43. कलीसिया जुमा तिखु।
यीशु स्वर्गु पोलठतु जेऊ ज्ञपतिङ, चेला पङ यरूशलेम पोसु हले यीशुस दोपङरा लमा शितिङ लोमिन तोइ। ओदतुत विश्वासी मी पङ दयारो ञमफो परमेश्वर रा कोलङ लमा शितिङ कटठा वंई तोइ।
हर साल, फसहु तिवारङु सङा दयार ज्ञपतिङ, यहूदी मी पङ पिन्तेकुस्त मिनु इत तिवारङ मोनइ तोइ। पिन्तेकुस्त ओदो टेम तोइ ओदोसपरिङ यहूदी मी पङ ब्रू रा थोलु तिवारङ मोनइ तोइ। सिङ मुलुकुस यहूदी मी पङ पिन्तेकुस्त तिवारङ मोनामा शितिङ यरूशलेमु तु तोइ। ओइ बोषङ, पिन्तेकुस्त मोनामा टेम यीशु स्वर्गु जेऊ मोतमेनङ इत हफता ज्ञपतिङ तु तोइ।
ओदो टेमु सिङ मोनइ मी पङ ञमफो कटठा तोइ, हलेस कयुमु दोपङ तोइ ओदोसपरिङ ओ दो शेच्चन लानु कतुस बूंऊ जेऊ। दत मेंऊ लबु खौता तङमा तुइ खौता छैता सिङ विश्वासी पोऊ पिशरिङ थोरिङ तङमा तु। दो पङ सिङ संखमा जिवास बुंऊ जेऊ अला अलित कतुस परमेश्वर रा कोलङ लऊ। जि दो कतपङ तोइ दोरा लोमा शितिङ दोपङरा संखमा जिवास लोऊ तोइ।
यरूशलेमु पोसि मीपङक दो कत गोऊ, दत दोपङ सिङ कटठा वंऊ जि खौनमा शितिङ ञमफौ वंऊ तु कि छै वंऊ वङरो। दोपङक मोनई पङरा परमेश्वरूस लमिन चेइ-चेइ लेन लइ पङ लोइ गोऊ। दोपङ बिंऊ जेऊ छु लोननङ दोपङ दो लेन पङरा रंऊ ओ कतु नंऊ गोऊ तोइ।
दोपोऊ नंऊ तचे ता मी पङक लोऊ कि चेला पङ नशऊ नंऊ तशे। दत पतरस डेन वंऊ अला दोपङरा लोऊ, “अङ कमचित गोरिश। जि मी पङ नशऊ नंऊ मेन तश। ओदो बसकयङ, छे किमपङ तंऊ तोश दो ओदो तो छे योएल भविष्य लोइ साक रिंऊ तोइ ओशि वङरो: परमेश्वर लोऊ, “कयामा दयारोऊ, ग अङ जिवा पिननोक।”
“ हे इस्त्राएली फोबलङ पङ, यीशु इत ओशि मी तोइ दोगुस जि कनमा शितिङ दो ऊङ तश गोप एपो लेन पङ लऊ। दोगुस परमेश्वरू सोततिङुस गोप एपो लेन पङ लऊ तोइ। किमपङ जि सेसि तोश, छु लोननङ किमपङक जि लेन पङरा तंऊ तोइ। दत लि किमपङक दोरा क्रूसु थोरिङ चडऊ पिनु।”
“ यीशु सिऊ जेऊ दत लि परमेश्वरूस दोरा सिऊ थलत लि शिंइ लऊ पिनु। दो कमचित रा पूरा लऊ दोरा इत भविष्य लोइ साक चेमिन तोइ; ‘का रंऊ एपो मी रा क्रबु रूलमा माखेइ।’ निङपङ गवा तोश कि परमेश्वर यीशु रा हेलि जिंदा लऊ पिनु।”
“परमेश्वरु छङ यीशु रा एनु जखङ फौक तऊ दोरा एपो लऊ। अला यीशुस निङपोऊ शितिङ संखमा जिवा पिनु हलै दोगुस वादा लमिन तोइ दो पिनि। संखमा जिवा गुस ओ दो लेन पङरा वङमा मतु दोपङरा किमपङ खोनु तोश अला गोऊ तोश।”
“किमपङक दो मी, यीशु रा क्रूसु थोरिङ चडऊ सतु पिनु। दत लि किमपङ जि सेसमा कि परमेश्वर यीशु रा सिङ छला पोऊ थोरिङ परमेश्वर नङ अला मसीह निशतयो तामिन तश।”
पतरस रा गोइ मी पङ दोऊ रिङमिन कमचित पङ गोऊ नंऊ शम करिंऊ जेऊ तोइ। ओदोक दोपङक पतरस नङ चेला पङरा शुऊ, “हे बियम पङ, ऊलपङरा छै लमा गिनमा?”
पतरसुस दोपङरा जवाब खेऊ, “किमपोऊ नंऊ सिङ रंऊ पाप लमिन दोक पछतावा लमा छु लोननङ परमेश्वर किमपोऊ पाप लमिन दोरा माफ लरो, अला यीशु, मसीहु मिनुस संखमा तिऊ डुबयततो। दत दो किमपङरा बोरङु खौता संखमा जिवा लि खेसतो।”
पतरसुस छे लि रिंऊ दोगु नंऊ मोतमेननङ हुम हजार मीस दैङ लऊ अला दोपङ यीशुउ चेला वंऊ जेऊ। दोपङ संखमा तिऊ डुबयतु अला यरूशलेमु कलीसियऊ फौक वंऊ जेऊ।
दत मी पङक दोपङरा लफु दत मोनई मी पङ दयारो गोऊ। दोपङ दयारो छुशि तोइ अला ञमफौ थकतु जई तोइ, अला दोपङ दयारो इतु- अलित रा शितिङ परमेश्वर रा कोलङ लई तोइ। दोपङक मिलतु परमेश्वर रा पेरतु अला छे लि दोपोऊ रा तोइ दोपङक इतुस- अलित रा खेऊ। नगरु सिङ मी दोपङ रा एपो तति तोइ। दयारो, गोप सेलि गोप मी मोनइ सा वंऊ जेऊ।
खास चेला पोऊ लेन 2 गुस इत बाइबलु कोथा।
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।