2. पाप जि मुलुकु नंऊ तु।
आदम नङ दोऊ योबलङकुस परमेश्वरु जुरामिन शरे रिऊ नंऊ जेऊ दोनिश हत गरीस तोई। दोपोऊ नंऊ उङ लि गस्कुला माचुखि तोई, दत लि दोपङ रा उङरयो सोरोम मातुई तोई, छु लोन नङ मुलुकु नंऊ पाप मातोइ तोई। दो निश दयारो रिऊ नंऊ हलतु पोसि दत परमेश्वर नङ कमचित लोऊ पोसि तोइ।
दत दो रिऊ नंऊ इत सबस तोइ। दो हत चलाक थङ तोइ। दोक दो योबलङ रा शुऊ, “छे दिमलेऔ परमेश्वरुस किमपङरा जि रीऊ हालेस लि बोठङु ऊशो मजामा रिऊ आ छे?
दो योबलङकुस जवाब खेऊ, “परमेश्वरुस उलपङरा रिंऊ कि उलपङ दो ऐपो नङ हलमु छोतमा बोठङु मेननङ हलेस लि बोठङु ऊशो जामा लिइ। परमेश्वरुस ऊलपङरा रिंऊ कि अला दत किमपङक दो ऊशो रा जानङ अला दोरा थोक नङ लि, दत किमपङ सिऊ जेइ।”
दत दो सबसुस योबलङ रा ज़वाब खेऊ, “जि दिमलेओ मेन। किमपङ मासिइ। परमेश्वर सेसि किमपङ दो ऊशो रा जानङ, किमपङ परमेश्वरु खोता वंऊ जेई अला दोऊ खोता ऐपो नङ हलम रा सोमजतमा लिइ।”
दो योबलङुस तंऊ कि ऊशो ता शरे नङ ञमि तङमा तु तश। दो लि सिङ सेसमा गिनु तोई। दत दोक लि ऊशो ठऊ जऊ पिनु। दत दोक एनु फोबलङ रा लि दो ऊशो खेऊ अला दोक लि जऊ पिनु।
ओदोस परिङ ओ, दो निशु मि खुलतु, दत दोनिशता पोता लगयतु कि दोनिश गस्कुला माचुखमिन तोइ। दोनिशुस पतलङ पङरा ञमफो जुरऊ दोगुस एनु डियङ रा खोपमा जुरऊ।
दत फोबलङ नङ योबलङ दो रिऊ नंऊ हलतु परमेश्वरु कत रा गोऊ। दो निश परमेश्वरूरत बेऊ ञखु पिनु। दत परमेश्वरुस आदम रा कुतु, “का अमा तोन?” आदमुस जवाब खेऊ, “गस गिरङरा रिऊ नंऊ हलति गोऊ, अला ग बेऊ पिनु तोइ, छु लोन नङ ग गस्कुला माचुखमिन तोरेक। ओदोक ग ञखु पिनु।”
दत परमेश्वरुस आदम रा शुऊ, “कनना उङक रिंऊ कि का गस्कुला माचुखमिन तोन? छे कस दो ऊशो जऊ आ, दो ऊशो रा गस कनरा माजामा रिंऊ तोइ? “फोबलङकुस जवाब खेऊ, “अङरा जि योबलङ खेसु मै जिगुस ओ अङरा दो ऊशो जामा खेसु। “दत परमेश्वरूस योबलङरा शुऊ, “कस जि छे लऊ पिनु ? “दत योबलङुस लोऊ, “सबसुस अङरत जि सिङ चलाकुस लमा रिंऊ।
परमेश्वरुस सबस रा लोऊ, “कनरा खुङखुङसि। का रंऊ खोकु थोरिङ विनि अला फतिङ जई। का नङ जि योबलङकु छङ इतुस अलित रा माडामा लई अला कन चिगजा पङ अला दोऊ चिगजा लि इतुस अलित रा मडामा लइ। जि योबलङकु वंश पङ लि कन पिशा रा टेमि, अला का दोऊ बङखोन रा चिई।”
दत परमेश्वरुस योबलङरा लोऊ, “ग कन चिगजा तामरा हत मआसामा जुकजेर नङ लऊ पिनि। का रंऊ फोबलङक रा बेन्नङ लई, अला दो कन थोरिङ हुकुम चलई।”
परमेश्वरुस आदम रा लोऊ, “कस रंउ योबलङकु गौऊ अला अङ लोमिन दो मागोऊ। ओदोक मटङ वश वंङमिन तश, अला कनरा जामंऊ शितिङ हत कोशटङ तङमा वंई। छङ का सिऊ जेइ, अला कन डियङ मटङु नंऊ कुशु जेइ।” दो आदमुस एनु योबलङकु मिन हव्वा तऊ, दोऊ मोतलब, “जोलोम खेइ दो”, छु लोननङ दो सिङ जातु अमा वंइ। अला परमेश्वरुस आदम नङ हव्वा रा छुमंऊ पख्फास जुरामिन गस्कुला चुऊ।
दत परमेश्वरुस रिंऊ, “छङ ऐपो नङ हलम रा सेसु दत मी अङ खोता वंऊ जेऊ, ओदोक दोपङरा जोलोमु बोठङु ऊशो जामा माखेमा गिनंमा कि दोपङ सोदायो शिई पोसि। “ओदोक परमेश्वरुस आदम नङ हव्वा रा दो रिऊ दकपा हनु पिनु। अला परमेश्वरुस ऊङरयो दो जोलोमु बोठङु ऊशो रा माजामा लोमा शितिङ दो रिऊ नंऊ तुमा पितंऊ रा हत शेच्चन स्वर्गु मी पङरा तऊ पिनु।
उत्पत्ति पाठ 3 गुस इत बाइबलु कोथा।
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।