33. इत किसानु कोथा।

इ दयार, यीशु छोऊ थौचलङु तुसिङ तोइ। दो मी पोऊ इत गोप चेइ भीड रा लफु तोइ। दोऊ कमचित गोमा शितिङ ओनचे मी तु कि यीशुउ रा दोपङ नङ कमचित लोमा शितिङ जागा यो माबचतु। ओदोक दो तिऊ थोरिङ डेन नावु शोखु। ओदा दो पोसु पिनु अला मी पङरा लफु तोइ।

यिशुस ईत कोथा सुनऊ, “इत किसान पुझत पिनमा शितिङक रिवरा जेऊ। दो गुतुस पुझत पिनु तोइ दत गोप पुझत ओमपु नंऊ दतु । दत प्यात पङ तू सिङ पुझत रा जऊ पिनु।”

“अलित पुझत पङ शंङकरऊ मटङु दतु दा गोप गटो फतिङ तोइ। शंङकरऊ मटङु दति पुझत दो हत हसल चोऊ, दत दोपोउ झिलङ मटङु ओपोङ जेमाऊ शितिङक मुलुक कच्चा तोई। अलेया नी जुरू दो सोलत पङ फोसु अला सिऊ जेऊ।”

“तचे ता पुझत रकटङु नंऊ दतु । दो पुजत पङ चेई वंऊ, दत ली छवा पङक दोपङरा टेमु पिनु। ओदोक छवा सा मटङु दति पुझतु नंऊ इत लि पुझत ब्रू मालइ सा तोइ।”

“तचे ता पुजत एपो मटङु थोरिङ दतु। दो पुजत चेइ नङ तचे पुजत पुतु तोइ दोपोऊरत तचे ता हुमनिसा,तचे ता हुमनिसऊ सा अला या बसकयङ ज्ञा गुणा खुचि ब्रूँ वंऊ। ऊङ लि परमेश्‍वरु ज्ञपतिङ जेमा गिनि तोइ, दो ओदो कमचित रा कोलङ तामा ग छे रिंऊ तोक।” " जि कोथास चेला पङरा सुनचतमा उमा खेऊ। ओदोक यीशुस लोऊ कि, “दो पुजत परमेश्‍वरु वचन तश। दो ओमपु इत ओशि मी तोइ दो परमेश्‍वरु वचन रा गोइ, दत लि दोरा मासमजति। दत शैतान दोऊ रत वचन रा खुतु किइ। दत शैतान दोरा वचन रा मासमजतमा शितिङ वरि तई।” "

“दो शंङकरा सा मटङ ओशि मी दो परमेश्‍वरु वचन रा गोइ अला हत गरीस दोरा मोनति। दत ओसपरिङ मुशकोल टेम तुरिऊ, अला दत अलित मी पङ दोरा ङनचेन लननङ, दत दो परमेश्‍वरू रत वरि जेऊ पिनि। छु लोननङ दो परमेश्‍वरु थोरिङ दैङ लमा बोनत लऊ पिनि।”

“दो छवा सा मटङ ओदो मिंऊ खोता तोइ दो परमेश्‍वरु वचन रा गोइ तोइ। दत लि दो गोप कमचित पङ सुनचतु परेशान वंऊ पोसि तोइ, दो गोप रूपया कमायामा शितिङ हत मेहनत लइ, दो गोप छला गिनमा शितिङ हत मेहनत लई। गटो टैमू ज्ञपतिङ, छङ दो परमेश्‍वर रा गोरङ मालइ। ओदोक छेलि दोगुस परमेश्‍वरु वचनुस सिखयतु तोइ दो परमेश्‍वर रा खुश लमा मालिइ तोइ। दो रोजतु बेरखऊ खोता तोइ दो छोयो ब्रू मालई तोइ।”

“दत एपो मटङ पुजत ओदो मिऊ खोता दो परमेश्‍वरु वचन रा गोइ तोइ, दोऊ थोरिङ दैङ लई, अला ऊशो हनि तोइ।”