34. यीशु दूसर कहानी से शिक्षा देवेला

यीशु परमेश्वर केर राईज केर बारे में दूसरा बहुत से कहानी सुनालक। उदाहरण ले, उ कहलक, "परमेश्वर कर राईज एगो राई केर दाना के समान हेईक जेके केऊ अपन खेत में बुइन देलक। तोहीन जानबे करला कि राई कर दाना सब दाना से सबले छोटका होवेला।"

"परन्तु जब राई कर दाना बढ़ जाएला तो उ बगीचा कर सारा गछ में सबकर से बड़का होई जाएला। उ एतना बड़का होई जायला कि चरईमन आयके उकर डाईर में अराम करेला।"

यीशु एगो दुसर कहानी बतालक, “परमेश्वर कर राइज खमीर कर लखे आहे। जेके लेइके एगो स्त्री खमीर के लेईके आटा कर गुथल में मिलाय देवेला, तब उ सब गुथल आटा में फइल जाएला।"

"स्वर्ग कर राईज उ खजाना लेखे आहे जेके केऊ खेत में लुका्य देहे। कोनो दूसरा आ दमी के खजाना मिल गेलक आ उर उ उके पावेक कर बड़ी इच्छा करलक। इकरले उ उके दुबारा गाइड़ देलक। उ आनन्द से इतना भरल रहे कि उ जायके आपन सब कुछ बेईच देलक ताकि उ उ खेत के कीन सकेला जहाँ खजाना रहे।"

"स्वर्ग राईज एगो बहुत कीमती शुद्ध मोती कर लेखे भी आहे। जब केऊ मोती कर ब्यापारी उके पावेला तो उके किनेक लागिन आपन सब कुछ बेइच देवेला।"

हुवां कुछ आदमी मन रहलय सेमन सोचत रहलय कि परमेश्वर उमन के इकर ले स्वीकार करबय काहेकि उमन भला काम करलय। ई आदमी मन ऐसन आदमी मन के तुच्छ मानत रहय जे उ भला काम के नी करत रहलय। इकरले यीशु उमन के ई कहानी के सुनालक। दुई गो आ दमी रहलय आउर दूइयों झन प्रार्थना करेक ले मंदिर में गेलय उकर में से एगो तहसिलदार रहे आ उर दुसर एगो धार्मिक अगुवा रहलक।”

उ धार्मिक अगुवा ई लखे पार्थना करलक कि “हे परमेश्वर तोर धन्यावाद हो कि मोय दुसर आदमीमन कर लेखे नखों जैसन कि डाकू, अन्यायी मनुष्य, ब्याभिचारी या यहाँ तक कि हियाँ उपस्थित उ चुंगी लेवेक वाला केर लेखे एगो पापी नखों।"

"उदाहरण ले, मोय हर सप्ताह में दुई बेर उपवास रखोन, आउर मोके मिलेक वाला धन आउर समान कर दसवाँ भाग तोके देवोन।"

"परन्तु उ चुंगी लेवेक वाला उ धार्मिक अगुवे से बहुते दूर खड़ा होई गेलक। उ ऊपरे स्वर्ग बटे आँईख भी नी उठालक। इकेर बजाए, उ अपन हाथ से अपन छाती के पीटलक आउर प्रार्थना करलक, 'हे परमेश्वर, कृपा कईर के मोर उपर दया कर काहेकि मोय पापी हेकों।'"

फिर यीशु कहलक, "मोय तोहर से सच कहथों, परमेश्वर उ चुंगी लेवेक वाला कर प्रार्थना के सुन लक आ उर धर्मी घोषित करलक। लेकिन उ उ धार्मिक अगुवा कर प्रार्थना के पसंद नी करलक। इकरले परमेश्वर हरेक जे घमंडी हैं उमन के निरादर करी, लेकिन उ हर आदमी के आदर करी, जे अपने आप के नम्र करेला।"