24. यूहन्‍नास यीशु रा संखमा तिऊ डुबयतमा खेऊ।

एलीशिबा नङ जकर्याहऊ छङ यूहन्ना, चेइ वऊ इत भविष्‍य लोइ सा वंऊ जेऊ। दो जंगलु पोसि तोइ, अला जंगलु बरङसि नङ बैम जई तोइ, अला ऊँटु करास जुरामिन गस्‍कुला खमपि तोइ।

गोप मीपङ यूहन्‍नऊ कमचित गोमा शितिङ जंगलु हनतु तु। दोक दोपङरा ओशि लोऊ कि, पापु रत माफी थामा, छु लोननङ परमेश्‍वेरु राज्‍य पुतु तु तश।”

दत मीपङक यूहन्‍नऊ फरिनतन गोऊ, दत दोपोऊ नंऊ गोपुस एनु पाप लमिन दो परुतु पिनु, अला यूहन्‍नास दोपङरा संखमा तिऊ डुबयतमा खेऊ। यूहन्‍ना रा खौनमा शितिङ गोप धर्मु गोबा पङ लि तु, दत लि दोपङक एनु पाप लमिन दो मपरुतु।

यूहन्नास धर्मु गोबा पङरा लोऊ, “हे सबसु खोता जहर सा मी पङ। पछतायततिश अला रंऊ पाप लमिन दो परुततिश। परमेश्‍वर ओदो सिङ बोठङ रा थोलु पिनि दो एपो फोलङ मसुइ, अला दो दोपङरा मैऊ नऊ पिनि।” सिङ भविष्‍य लोइ पङक लोऊ यूहन्‍नास सिङ सङ लऊ, “खोन, ग हसल ओ कन होमशित रऊ फरिनतन लोइ सा रा पिनि दो कन शितिङ ओमप जुरइ।

तचे ता धर्मु गोबा पङक यूहन्‍ना रा शुऊ कि छे का मसीह तोन आ। यूहन्‍नास लोऊ, “ग मसीह मैन तोक, दत लि दो अङ ज्ञपतिङ तु तोइ। दो ओनचे शेच्‍चन तोइ कि ग दोऊ फोनिऊ फित्‍ता खोलामा लि काबिल मातोक।

अलित दयार, यीशु संखमा तिऊ डुबयतमा शितिङ यूहन्‍नऊ रा तु। दत यूहन्‍नास दोरा तऊ, दत दोक लोऊ, “खोननिश। परमेश्‍वरु करात दो मुलुकु सिङ पाप रा एनु थोरिङ किऊ पिनि।”

यूहन्‍नास यीशु रा लोऊ, “ग कनरा संखमा तिऊ डुबयतमा खेमा लायक मातोक। ओदो बसकयङ देसङ जरूरि तो कि का अङरा संखमा तिऊ डुबयतमा खै।” दत यीशुस लोऊ, “कनरा अङरा संखमा तिऊ चङखमा खैसमा गिनमा, छू लोननङ अङरा ओशि यो तरीकास परमेश्‍वरु मोरजी पूरा लमा तो।” दत यूहन्‍ना गुस दोरा संखमा तिऊ डुबयतमा खेऊ, दत लि यीशुक तशपयो पाप मालमिन तोइ।

संखमा तिऊ डुबयतमा खेऊ ज्ञपतिङ दत यीशु तिऊ दकपा हनतु तु, दत परमेश्‍वरु जिवा कोकचुरुऊ रूअङु नंऊ वंऊ तु अला ओपङ तु दोऊ थोरिङ पोसु। ओदोसपरिङ, परमेश्‍वरुस स्‍वर्ग नङ कमचित लोऊ। दोक लोऊ, “का अङ गोरङ छङ तोन। ग कनरा गोरङ लई तोक, अला कनरत हत गरीस तोक।”

परमेश्‍वरुस यूहन्‍ना रा लोऊ तोइ, “एपो जिवा ओपङ तु उङिऊरा पोसि दोरा का संखमा तिऊ डुबयतमा खेइ।” ओदोयो परमेश्‍वरु छङ तोइ अला परमेश्‍वर इत ओ तोइ। दत लि यूहन्‍ना रा संखमा तिऊ डुबयतमा खेऊ, दत दोक परमेश्‍वर अपा रा कमचित लोइ गोऊ, परमेश्‍वरु छङक रा तंऊ, दो यीशु ओ तोइ, अला दोक एपो जिवा रा यीशुउ थोरिङ पोसि तंऊ।