36. रूपान्तर

एक दिन, यीशु अपन तीन चेला मन पतरस, याकूब आउर यूहन्ना के अपन संग लेगलक (इ युहन्ना नाव कर उ आदमी ना लगे जे यीशु के बपतिस्मा देई रहे।) उ प्रार्थना करेक लगीन एगो ऊँचा पहार उपरे गेलय।

जब यीशु प्रार्थना करत रहे तो उकर चेहरा सूरइज केर समान चरख होई गेलक। उकर कपड़ा उजियाला केर समान सफेद होई गेलक, जैसेन धरती उपरे कोई नी क इर सकेन उकर से भी बइढ के सफेद।

तब मूसा और एलिय्याह भविष्यद्वक्ता प्रकट होलय। ई पुरुष मन इ धरती में इ समय से सौवों बरस पहले रहत रहलय, उमन यीशु से उकर मरेक कर बारे में बात करलय, काहेकि उ तुरंत येरूशलेम में मईर जाई।

जब मूसा और एलिय्याह यीशु से बात करत रहे तब पतरस यीशु कहलक, "हमर ले हियाँ रहेक बढियां हेइक। हमीन तीन मंडप के बनाब, एगो तोर लगीन, एगो मूसा लागिन, आउर एगो एलिय्याह लागिन" लेकिन पतरस नी जानत रहे कि उ का कहत रहे।

जब पतरस बात करत रहे, तो एगो चमकीला बदरी नीचे आएके उमन उपरे छाय गेलक। फिर उमन बादल में से एगों आवाज कर आवेक सुनलय। उ कहलक इ मोर बेटा हेके जेकर से मोय प्रेम करोना। मोय उकर से खुश आहों उकर सुना।” उ तीनो चेला मन डराय गेलय आउर जमीन में ले इट गेलय।

तब यीशु उमन के छुलक आउर कहलक “ना डराबा। उइठ जावा” जब उमन चाइरो बटे देखलय तो यीशु के छोईड़ अपन साथ आउर केकरो के नी देखलक।

यीशु आउर उ तीनो चेला उ पहार से वापिस नीचे उतरलय। तब यीशु उमन के कहलक, "एखन जे इठीन होलक उके केखो न बताबा। मोय बहुत जल्दी मईर जाबु आउर जिन्दा होई जाबू। उकर बाद तोहीन आदमी मन के बताय सकीला।”