33. एगो किसान कर कहानी

एक दिना, यीशु झील केर किनारे रहे। उ बहुत आदमीमन कर एगो बहुत बड़का भीड़ के शिक्षा देवत रहे। उके सुनेक लागिन इतना सारा आदमीमन आलय कि यीशु ठीन उमन से गोईठीयायेक ले पर्याप्त जगह नी रहे। इकरले उ पानी में खड़ा नउका में चईढ गेलक। हुआं उ बैठ गेलक आउर आदमी मन के शिक्षा देलक।

यीशु उमन के इ कहानी सुनालक, "एगो किसान बीज बुनेक लागिन बाहरे निकलक। जब उ हाथ से बीज के बुनत रहे तो कुछ बीज डहर गिरलक। लेकिन चरई आएके उ सब बीज के चईर गेलक।"

"दूसर बीज पथरीली भूमि भूईया पर गिरलक जे ठीन बहुत कम माटी रहलक पथरिली जमीन में गिरलक उ बहुत जल्दी अकुरलक लेकिन उकर जईर जमीन में गढ़ा में जायके ले सक्षम नी होलक। जब सूरज निकलक आउर घमा (रोऊद) होलक तो उ पौधा मुरझाय गेलक आउर मईर गेलक।"

"तौभी दूसर बीज झाड़ि केर बीच में गिरलक। उ बीज बढेक सुरु करलक, लेकिन काँटीला झाड़ी उके दबाय देलक। इकरले कंटीला जमीन उपरे गिरल बीज में से जे पौधा निकललक, उ पौधा में से कोनो भी अनाज उत्पन नी करे पारलक।”

"दूसर बीज बढियां जमीन उपरे गिरलक। उ बीज बढ़लक आउर जेतना बीज बनल जाय रहे। उकर में 30, 60, आउर हियाँ तक कि 100 गुणा अनाज उत्पन्न पैदा करलक। जे केउ भी परमेश्वर कर पीछे चलेक चाहेना, उ उबात उपरे ध्यान देवा जेके मोय कहथों! ”

इ कहानी चेला मन के उलझाय देलक। इकरले यीशु समझालक “उ बिज परमेश्वर कर वचन हेके।उ डहर एगो ऐसन आदमी हेके जे परमेश्वर कर वचन के सुनेला, लेकिन उके समझेल नहीं। तब शैतान उकर ठीन से वचन के चोराय के ले जायेला। मतलब शैतान उके वचन के समझेक नी देवेला।”

"उ पथरीली जमीन ऐसन व्यक्ति हेके जे परमेश्वर केर वचन के सुनेला आउर आनन्द केर साथ उके स्वीकार कईर लेवेला। परन्तु जब मुश्किल बेरा आवेला, या जब दूसरा आदमीमन उके सतायना, तो उ परमेश्वर से दूर चईल जायला। मतलब उ परमेश्वर उपरे भरोसा करेक बंद कईर देवेला।”

"उ कंटीली जमीन ऐसन आदमी हेके जे परमेश्वर कर वचन के सुनेला लेकिन उ बहुत सारा बात केर बारे में चिंता करेक शुरू कईर देवेला आउर उ बहुत से धन कमायेक कर प्रयास करेला, आउर बहुत से चीज मन पायेक ले प्रयास करेला। कुछ समय कर बाद अब उ परमेश्वर के प्रेम नी करेक सकेल। इकरले जे कुछ उ परमेश्वर कर वचन से सिख रहे उ उके परमेश्वर के खुश करेक ले नी पारलक। उ गेहूं कर डंठल कर जैसन हेइक जे कोनो अनाज पैदा नी करेला।”

"परन्तु बढियां जमीन पर गिरल बीज उ व्यक्ति हेके जे परमेश्वर केर वचन सुनेला, उकर उपरे विश्वास करेला, आउर फल उत्पन्न करेला।"