35. दयालु बाप कर कहानी

एक दिन, यीशु उ बहुत से लोगमन के शिक्षा देवत रहलक जे उकर सुनेक ले जमा होई रहलय। उमन चुंगी लेवेक वाला आउर साथ में दूसर आदमीमन भी उठन रहलय जेमन मूसा कर ब्यवस्था कर पालन करेक कर प्रयास नी कईर रहलंय।

कुछ धार्मिक अगुवा मन देखलय कि यीशु इ लोगमन में से एक जन दोस्त केर समान बात करत रहलक। इकरले उमन एक दूसर से कहेक शुरू कईर दे लय कि उ गलत करत रहे यीशु उमन के बात करेक के सुनलक इकर ले उ मनके ई कहानी के बतालक।

"एगो आदमी रहे जेकर दुइठो बेटा रहलय। छोटका बेटा आपन बाप से कहलक ए बाबा, मोके एखन मोर सम्पति हिस्सा चाही! ” अतः बाप अपन दुइयों बेटा कर बीचे अपन धन सम्पति कर बटवारा कईर देलक।"

“तुरंत छोटका बेटा अपन सब कुछ के जमा कईर के दुईर देश (परदेश) चईल गेलक आउर पापी जीवन जीएक में अपन पूरा धन के बर्बाद कईर देलक।"

"इकेर बाद, जहाँ छोटका बेटा रहे उ देश में भयंकर अकाल पड़लक आउर उकर ठीन खाना किनेक लागिन पैसा नी रहे इकरले उके जे काम मिल रहे उ सुवईर चरायकले रहे उ इतना दुखी आउर भुखाल रहलक कि उ सुवईर कर खाना खात रहे।”

"आखिरी में, उ छोटका बेटा अपने आप से कहलक, ‘मोय हियाँ का करथों? मोर बाप कर सब धांगर मन ठीन खाएक लागिन भरल पुरल आहे, लेकिन मोय हियाँ भूखा मरथों। मोय अपन बाप कर ठिन वापस जाबु आउर अपन बाबा से बिनती करबू कि एगो धांगर लेखे मोके राईख ले।”

"अतः उ छोटका बेटा अपन बाप कर घर बटे जाएकले शुरू करलक। जब उ एखन दुरे रहे उकर बाप उके देखलक आउर उकर उपरे तरस खालक। उ कुईद के अपन बेटा ठीन गेलक आउर उके गले लगाय के चूमा करलक।"

"उ बेटा कहलक ‘ए बाबा, मोय परमेश्वर कर आउर तोर बिरुद्ध पाप कईर हों। मोय तोर बेटा कहलायक लायक भी नखों।'"

"लेकिन बाप अपन धान्गर से कहलक, ‘झटपट जायके सबकर से बढियां कपड़ा लेई के आव आउर मोर बेटा के पिन्धावा! उकर अंगरी में अंगूठी आउर उकर गोड़ में जूता पिन्धावा। फिन सबसे बढ़ियां बकरा के मारा ताकि हमीन खाब आउर उत्सव (ख़ुशी) मनाब, जबकि मोर बेटा मईर जाय रहे, लेकिन अब उ जिन्दा होलक! उ हेराय जय रहे, लेकिन अब हामीन पाय लेली! "

"इकरले आदमी मन उत्सव मनाएक शुरू करलय। तनीक समय बितल पाछे, बड़का बेटा खेत में काम कईर के घर आलक। उ गीत आउर नाच गान कर शब्द सुनलक आउर अचंभित होलक कि ई का होवथे।”

"जेखन बड़का बेटा के पता चललक कि उमन इकरले ख़ुशी मनात रहलय काहेकि उकर भाई घर आई जाय रहे, तो उ बहुत गुस्सा होलक आ उर घर में नी ढुकलक। उकर बाप बहरे आ एके उके उमन कर संग ख़ुशी मनाएक ले निवेदन करलक, लेकिन उ मना कईर देलक।”

"उ बड़का बेटा अपन बाप से कहलक, ‘ई पूरा बरस मोय तोर लगीन निष्ठापूर्वक काम करलो! कभी भी तोर बात के इंकार नी करलों, लेकिन तोय कभी मोके एगो छोटका चेंगना भी नी देले ताकि मोय अपन दोस्ती मन कर संग ख़ुशी मनाय सकोंन। लेकिन तोर ई बेटा तोर धन के पापी काम करेक में बर्बाद करलक। आउर एखन जब उ आलक तो उकर ले परब मनाएक लागीन तोय सबसे बढियां खसीके माईर डालले! "

"बाप जबाप देलक, ‘ए मोर बेटा तोय हमेशा मोर संग आहीस, आउर जे कुछ मोर हेके उ सब तोर हेके। लेकिन हमर ले (लागीन) परब मनाएक ठीक हेइक काहेकि तोर भाई मईर जाय रहे, लेकिन अब उ जिन्दा आहे। उ हेराय जाय रहे, लेकिन अब हमीन उके पाय लेली! "