32. यीशु दुष्टात्मा से जकड़ल आदमी के आउर एगो बीमार महिला के चगा करेला

यीशु आउर उकर चेलामन आपन नौका में चढ़कर उ क्षेत्र में गेलय जहाँ गिरासेनी आदमी मन रहत रहलय। उमन उ क्षेत्र में पहोंईच के नउका से उतईर गेलय।

हुहाँ एगो आदमी रहे जे दुष्टात्मा से जकड़ल रहे।

इ आदमी इतना शक्तिशाली रह्लक कि उके केऊ नियंत्रित नी कईर सईक रहलय। कई धांव आदमी मन उकर हाथ आउर गोड़ के सिकड़ से भी बांधलय लेकिन उ उके तोइड़ देवत रहे।

उ आदमी उ क्षेत्र कर कबर मसड़ा में रहत रहे। ई आ दमी पूरा दिन आ उर रा इत भईर चिल्लात रहे। उ कपड़ा नी पहनत रहे आ उर हमेशा अपने के पखल से जखम करत रहत रहे।

जैसने ही उ आदमी यीशु के देखलक तो उ कुईद के उकर ठीन गेलक। आउर उकर सामने में घुटना टेइक देलक। तब यीशु उ आदमी केर भीतरे में जे दुष्टात्मा रहे, उकर से कहलक “ई आदमी से बाहरे निकइल आव! ”

उ दुष्टात्मा जोर से चिल्लालक, "हे यीशु, परम प्रधान परमेश्वर केर बेटा, तोर मोर से का काम ? कृपा कईर के मोके न सताव।” तब यीशु उ दुष्टात्मा से पूछलक तोर का नाम हेइक ? उ जवाब देलक “मोर नाव सेना हेईक, काहेकि हमीन ढेईर आही।” (रोमी सेना में काय हजार सैनिक मन कर एगो झुण्ड “सेना” होवत रहे।)

उ दुष्टात्मा मन यीशु से विनती करलय, "कृपा कईर के इ जगह से बाहरे मईत भेज!" ओहे ठीन पहार में सूवईर कर एगो झुंड चरत रहे। इकरले उ दुष्टात्मा मन यीशु से विनती करलय, "कृपा कईर के हमीन के उ सूवईर में भेईज दे!" यीशु कहलक, "ठीक हेईक, उकरे में चईल जावा! "

अतः उ दुष्टात्मा मन उ आदमी से निकईल के उ सूवईर में घुईस गेलक। उ सुवईर कुईद के एगो (डीपा) खड़े टीले पर झील में कूईद गेलय आउर डूईब मरलय। उ झुंड में लगभग 2,000 सुवईर रहलक।

उ ठीन सुवईर कर देख भाल करेक वाला आदमी मन रहलय। जे कुछ होई रहलक सेके जब देखलय तो उमन नगर में भाइग गेलय। यीशु जे कईर रहे हुवां उमन सबके बतालय। उ नगर केर लोगमन निकईल के आलय आउर उ आदमी के देखलय जेकर में दुष्टात्मा रहे। उ शान्ति से, कपड़ा पहने हुए, आउर एगो साधारण आदमी लखे व्यवहार करते बैठ रहे।

उमन बहुत डराय रह्य आउर उमन यीशु के चईल जाएक ले कहलय। अतः यीशु नाउका में चईढ़ गेलक। उ आदमी जेकर में दुष्टात्मा मन रहलय उ यीशु केर साथ जाएक लागिन विनती करलक।

परन्तु यीशु उकर से कहलक, "नहीं। मोय चाहोना हूँ कि तोय घर जाएके सबके बताव कि परमेश्वर तोर लागिन का करलक। उमन के बता कि कैसन परमेश्वर तोर उपरे दया कईर रहे।"

ईकरले उ आदमी चईल गेलक आउर सोउब के इकर बारे में बतालक जे यीशु उकर लागिन कईर रहे। उकर कहानी के सुनेक वाला सबे कोई चकित होई जाय रहलय।

यीशु झील कर दूसर बटे घुईर आलक। उकर हुहाँ पहुँचेक केर बाद, एगो बड़का भीड़ उकर अगल बगल जमा होई गेलय आउर उके दबाय लागलय। उ भीड़ में एगो महिला रहलक जे बारह बरस से लहू बहेक वाला बीमारी से पीड़ित रहलक उ अपन पूरा धन डाक्टरमन ले लगाय देई रहे ताकि उमन उके ठीक कईर सकेन, लेकिन उकर बीमारी आउर बईढ़ गेलक।

उ सुइन रहे कि यीशु कईठो बीमार आदमी मन के ठीक कईर रहे आउर उ सोचलक, "मोय निश्चित आहों कि अगर मोय सिरिफ यीशु केर लुगा के ही छुई लेबुं, तो मोय भी ठीक होई जाबू!" इकर ले उ यीशु केर पीछे से आलक आउर उकर लुगा के छुई लेलक। जैसने उ उके छुलक, लहू बहेक बंद होई गेलक।

तुरन्त, यीशु जाईन गेलक कि उकर में से सामर्थ निकईल हे। इकरले उ पाछे मुईड़ के पूछलक, "मोके के छुलक ?" चेला मन जवाब देलय, "हिया इतना सारा लोगमन तोर चाईरो बटे भीड़ लाईग हे, आउर तोके ठेलथय। तो तोय काले पूछले कि मोके के छुईहा ?"

उ स्त्री यीशु ठीन काँपते आउर बहुत डराते अपन घुटना में बैईठ गेलक। तब उ उके बताय देलक कि उ का कईर हे, आउर ई भी कि उ ठीक होई गेलक। यीशु उके कहलक, "तोर विश्वास तोके चंगा कईर हे। तोय शान्ति से जा।"