20. गुलाम अला वादऊ देशङु पोलठतु तुमा।

इस्राएलु राज्‍य नङ यहूदऊ राज्‍यु निशु ओ परमेश्‍वरु खिलाफ पाप लऊ। दोक दो वादा रा ठऊ पिनु दो परमेश्‍वर दोनङ सीनैऊ डोङखङु रा छुतु तोइ। परमेश्‍वरुस दोपङरा सिङ हलम लैन सोठऊ दत है लि दोऊ अराधना लमा शितिङ एनु भविष्‍य लोइ पङरा पिनु, दत लि दोपङक दोऊ कमचित रा गोमा मांयऊ।

दत परमेश्‍वरुस दोपोऊ दु:शमोन पङरा दोरा सतमा लमिन दोक निशो राज्‍य रा सजा खेऊ। अशशूर इत अलित देश तोइ दो हत शेच्‍चन वंऊ जेऊ तोइ। दो अलित देशु शितिङ हत हलम तोइ। दोपङ तु इस्राएलु राज्‍य रा कयाऊ पिनु। अश्‍शुरी पङक तु इस्राएलु राज्‍यु सिङरा सतु पिनु, छे गिनु दोरा छिनु किऊ, अला देशु तचे ता हिसा पङरलि रोतु पिनु।

अशशूरी पङक सिङ गोबा पङ, छुकपो मी पङ, अला ओशि मी पङरा दो गिनमा छला पङ जुरामा लिइ सिङ ञमफौ कटठा लऊ अला दो दोपङरा अशशुर देशङु कयुफु जेइ। इस्राएलु लैम गटो मेतपो इस्राएली पङ बचतु तोई।

दत अशशुरी मी पङ दो देशु पोसमा शितिङ विदेशी मी पङरा कयुफु तु। दो विदेशी पङक दो नगर पङरा हेलि जुरऊ। तचे इस्राएली पङ ओदा ञुऊ तोइ दकपा मुलुकु मी पङक दोपङनङ जन्‍नेटङ लऊ पिनु। जि मी पोऊ वंश पङरा सामरी लोइ तोइ।

यहूदऊ राज्‍यु मी पङक तंऊ हलै परमेश्‍वरुस दोपोऊ थोरिङ दैङ मालमा अला दोऊ कमचित रा मागोऊ ओदो शितिङ इस्राएलु राज्‍यु मी पङरा सजा खेऊ तोइ। दत लि दोपङक कनानि पोऊ भोगानु मुखङु अराधना लऊ। परमेश्‍वरुस दोपङरा लोमा शितिङ एनु भविष्‍य लोइ सा रा पिनु, दत लि दोपङ गोमा मागिनु।

दत ज्ञा बोषङु ज्ञपतिङ अश्‍शुरी पङक इस्राएलु राज्‍य रा सवऊ पिनु। परमेश्‍वरूस बेबीलोनु राजा, नबूकदनेस्‍सर रा यहूदऊ राज्‍यु तोङकमा शितिङ पिनु। बेबीलोन इत शेच्‍चन मुलुक तोइ। यहूदऊ राजा नबूकदनेस्‍सरू नुकुर वङमा अला हर बोषङ दो गोप रूपया खेमा शितिङ यऊ।

दत लि गोप बोषङ ज्ञपतिङ, यहूदऊ राजास बेबीलोन नङ बगावत लऊ। दत हे बेबीलोन पोलठतु तु यहूदऊ राज्‍यऊ सङकु तोङकमा तु। दोपङक यरूशलेम नगरु कोब्‍जा लऊ पिनु, थानङ रा सवऊ पिनु, अला नगर नङ थानङु जङ मूल सिङ खुतु किऊ।

बगावत लऊ ज्ञपतिङ यहूदऊ राजा रा सजा खेमा शितिङ, नबूकदनेस्‍सरू सैनिक पोऊ राजऊ छङ रा दोऊ तुसिङ सतु पिनु अला दत दोरा कानो लऊ पिनु। दोऊ ज्ञपतिङ, दो राजा रा कयुफु जैऊ दत दौ बेबीलोनु जैलु सिऊ जेतो।

नबूकदनेस्‍सर अला दोऊ सैना यहूदऊ राज्‍यऊ दत लोननङ सिङ मी पङरा बेबीलोन कयुफु जेऊ, दा थोनतु मैतपो मी पङरा ज्ञपतिङ सौठऊ छु लोननङ दोपङ रिऊ नंऊ फौलङ पुतमा लिइ। जि रा गुलामिऊ बैला लोइ तोइ, दोननऊ परमेश्‍वरुस मी पङरा वादऊ देशुस हनतु जैमा शितिङ चेकचे लऊ तोइ।

दत लि परमेश्‍वर एनु मी पङरा दोपोऊ पाप लमिन शितिङ गुलामिऊ नंऊ पिनु तोइ , दत लि दो दोपङरा नङ एनु वादा लमिन दो मापोशु। परमेश्‍वरुस एनु मी पङरा खोनु पोसु अला एनु भविष्‍य लोइ सा दोपङ नङ कमचित लोऊ पोसु। परमेश्‍वरुस वादा लऊ कि हुमनिसऊ सा बोषङु ज्ञपतिङ, दोपङ हे लि वादऊ देशङु पोलठतु तुरो।

दत हुमनिसऊ सा बोषङु ज्ञपतिङ, फारसु राजा कुस्‍त्रू गुस बेबीलोन रा हरऊ पिनु, ओदोक बेबीलोनु राज्‍यु बसकयङ फारसु साम्राज्‍यु गोप देशु नंऊ राज लऊ। इस्राएलू मी पङरा छङ यहूदी लोइ तोइ। दोपोऊ नंऊ गोपुस एनु सिङ जोलोम बेबीलोनु बितामिन तोइ। दत गोप गटो गतपो यहूदी पङो यहूदऊ देश सैसि तोइ।

फारसु मी पङ गोप शेच्‍चन तोइ, दत लि दोपङ एनु जितति मी पङरयो पापङ ततु। फारसी मी पोऊ राजा वऊ मोच्‍चे ज्ञपतिङ, कुस्‍त्रु लोऊ उङ लि यहूदी दो यहूदा पोलठतमा गिनु, दो फारसुस हनतु हे पोलठतु यहूदा जेमा लिइ। दत बसकयङ दोक दोपङरा थानङ रा हे जुरामा शितिङ रूपया खेऊ। दत गुलामी हुमनिसऊ सा बोषङु ज्ञपतिङ, यहूदिऊ इत चिगित शालङ यहूदऊ राज्‍यु यरूशलेम नगरु पोलठतु तु।

दत दो मीपङ यरुशलैम पुतु दत दोपङक थानङ नङ नगरु नोपत जिपत बितिङ रा हेलि जुरऊ। फारसु मी पङ अला लि दोपोऊ थोरिङ राज लई तोइ दत लि इ फैरा दो वादऊ देशु नंऊ पोसि तोइ अला थानङु नंऊ अराधना लइ तोइ।