48. यीशु ओ सोच्चा मसीह तो।
ओसपरिङ परमेश्वरु मुलुक रा जुरामा परिङ सिङ-सङ एपो तशे। छोयो पाप मातोइ तोइ। आदम नङ हव्वा इतुस -अलित रा हत बेन्नङ लई तोइ, अला दोपङ परमेश्वर नङ बेन्नङ लइ तोइ। छोयो शोत अला सीमा मातोइ तोइ। परमेश्वर ओशि यो मुलुक रा गिनि तोइ।
शेतान गुस सबस वंऊ बुगीचऊ नंऊ हव्वा नङ कमचित लोऊ, छु लोननङ दो दोरा दोखा खेमा गिनु तोइ। दत हव्वा नङ आदम गुस परमेश्वरु खिलाफ पाप लऊ। छु लोननङ दोपङक पाप लमिन तोइ ओदोक मुलुकु पोसि सिङ मी पङ सिऊ जेइ।
छु लोननङ आदम नङ हव्वा गुस पाप लमिन तोइ, ओदोक अला लि हलम वंऊ । दोपङ परमेश्वरु दु:श्मोन वंऊ जेऊ। दोऊ ज्ञपतिङ, ओदत थलत सिङ मीस पाप लमिन तो। सिङ-सङ मी जोरमयतु थलत ओ परमेश्वरु दु:श्मोन तो। परमेश्वर नङ मी पोऊ किललिङ सवङना मतोइ तोइ। दत लि परमेश्वर मुलुकु सवङना लमा गिनु तोइ।
परमेश्वरुस वादा लऊ कि हव्वऊ इत चिगजा शैतानु पिशा रा टेमरो। दोगुस ओशि लि लोऊ कि शैतान दोऊ ठोङोल रा डसई। अलित कतु, शेतानु मसीह रा सतु पिनि, दत लि परमेश्वरु दोरा हेलि जिंदा लऊ पिनि। दोऊ ज्ञपतिङ, मसीह शैतानु सौततिङ रा अमबोरो रा शितिङ खोतोम लऊ पिनि। गोप बोषङ ज्ञपतिङ, परमेश्वरुस लोऊ कि दो मसीह यीशु तो।
परमेश्वरु दो होलडो गुस एनु पेरङ रा बचऊ दोरा दो सुइसा तोइ। नूह रा इत नाव जुरामा शितिङ लोऊ कि दो ओशि यो परमेश्वरुस दो मीपङरा बचऊ दो दोऊ थोरिङ दैङ लई तोइ। ओशि यो, दोपङ सिङ-सङ परमेश्वर रा सतमा लमा शितिङ ओ तोइ छु लोननङ दोपङक पाप लमिन तोइ। दत लि परमेश्वरुस दोपङ सिङ रा बचामा शितिङ यीशु रा पिनु दोपङ दोऊ थोरिङ दैङ लई तोइ।
सैकडों बोषङ शम, याजक पङ परमेश्वर रा शितिङ पुजा तिइ तोइ। जि तङमा तुइ कि मी पङक पाप लऊ, अला ओशि लि दोपङ परमेश्वरुस दोपङरा सजा़ खेमा एपो वङरो। दत लि दो पुजा तीमा दो दोपोऊ पाप रा माफ मलिइ तोइ। यीशु थोनतु चेइ महायाजक तोइ। दोगुस ओशि लऊ कि ऊङो याजक लमा मालिइ तोइ। दोगुस दो इपोटोक पुजा तीमा शितिङ एनरा यो खेऊ पिनु दो सिङु पाप रा शिमा यई तोइ। दो मोनतु कि परमेश्वरुस दोपोऊ सिङु पापु शितिङ दोरा सजा़ खेऊ। ओदोक ओ, यीशु एपो महायाजक तोइ।
परमेश्वरुस अब्राहम रा लोऊ, ”ग कन लमिन मुलुकु सिङ मी पङरा बोरङ खेरोक।” यीशु ओइ ओ अब्राहमु छङ तोइ। परमेश्वरुस अब्राहमु लमिन सिङ मी पङरा बोरङ खैइ, छु लोननङ ऊङ लि यीशुउ थोरिङ दैङ लरो परमेश्वरुस दो सिङ रा यो पापुस बचारो। दत जि मी पङ यीशुउ थोरिङ दैङ लननङ, दत परमेश्वरुस दोपङरा अब्राहमु वंश तति।
परमेश्वर अब्राहम रा लोऊ कि दो एनु इपोटोक छङ, दोऊ शितिङ दोरा पुजा तिऊ पिन। दत हेलि परमेश्वर इसहाकु बोदलऊ पुजा तीमा शितिङ इत करात खेऊ। ऊलपङ सिङ रंऊ पापु शितिङ सतमा यो लायक तोश। दत लि परमेश्वर ऊलपोऊ जागऊ सीमा शितिङ यीशु रा पुजा तिऊ पिनु। ओदोक ओ ऊलपङ यीशु रा परमेश्वरु करात लोइ तोश।
दत परमेश्वर मिस्रु थोरिङ लास्ट ओलडो पिनु दत दोगुस सिङ इस्त्राएलिऊ पेरङ पङरा लोऊ कि दो इत करात रा पुजा तीमा। दो करातु छोयो दोष मातोइ गिनमा। दत रंऊ पितङु खोलगङु थोरिङ दोपङरा दोऊ शुइ रा तीमा तोइ। ओसपरिङ परमेश्वर दो शुइ रा तंऊ दत दो दोपोऊ कयुमुत होमशित जेऊ अला दोपोऊ चेइ छङ रा मासतु। ओसपरिङ जि वंऊ दत परमेश्वर ओइरा फसहऊ तिवारङ लोऊ।
यीशु फसहऊ तिवारङु इत करातु खोता तोइ। दोगुस तशपयो पाप मालमिन तोइ, ओदोक दोगु नंऊ छोयो वामङ मातेइ। दो फसहऊ तिवारङु टेमु सिऊ तोइ। तशपयो उङ लि यीशूउ थोरिङ दैङ लननङ, दत यीशुउ शुइ दो मिंऊ पाप लमिनु कीमत चुकयारो। जि ओशि हले परमेश्वर दो मिऊ तुसिङक होमशित जेऊ पिनु, छु लोननङ दो दोरा सजा़ माखेइ तोइ।
परमेश्वरुस इस्त्राएली मी पङ नङ इत वादा लऊ, छु लोननङ दोपङ ओशि मी तोइ दोपङरा परमेश्वरुस एनु वङमा शितिङ चुनायऊ तोइ। दत छङ परमेश्वरुस इत ओशि वादा छुतु दो सिङु शितिङ तोइ। दत ऊङु लि जातु मी ओइ सरपा वादा रा गिनरो, दत दो परमेश्वरु मी पोऊ फोक वंइ। दो ओशि ओदोक लई छु लोननङ दो यीशुउ थोरिङ दैङ लइ तोइ।
मूसा इत ओशि भविष्य लोइ सा तोइ दोगुस परमेश्वरु वचन रा गोप सोततिङ नङ ञमफौ मी पङरा लोऊ तोइ। दत लि यीशु सिङ भविष्य लोइ सा पोऊ नंऊ थोनतु चेइ तोइ। दो परमेश्वर तश, ओदोक छे लि दोगुस लऊ अला रिंऊ दो परमेश्वरु लेन नङ वचन तशे। ओदोक संखमा- शास्त्र यीशु रा परमेश्वरु वचन लोइ तोइ।
परमेश्वरुस राजा दाऊद रा वादा लऊ तोइ कि राजऊ खोता दोऊ चिगजा परमेश्वरु मी पोऊ थोरिङ सोदयो राज़ लइ। यीशु परमेश्वरु छङक अला मसीह तो, ओदोक दो राजा दाऊदु चिगजा यो तोइ दो सोदयो राज़ लमा लिइ।
दाऊद ता इस्त्राएलु राजा तोइ, दत लि यीशु ता सिङो मुलुकु राजा तश। दो हेलि तुइ अला सोदयो इंसाफ नङ संवङनास एनु मी पोऊ थोरिङ राज़ लइ।
उत्पत्ति-1-3,6,14,22; निर्गमन- 12,20;2 शमूएल-7 इब्रानियों -3:1-6,4:14-5:10,7:1-8:13,9:11-10:18; गुस इत बाइबलु कोथा।
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।