा पुता मन के जनमावा आउर धरती में भईर जावा” अत: नूह आउर उकर परिवार नौका से बहरे निकईल के आलयं।

नूह नौका से बहरे आवेक केर बाद, उ एगो वेदी बनालक। आउर बलि ले इस्तेमाल करेक जाएक वाला हर तरह के जानवर मन में से कुछ के लेइके बलि चढ़ालक। परमेश्वर उ बलिदान से खुश होलक आउर नूह आउर उकर परिवार के आशीष देलक।

परमेश्वर कहलक, “मोय वादा करोना कि मनवा मन कर द्वारा करल जाल वाला बुरा काम कर कारण मोंय फिर कभी भूईयां के शाप नी देबू। मोय ना तो बाईढ़ कर द्वारा संसार के नष्ट नी करबू, हलांकि मनुष्य अपन जनम कर समय से ही पापी आहें।

फिन परमेश्वर आपन वाचा कर चिन्ह के रूप में इन्द्रधनुष के बनालक। जब कभी इन्द्रधनुष आकाश में दिखाई देवेला, तो परमेश्वर याद करेला कि उ का वादा कईर हे आउर ओसाने उकर आदमी मन भी याद करबैं।