22. यहून्रा जोरमयतु।
ओइ देसङ, परमेश्वरूस एनु भविष्य लोइ सा पङ नङ कमचित लोऊ तोइ ओदोक दो मी पङ नङ कमचित लोमा लिइ तोइ। दत दो बैलऊ थलत हे दत पज्ञा बोषङ बिततनि शम दोक दोपङरा कमचित मालोऊ। दत परमेश्वरुस जकरिहा मिनु सिङ सेसि रा इत स्वर्गदूत रा पिनु। जकरिहा नङ दोऊ योबलङ एलीशिबा परमेश्वर रा मोनइ तोइ। दोपङ सिङ गतपो वऊ जेऊ तोइ, अला दोऊ छोयो छङ मावऊ तोइ।
दो स्वर्गदूत जकरिहा रा शुऊ, “कन योबलङकु इत छङ वङरो। का दोऊ मिन यूहन्रा तामा। परमेश्वर दोरा एपो जिवा नङ पुंऊ पिनरो, अला यूहन्रा मी पङरा मसीह रा मोनामा शितिङ जुरइ।“ जकरिहा गुस लोउ, “ ग नङ अङ योबलङ चिगजा तामा शितिङ गोप गतपो तोश। ग हले ततमा कि गिरङ अङरा दिमलयो रिऊ?”
दो स्वर्गदूत जकरियाह रा लोउ, ”कनरा जि एपो फरिनतन सुमा शितिङ अङरा परमेश्वरूस पिनपिनसु। छु लोननङ कस अङ थोरिङ दैङ मालऊ, ओदोक चिगजा तानिशम का लोमा मालिइ।” हसल ओ, जकरियाह लोमा मालिऊ तोइ। दत दो स्वर्गदूत जकरियऊ रत जेऊ पिनु। ओदो ज्ञपतिङ, जकरियऊ कयुमु पोलठतु तु अला दोऊ योबलङ चिगजा नङ वऊ।
दत एलीशिबा टु लऊ चिगजा नङ तोइ, दत ओदो यो स्वर्गदूत मी लैम एलीशिबऊ पेरङ थोरिङ सङकु, दोऊ मिन मरियम तोइ। मरियम कुवांरी तोइ अला जन्नेटङ लमा शितिङ युसुफ मिनु फोबलङ नङ धोऊ मंगनी वङ कयऊ तोइ। स्वर्गदूतुस मरीयम रा लोऊ, “ का चिगजा नङ वइ अला इत छङ जोरमयति। कनरा दोऊ मिन यीशु तामा वइ। दो हत शेच्चन परमेश्वरु छङ वङरो अला सोदायो राज लई।
मरियमुस लोऊ , ”जि हलै वई, छु लोननङ ग ता कुंवारी तोक?” दो स्वर्गदुतुस सोमजऊ, “ एपो जिवा कन नऊ तुइ, अला परमेश्वरु शक्ति कन थोरिङ सोयङ लई। ओदोक दो चिगजा सखंमा वइ, अला दो परमेश्वरु छङ वई।” दत दो स्वर्गदूतुस रिङमिन दोऊ थोरिङ मरियमुस विश्वास लऊ।
जि वंऊ ज्ञपतिङ, मरियमुस जैऊ एलीशिबा नङ छुशु। हलै यो मरियमुस दोरा पेरतु, एलीशिबऊ चिगजा दोऊ नऊ गवऊ। दोपोऊ शितिङ परमेश्वरूस छे लि लऊ ओदोऊ शितिङ दो योबलङ पङ ञमफो हत गरीस तोइ। एलीशिबा नङ हुम ला पोसु ज्ञपतिङ, मरियम कयुमु पोलठतु तु।
ओदो ज्ञपतिङ, एलीशिबास एनु चिगजा रा तऊ। जकरियाह नङ एलीशिबास दो चिगजऊ मिन यहून्रा तऊ, हलै दो स्वर्गदूतुस रिङमिन तोइ। दत परमेश्वर जकरियाह रा लोमा शितिङ एपो लऊ। जकरियास लोऊ,” परमेश्वर एपो तश, छु लोननङ दोक एनु मी पोऊ शितिङ सिङ- सङ लऊ। हे अङ छङ, का थोनतु शेच्चन परमेश्वरू भविष्य लोइ सा वंइ। का मीपङरा लोइ कि दोपङ हलै एनु पापु शितिङ माफी थामा लिइ।”
लूका पाठ- 1 गुस इत बाइबलु कोथा।
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।