4. अब्राहम नङ परमेश्‍वरू वायदा।

होलडोऊ गोप बोशङ ज्ञपतिङ, मुलुकु नंऊ गोप मी पङ पोसि तोइ, अला दोपङक हेलि परमेश्‍वर नङ अला इतुस अलित नङ पाप लऊ। छु लोन नङ दो पङ इतो कत चलि तोइ, ओदोक दो ञमफो वंऊ अला मुलुक रा पुङमा शितिङ परमेश्‍वरुस रिङमिन बसक्यङ इत नगर रा जुराऊ।

दोपङ हत शेखिसा तोई, अला दोपङ रा हले शिङमा गिनमा दो ओइऊ बारे परमेश्‍वरूस रिङमिन खोता मालमा गिनि तोइ। दत दोपङ इत ओशि खर जुरामा तिखु दो स्‍वग्रु शम पुति तोइ। परमेश्‍वरूस तंऊ दत दोपङ ञमफो तमपु पोसनङ हलम लउ पोसि, दत दोपङ गोप पाप कर्म लि लमा लिइ।

ओदोक परमेश्‍वरुस दोपोऊ कत रा गोप कतु नंऊ लेऊ पिनु अला दो मीपङरा सिङ मुलुकु पुंऊ पिनु। दो जुरामिन नगर रा दोपङक बाबेल लोऊ, दोऊ मोतलब “गडबड”।

गोप बोशङु ज्ञपतिङ, परमेश्‍वरूस अब्राम मिनु इत मी रा कमचित लोऊ। परमेश्‍वरूस दोरा लोऊ, “रंऊ देश नङ पेरङ रा सोठऊ ओदो देशु जो दो ग कनरा कनकसतोक। ग कनरा बोरङ खेसतोक अला कनरत इत चेइ जात जुरारोक। ग कन मिन रा चेइ लारोक। जो कनरा बोरङ खेसतो ग ओदो रा बोरङ खेरोक, अला जो कनरा शाप खेसतो ओदोरा शाप खेरोक। कन लामिन मुलुकु सिङ मी पङरा बोरङ पोरतति।

दत अब्रामुस परमेश्‍वरू कमचित गोऊ। दोक एनु सिङ लेन लई नङ एनु सिङ रूपया निङ एनु योबलङ रा कयुफु अला दो मुलुक रा सोठऊ, कनान देश फोक जेऊ, दो देश परमेश्‍वरूस दोरा कनु तोइ।

दत अब्राम कनान पुतु दत परमेश्‍वरूस दोरा लोउ, “रंऊ नोपा जिपा खोन। ग कनरा जि सिङ दैश खेसतोक अला कन वंश पङ अमबोरो जिऊ थोरिङ राज लऊ पोसि।” दत अब्राम ओदो देशु बोसतु।

मालिकिसिदक मिनु इत फोबलङक तोइ दो परमेश्‍वरू चेला तोइ। इत दयार दो अब्राम तोङकु ज्ञपतिङ तु, दत दो नङ अब्राम छुशु। मालिकिसिदकुस अब्राम रा बोरङ खेऊ अला लोऊ, “थोनतु थोरिङ परमेश्‍वरूस दो स्‍वर्ग नङ मटङु मालिक दो कनरा बोरङ खेँसि।” दत अब्रामुस तोङकु जिततमिन सिङ चिसु सा हिसा मालिकिसिदक रा खेऊ पिनु।

गोप बोषङ बिततु, दत ली अब्राम नङ सारेऊ छङ मतोइ। परमेश्‍वरूस अब्राम नङ कमचित लोऊ दत हे लि वादा लऊ कि दोऊ इत छङ वङमा अला हलेया नमु नंऊ कर्मा तश ओशि यो गोप वंश वङमा गिनमा। अब्रामुस परमेश्‍वरूस लमिन वादा रा दिमलेओ ततु। परमेश्‍वरूस सिङरा लोऊ कि अब्राम इत एपो मी तोइ छु लोन नङ दोक परमेश्‍वरू वादा लमिन दो दिमलेओ ततु।

दत परमेश्‍वरूस अब्रामु रत इत वादा लऊ। हीन मेन नङ, इत वादा निश मिऊ किललिङ इत नङ अलितु लेन लमा इत समजोता तुइ। परमेश्‍वरूस अब्राम रा दो वादा लऊ तोइ कि ओसपरिङ अब्राहम ञोनमिन तोइ, दत लि दो ओसपरिङ लि परमेश्‍वरू कमचित रा गोमा ली तोइ। परमेश्‍वरूस रिऊ, “ग कन योबलङक सारैऊ डियङु जोरमयऊ कनरा इत चिगजा खेसतोक। ग कन वंश पङरा जि कनान देशङ खेसतोक” दत लि अब्रामु अला लि छङ मतोइ तोइ।