17. दाऊद नङ ञमफो पेमेश्‍वरु वादा।

शाऊल इस्राएल मुलुकु पोइले राजा तोइ। दो चेइ नङ शरे तोइ, हले दोपङ गिनि ओदोशियो तोइ । इस्राएलु एनु राज लमा होमशित गोप बोषङु नंऊ शाऊल इत एपो राजा तोइ। दत ज्ञपतिङ दो इत हलम मी वंऊ जेऊ दोक परमेश्‍वरु कमचित मागोऊ, ओदोक परमेश्‍वरुस इत अलित मी रा चुनऊ दो इ दयार दोऊ पोलङकु राजा वई।

परमेश्‍वरुस दाऊद मिनु इत शरा इस्राएली फौबलङ रा चुनऊ इ दयार दोऊ जागऊ राजा वङमा शितिङ । दाऊद बैतलहम देशु इत पालस तोइ। गोप बैलऊ, दाऊदुस हौम नङ थर निश रा यो सतु पिनु तोइ, छु लोननङ दाऊदुस खोननि परिङ दोऊ अपाऊ तेत पङरा दोपङक खेरऊ तोइ। दाऊद इत एपौ अला धर्मु मी तोइ। दोक परमेश्‍वरु थौरिङ दैङ लऊ अला दोऊ कमचित पङ गोऊ।

ओसपरिङ दाऊद जोदे शरा फोबलङको तोइ, दोक चेइ-शुइ गोलियत नङ तोङकु। गोलियत इत हत एपो सेनिक तोइ। दो हत शेच्‍चन नङ हेत मेननङ हुम मीटर शुई नङ चेइ । दत लि परमेश्‍वरुस गोलियत रा सतमा अला इस्राएल रा बचामा शितिङ दाऊदु ओमेत लऊ। दोऊ ज्ञपतिङ, दाऊदुस इस्राएलु दुशमोनु नङ गोप फैरा जिततु। दाऊद इत चेई सेनिक वऊ जेऊ, अला दोक तोङकमऊ नऊ इस्राएली सेनऊ गोबा वंऊ। मीपङक दो हत एपो तश लोइ तोइ।

मी पङक दाऊद रा ओनचे गोरङ लऊ कि दत शाऊल दोऊ रत माशोऊ। दत शाऊल दोरा सतमा गिनु तोइ, ओदोक दाऊद दो नङ दोऊ सैनिक पोऊरत बचतमा शितिङ जंगलु छुपयतु।। इ दयार, दत शाऊल नङ दोऊ सैनिक दाऊद रा फऊ दत शाऊल इत गुफऊ नऊ जैऊ। दो ओदोयो गुफा तोइ दोननऊ दाऊद ञङकु तोइ, दत लि शाऊलुस दोरा मातऊ। दाऊद शाऊलु ज्ञपतिङ दोऊ गोप तुसिङ जेऊ, दत दोऊ गस्‍कुलास इत टुकडा चेरु पिनु। दत ज्ञपतिङ, हे शाऊल दो गुफास दकपा हन्‍तु दत दाऊदुस दोरा कुतु दो चुममिन गस्‍कुला चेरमिन दो कनु। ओदोक, शाऊल सेसु कि दाऊदुस राजा वङमा शितिङ दोरा मासति लोऊ।

गोप बैलऊ ज्ञपतिङ, शाऊल तोङमा परिङ सिऊ जैऊ, अला दाऊद इस्राएलु राजा वंऊ दो इत एपो राजा तोइ, अला मीपङक दोरा एपो ततु। परमेश्‍वरुस दाऊद रा बोरङ खेऊ अला दोरा जितऊ। दाऊद गोप तोङकमा जेऊ, अला परमेश्‍वरुस इस्राएलु दुश्‍मोन रा हरामा शितिङ दोऊ ओमेत लऊ। दाऊदुस यरूशलेम देशङ रा जिततु दोरा एनु राजधानी जुरऊ, दा दो पोसु अला राज लऊ। दाऊद निशनिसा बोषङु राजा तोइ। ओइ बैलऊ, इस्राएल गोप शेच्‍चन नङ छुकपो वंऊ जेऊ।

दाउद इत थानङ जुरामा गिनु तोइ दा सिङ इस्राएली परमेश्‍वरु अरादना लमा लीरो अला दोऊ शितिङ पुजा तीमा लीरो। पज्ञा बौषङुस, दो मीपङ मूसऊ जुरामिन मिलापु तोंमबुअऊ नंऊ परमेश्‍वरू अराधना लइ तोइ अला दोरा पुजा खेइ तोइ।

दत ओदा नातान मिनु इत भविष्‍य लोइ सा तोइ। परमेश्‍वरुस दोरा दाऊद रा ओशि लोमा शितिङ पिनु: “कस गोप तोङकु, ओदोक का अङरा शितिङ जि थानङ माजुरई। कन छङ जीरा जुरई। दत लि, ग कनरा गोप बोरङ खेसि। कन इत छङ अमबोरो अङ मी पोऊ थोरिङ राजऊ खोता राज लई। “अमबोरो शासन लई दो दाऊदु इपोटोक वंश मसीह तोइ। मसीह परमेश्‍वरु इत चुनामिन तोइ दो मुलुकु नऊ मी पङरा दोपोऊ पापुस बचई।

दत दाऊदुस नातानु फरिनतन गोऊ दत दोक परमेश्‍वर रा ओरछे लोऊ अला दोरा पेरतु। परमेश्‍वरुस दोरा गोप चेइ लऊ पिनु अला दोरा गोप बोरङ खेऊ तोइ। दत लि, दाऊद मासेसि तोइ कि परमेश्‍वर ओइ कमचित रा तशपा रिइ। ओइ बेलऊ उलपङ सेसि कि इस्राएली पङरा इत चेइ बोषङ शम, मोच्‍चे मला इत हजार बोषङ शम मसीह तशपा तुरो शुङमा वई।

दाऊदुस गोप बोषङ शम एपोस एनु मी पोऊ थोरिङ शासन लऊ। दोक एपो वंऊ परमेश्‍वरु कमचित गोऊ अला परमेश्‍वरुस दोरा बोरङ खेऊ। दत लि, गोप बोषङ ज्ञपतिङ दाऊदुस परमेश्‍वरु खिलाफ बैमा थङ पाप लऊ तोइ।

इ दयार दाऊदुस एनु महेलु दकपा खोनु दत इत शरे योबलङक रा सुशि तंऊ। दो दोरा मासेसि तोइ, दत दो सेसु दोऊ मिन बतशेबा तोइ।

एनु मी नोस लमा बसकयङ, दाऊदुस दो योबलङ रा एनुरा सुमा शितिङ अलित रा पिनु। दोगुस दोनङ ञमफौ ऊलटा लेन लऊ दत दोरा पोलठऊ कयुमु पिनु। गटो बेलऊ ज्ञपतिङ बतशेबा ओशि लोऊ दाऊदु रा फरिनतन पिनु कि दो चिगजा नङ वऊ।

बतशेबऊ फोबलङक ऊरिय्‍याह मिनुस इत मी तोइ। दो दाऊदु सैनिकु नंऊ थोनतु एपो तोइ। ओइ फेरा दो तोङकमा शितिङ दकपा जेमिन तोइ। दाऊदुस ऊरिय्‍याह रा तोङकमऊ रत पोलठतु जिरा लोऊ दत दोरा एनु योबलङ नङ ञमफो पोसमा लोऊ। दत लि अला सैनिक पङ तोङकु तोइ ओदोक ऊरिय्‍याह गुस कयुमु माजेइ लोऊ। दत दाऊदुस ऊरिय्‍याह रा है पोलठऊ तोङकमा पिनु अला सैनापति रा दोरा ओशि जागऊ तामा लोऊ ओदा दु:शमोन थोनतु शेच्चन वङरो दत दो सिऊ जेइ। दत ओशि यो वऊ ऊरिय्‍याह तोङकमऊ नऊ सिऊ जेऊ।

ऊरिय्‍याह तोङकमऊ नऊ सिऊ ज्ञपतिङ दाऊदुस बतशेबा नङ जन्‍नेटङ लऊ पिनु। ज्ञपतिङ, दोक दाऊदु छङरा तऊ। दाऊदुस छे लमिन ओदोक परमेश्‍वर हत छिङना तंऊ तोइ, ओदोक दोगुस नातान मिनु सैसि मिऊ रा दाऊद रा ओशि लोमा पिनु कि दोऊ पाप तचे हलम तोइ। दाऊदुस एनु पाप लमिन दो परूतु अला परमेश्‍वरुस दोरा माफ लऊ पिनु। एनु ञुङमिन जोलोमु नऊ, एनु कोषटङु टाइमु लि दाऊद परमेश्‍वरु ज्ञपतिङ- ज्ञपतिङ जैऊ अला दोऊ कमचित पङरा गोऊ।

दाऊदु चिगजा सिऊ। ओशि यो परमेश्‍वरुस दाऊद रा सजा खेऊ। ओदो बस्‍कयङ, दाउद सीमा शम, दोऊ एनु पैरङुस दोऊ खिलाफ तोङकमा तु, अला दाऊदु एनु सोततिङ गटो वंऊ जैऊ। दत लि परमेश्‍वर एपौ तोई अला देसङ दोक ओशि लऊ दोगुस दाऊद छे लमा शितिङ लोऊ तोइ दो लई, दत लि दाऊदुस दोऊ मागोऊ तोइ। दत ज्ञपतिङ, दाऊद नङ बतशेबऊ अलित चिगजा वऊ, अला दोक दोऊ मिन सुलैमान तऊ।