4. अब्राहम कर साथ परमेश्वर कर वाचा

बाईढ कर कई साल बाद, संसार में बहुत आदमी मन रहत रहलैं, आउर उमन अब भी परमेश्वर के आउर एक दूसरा कर विरुध्द पाप करलंय। काहेकि उमन सब एके भाषा बोलत रहलंय, इकेरले उमन एक संग जमा होलय आउर एगो नगर के बनाएक लागलंय। जैसन परमेश्वर आज्ञा देई रहे, उकर अनुसार उमने सारे संसार में नी फैललंय।

उमन बहुते घमंडी रहलै आउर उमन के कैसन जिन्दगी जियक चाही इकर बारे उमन परमेश्वर कर आज्ञा के पालन नी करेक चाहत रहलैं। हियाँ तक कि उमने एगो एसन मीनार के बनाएक ले शुरू करलंय जे स्वर्ग तक पहुंचे वाला रहे। परमेश्वर देखलक कि अगर उमन एक संग मिल के बुरा काम करते रहबैं, तो उमन आउर भी पापी काम मनके कईर सकेंना।

इकर चलते परमेश्वर उमन कर भाषा के ढेर सारा अलग-अलग भाषा में बदईल देलक आउर उमनके पूरा संसार में फैलाय देलक। जे शहर के उमन बनायक ले शुरू करलय उ बाबेल कहलालक, जेकर अर्थ “गड़बड़ी”।

कई सौ साल बाद, परमेश्वर अब्राहम नाव कर एगो आदमी से बातियालक। परमेश्वर उके कहलक “ अपन देश आउर परिवार के छोइडके उ देश चईल जा जेके मोय तोके देखाबु। मोय तोके आशीष देबु आउर तोर से एगो बड़का जाईत बनाबू। मोय तोर नाम के महान करबू। जे तोके आशीष देवी मोय उके आशीष देबू आउर जे तोके श्राप देवी उके श्राप देबुं। संसार कर हरेक खानदान तोर से आशीष पाबंय।

अत: अब्राहम परमेश्वर कर आज्ञा मनलक। उ आपन पत्नी सारै के लईके, आपंन सोउब नौकर मन आउर अपन सोउब धन दौलत के भी लेके आउर उ देश के अर्थात् कनान देश में चईल गेलय जेके परमेश्वर उके देखाय रहे।

जब अब्राम कानन पहुंचलक तो परमेश्वर उके कहलक, “आपन चाईरो बटे देख। मोंय़ तोके इ पूरा देश देबु आउर तोर खनदान सदा लागिन इकर उपरे अधिकार रखबैं”। तब अब्राम उ देश में बईस गेलक।

मिलिकिसेदेक नाव कर एगो आदमी रहे, जे सबसे महान परमेश्वर कर याजक रहलक। एक दिन जब अब्राम लड़ाई कईर के घुरत रहे तो उ आउर अब्राम मिललॅय। मिलिकिसेदेक अब्राम के आशीष देलक आउर कहलक, सबकर से महान परमेश्वर जे स्वर्ग आउर पृथिवी कर मालिक हेके उ तोके आशीष देवी”। फिर अब्राम युद्ध में जीतल सोऊब चीज कर दशवांश मिलिकिसेदेक के देलक।

कई वरस बीत गेलक, लेकिन एखन तक अब्राम आउर सारै केर छउआ (बेटा) नी होलक। परमेश्वर अब्राहम से बात करलक आउर फिर से वायदा करलक। उ ई प्रतिज्ञा करलक कि उकर एगो बेटा पैदा होवी आउर जैसन असमान में तैरगण है वैसने उकर बहुत वंशज होबैं। अब्राम परमेश्वर केर वादा में बिश्वास करलक। परमेश्वर घोषणा करलक कि अब्राहम एगो धर्मी ब्यक्ति रहे काहेकि उ परमेश्वर कर वादा उपरे बिश्वास करलक।

तब परमेश्वर अब्राम से एगो वाचा बांधलक। सधारण रूप से, एगो वाचा दुई पाटी कर बिच में एक दूसर ले काम करेक ले समझौता होवेला। परमेश्वर अब्राम से ई वायदा कइर रहे, जेखन अब्राम सुतत रहे लेकिन उ फिर भी परमेश्वर कर आवाज को सुइन सकत रहे। परमेश्वर कहलक “मोय तोरे देह से उत्पन कईर के तोके तोर ले एगो आपन बेटा देबू। मोय तोर वंश के इ कानन देश देवाथों” लेकिन एखन तक भी अब्राम कर कोई बेटा नी रहलै।