25. शैतान यीशुऊ इम्‍तिहान किइ।

यीशू संखमा तिऊ डुबयतमा वंऊ ज्ञपतिङ, संखमा जिवा दोरा जंगलु कयुफु जेऊ। यीशु ओदा निशनिसा दयार नङ निशनिसा गोङक तोइ। ओदो बेलऊ दोक छोयो माजऊ-मातुंऊ , अला शेतान यीशुउ रा तु पाप लमा शितिङ दोऊ इम्‍तिहान किऊ।

होमशित, शेतानुस यीशु रा लोऊ, “का परमेश्‍वरु छङ तोननङ ओइ रआ रा रोटि लऊ पिन दत का जिरा जामा लिरोन।“

दत यीशुक शैतान रा लोऊ, “परमेश्‍वरु कमचितु नऊ ओशि चेमिन तश,‘ शिऊ पोसमा शितिङ मीरा लैम रोटि यो मागिनमा, दत दोपङरा सिङ कमचित पङ गिनमा तश दो सिङ परमेश्‍वर दोपङरा लोइ।”

दत शैतान यीशु रा थानङु थोनतु थोरिङ जागऊ रा कयुफु जेऊ। शैतानुस यीशु रा लोऊ, “का परमेश्‍वर छङ तोननङ ओयत ओपङ दुप जो, छु लोननङ चेमिन तोइ, ‘परमेश्‍वर कनरा थुतमा शितिङ एनु स्‍वर्गदूत पङरा लोइ कि कन बङखौनु रा गुस नाशङ मजेमा गिनमा।”

दत लि यीशुस ओशि मालऊ छे शैतान गुस दोरा लमा शितिङ लोऊ तोइ। ओदो बसकयङ, दोक लोऊ, “परमेश्‍वर सिङरायो लोइ, का प्रभु रंऊ परमेश्‍वरु इम्‍तिहान माकिमा।”

दत शैतान यीशु रा इत चेइ डोङखङु थोरिङ कयुफु जेऊ अला ओदत मुलुकु सिङ राज्‍य कनु यीशु रा लोमा तिखु, “दत का पुशपङ चुऊ अङरा पेरतनङ अला अङ अराधना लननङ दत सिङ-सङ खेसतोक।”

यीशुस लोऊ, “हे शैतान, अङ तुसिङक जेऊ पिन। परमेश्‍वरू वचनु नंऊ चेमिन तश, ‘लैम रंऊ परमेश्‍वरू अराधना लमा। परमेश्‍वरू रूअङु लैम दोरा यो एपो ततमा।’

यीशुस शैतानु किमिन इम्‍तिहानु रत हार मोनतु, ओदोक शैतान दोऊ तुसिङक जैऊ पिनु। दत स्‍वर्गदूत तु यीशुऊ सेवा लमा तिखु।