38. यीशु रा चुमु पिनि।

बोषङ रेखि, यहूदी मी पङ फसहऊ तिवारङ मोनइ तोइ। जि ओइअऊ बारे इत तिवारङ तोइ कि गोप होमशित परमरश्‍वरुस दोपोऊ गनमो- गतपो पङरा मिस्‍त्रु नुकुरूस छुडायऊ तोइ। मोतमेननङ हुम बोषङ ज्ञपतिङ यीशुस हेलि मीपङरा छेलि कमचित तो लोऊ अला लफमा जुराशु। यीशुस एनु चेल़ा पङरा लोऊ दो दोपङनङ ञमफो यरूशलेमु फसहऊ तिवारङ रा मोनामा गिनु तोइ, अला ओइ लि कि दो ओदा सिऊ जेइ।

यीशुउ चेला पोऊ नंऊ इत यहूदा मिनु मी तोइ। यहूदा रूपयऊ हिसाब तइ सा तोइ, दत लि दयारो दो ओदो फातुस रूपया हनि तोइ। यीशु नङ चेला पङ यरूशलेम पुतु ज्ञपतिङ यहूदा यहूदि गोबा पोऊरा जेऊ। दोगुस रूपयऊ बसकयङ यीशु रा दोपङङा चुममा शितिङ लोऊ। दो सेसि तोइ कि यहूदीऊ गोबा पङ मासेसि कि यीशु यो मसीह तोइ। दो सेसि तोइ कि दोपङ दोरा सतमा गिनु तोइ।

महायाजक रिङमिन दो गोऊ यहूदी गोबा पङक यीशु रा दोपोऊ गुतिङ चुमु सुमा शितिङ यहूदा रा हुमनिसा मूलू सिक्‍का खेऊ। जि ओशि यो वंऊ जेऊ हले भविष्‍य लोइ साक रिंऊ तोइ ओशि वंइ। यहूदा यऊ अला रूपया कयुफु जेऊ। दो यीशु रा चुममा शितिङ दोपोऊ पङगोत लमा शितिङ अलित दयारो शुंऊ पोसु।

यरूशलेमु , यीशुस एनु चेला पङनङ फसहऊ तिवारङ मोनायऊ। फसहऊ थकतु जामा परिङ, यीशुस रोटि कयफु बोरङ थऊ निश लऊ पिनु। दोगुस लोऊ, “ओइ या अला जऊ पिननिश। जि अङ डियङ तो जिरा ग किमपोऊ शितिङ खैसतोक। ओइरा अङरा कोलङ लऊ लमा।“ ओशियो, यीशुस लोऊ कि दो दोपोऊ शितिङ सिऊ जेइ, दोपोऊ शितिङ दो एनु डियङ रा पुजा तिऊ पिनि।

दत यीशुस इत गुणु रस थुतु अला लोऊ, “जिरा तुंऊ पिननिश। जि सरपा वादऊ अङ शुइ जिरा ग होसु पिनि छु लोननङ परमेश्‍वर किमपोऊ पाप लमिन दोरा माफ लइ। सोदयो ओइ तुङमा परिङ अङरा कोलङ लऊ ओइरा लमा जि जोदे ग लऊ तोक।

दत यीशुस चेला पङरा लोऊ, ”किमपोऊ नंऊ इत मी अङरा चुममा मति।” चेला पङ बिंऊ जेऊ, अला दोरा शुउ कि ओशि लेन ऊङ लई। यीशुस लोऊ, ”अङरा चुमि मी ओदो वंइ दोरा ग ओइ रोटि खनङ लमिन दो खेरोक।” दत दोक दो रोटि यहूदा इस्‍करियोती रा खेऊ।

दो रोटि थऊ ज्ञपतिङ, यहूदऊ नंऊ शैतान सङकु। यहूदा हनतु यीशु रा चुममा शितिङ यहूदी गोबा पोऊ पङगोत लमा शितिङ जेऊ पिनु। जि गोङकु टेम तोइ।

थकतु जऊ ज्ञपतिङ, यीशु नङ दोऊ चेला पङ जैतून डोङखङ फौक जेऊ पिनु। यीशुस लोऊ, ”किमपङ तोरो गोङक अङरा सोठऊ पिनि। छु लोननङ पवित्रशास्‍त्रु चेमिन तोइ, ‘ ग पालस रा सति अला सिङ तेत पङ नोस- जिस वंऊ जेइ।”

पतरसुस जवाब खेऊ, ”हले लि अलित पङ कनरा सोठासतो, ग मासोठासि। दत यीशुस पतरस रा लोऊ, “शैतान किमपोऊ सिङु इम्‍तिहान किमा गिनु तश, दत हे पतरस, गस कन शितिङ परमेश्‍वर रा लोऊ कि का दैङ मालरो। दत लि, तोरो गोङक, कुकरि बाँग खेमा होमशित का हुम फेरा मेन लोइ कि का अङरा सेसमेयो मासेसि।”

पतरसुस दत यीशु रा लोऊ, ” दत मेननङ ग सिऊ जेतोक, ग तशपयो कनरा मासेसि मालोइ।” अलित सिङ चेला पङ लि ओशि यो लोऊ।

दत यीशु एनु चेला पङनङ ञमफौ गतसमनी मिनु जागऊ रा जेऊ। यीशुस एनु चेला पङरा परमेश्‍वर रा कोलङ लमा शितिङ लोऊ छु लोननङ शेतान दोपऊ इम्‍तिहान माकिरो। दत यीशु एनु परमेश्‍वर रा कोलङ लमा शितिङ जेऊ पिनु।

यीशुस हुम फेरा परमेश्‍वर रा कोलङ लऊ, ”हे अङ अपा, यानङ ओरछे ओइ दु:खङु टेमुस अङरा बचास। दत लि मी पोऊ पाप लमिन दो माफ लमा शितिङ अलित ओमप मातोननङ, दत का गिनि दो सिङ वङरो।” यीशु हत परेशान तोइ अला दोऊ दुसति शुइऊ बुंदू खौता फोरू थोरिङ दतु तोइ। दोरा सोततिङ खेमा शितिङ परमेश्‍वरुस इत स्‍वर्गदूत रा पिनु।

दयारो परमेश्‍वर रा कोलङ लऊ ज्ञपतिङ, यीशु एनु चेला पोरा पोलठतु तु, दोपङ ञोन कयऊ तोइ। दत यीशु हुम फेरा पोलठतु तु दत यीशुस लोऊ, ”हनतु पिननिश। अङरा चुमि सा पङ तु तश।”

ओसपरिङ यहूदी इस्‍करीयोती यहूदा गोबा,अला गोप सैनिक पङरा हथियार नङ ञमफो कयुफु तु। यहूदा यीशुऊ तुसिङ तु दोरा लोऊ, ”हे गुरु, नमस्‍ते, “अला दोरा पो खेऊ पिनु। दोगुस गिरफतार लइ सा मी रा यहूदी गोबा पङरा कनमा शितिङ ओशि लऊ तोइ। दत यीशुस लोऊ, ”हे यहूदा, का छै अङरा गोलङ तिखु चुमचुमसु तोन आ?”

दत दो सैनिक पङ यीशु रा चुममा लऊ तोइ, दत पतरसुस एनु तलवार हनु अला महायाजकु इत नुकुरु रेपङ थोलु पिनु। यीशुस लोऊ, “ तलवार रा नोस लत। ग अङ अपऊरत अङरा बचामा शितिङ स्‍वर्गदूतु इत सैना खेसमा शितिङ लोमा लिइ। दत लि अङरा अङ अपाऊ कमचित गोमा वंइ।” दत यीशुस दो मिंऊ रेपङ रा एपो लऊ पिनु। दत सिङ चेला पङ यीशु रा सोठऊ रोऊ जेऊ।