5. वायदा कर बेटा

अब्राहम आउर सारै केर कनान पहुंचल केर दस साल केर बाद एखन तक भी उमन केर कोनो संतान नी रहे। इकरले अब्राहम कर पत्नी सारै उकर से कहलक “देख परमेश्वर एखन तक मौके संतान नी देई हे” आउर अब मोंय संतान जन्माएक ले बहुत बुढ़िया होई जाहों। अब सुन, मोर नोकारानी हजीरा हियाँ हेइके। उके भी सादी कईर ले कि उ मोर ले एगो बेटा पैदा कइर सकेल”

अत: अब्राहम हजीरा से सादी करलक। हाजिरा एगो बेटा के जन्मालक आ उर अब्राहम उकर नाम इशमाइल रखलक। लेकिन सारै हाजिरा से ईर्ष्या करेक लागलक। जब इशमाइल तेरह साल कर रहे, परमेश्वर फिर से अब्राम से गोइट करलक।

परमेश्वर कहलक “मोय सर्व -शक्तिमान परमेश्वर हेकों। मोर तोर संगे एगो वाचा बान्धबू “ तब अब्राम जमीन में गिरके दंडवत करलक। परमेश्वर ने अब्राम से इ भी कहलक “तोंय बहुत से जाति कर बाप होबे। मोय तोके आउर तोर वंसज के उमन कर आपन जमीन होवेक ले कानन देश देबू। आउर मोय हमेशा ले उमन कर परमेश्वर होबू। तोंय आपन घर कर हर पुरुष कर खतना करेक है”।

तोर पत्नी सारै एगो बेटा जनमई उ बेटा कर प्रतिज्ञा होवी। उकर नाव इसाहक राखबे। मोय उकर संग आपन वाचा के बनाय रखबू आउर एगो बड़का जाति बइन जई। मोय इशमाइल के हूँ एगो बड़का जाति बनाबू, लेकिन मोर वाचा इसहाक़ कर संग रही”। तब परमेश्वर अब्राम कर नाव बदईलके अब्राहम कइर देलक जेकर अर्थ है “बहुत कर बाप” परमेश्वर सारै कर नाव हूँ बदईल के सारा कईर देलक जेकर अर्थ हेके “मुलमाता”।

उ दिन अब्राहम आपन घराने कर सब पुरुष के खतना करलक। लगभग एक साल कर बाद, अब्राहम 100 बरस कर रहे आउर सारा 90 बरस के रहे। तब सारा अब्राहम के पुत्र जनम देलक। जेसन परमेश्वर उमन के कइह रहे उमन उकर नाव इसाहक़ राखलै रहे ।

जब इसहाक जवान होलक तो परमेश्वर ने अब्राहम के विश्वास कर परीक्षा करलक। परमेश्वर कहलक, "अपन एकलौता बेटा के ले, आउर उके मोर लागींन बलि के रूप में माईर डाल।" फिन से अब्राहम ने परमेश्वर कर आज्ञा मानलक आउर अपन बेटा के बलि करेक ले तैयार करलक।

जेखन अब्राहम आउर इसहाक बलि चढ़ाएक जगह बटे जाएक लागलंय तो इसहाक पूछलक, “हे बाबा हमरे ठिना बली ले लकड़ीमन तो आहे लेकिन बली करेक ले मेमना कहाँ हेईक?” अब्राहम जवाब देलक, “हे मोर बेटा, परमेश्वर बली करेक ले मेमना कर उपाय करी।”

जब उमन बली चढ़ायेक कर जगह पहुच गेलाय, तो अब्राहम इसाहक के बाईध के सुताय देलक। उ अपन बेटा के मरके वाला रहे कि परमेश्वर कहलक “रुईक जा! छोंड़ा के नुकसान न पहुचाव! अब मोय जाईन गेलों कि तोंय मोर भय मानीस ला। काहेकि तोंय अपन एकलौता बेटा के भी मोर से बचाय के नी राखले।”

बगल में अब्राहम देखलक एगो भेड़ा झाड़ी में फसल रहे। इसाहक कर बदला में बली लागिन परमेश्वर मेढ़ा कर प्रबंध कईर रहे। अब्राहम ख़ुशी ख़ुशी भेड़ के बली चढ़ाय देलक।

तब परमेश्वर अब्राहम के कहलक, “काहेकि तोय मोर लागिन सब कुछ देवेक ले इछुक रहले, हियाँ तक कि अपन एकलौता बेटा के भी। इकर ले मोय तोके आशीष देवेक कर प्रतिज्ञा करथों। तोर वंशज आकाश कर तारामन से भी अधिक होबंय।काहेकि तोंय मोर आज्ञा के माईन हिस इकेरले मोय तोर परिवार कर द्वारा संसार कर सोउब कुल के आशीष देबू।”