۲۲- یوحِنّائی تَعمید دِهندِه تَوَلُّد
خِلی دیری پی خُدِه با پِغَمبِرُن، هُشتُن قُوْمی رَه هِکاتی ماکِرد. اَمّا چارصِه سالی بِوْیِربا کو خُده با هُشتُن قُوْمی هِکاتی ناکِربا. نافاغِل خُدِه فِریشتا، کاهِنی پیری سَر کو ژو نُم زَکِریا با، هیژ مییَه. او وُ ژوجِنییَه ا لیزابِتَه، آدِمی خُداتَرسی بِن. اونی پیری بِن و ا لیزابیتَه وَچَه دار مَنِبییَه.
خُدِه فِریشتن زَکِریایی رَه بات:« تَه جِنییَه ای پیر مِزِنه. ژو نُم یوحِنّا مِکَه. خُدا ژو هُشتُن روحی پی پُر ماکِرِه. یوِحِنّا مِلِتی بِرائی بییِمییُنی مَسیحی مُوْعودی آمادَه ماکِره.» زَکِرییِه ژو رَه بات:« اَ وُ مو جِنییَه وَچَه دار بِبییُنی رَه خِلی پیرین! چِه جوری بَزُنون کو مو رَه راس ما؟»
خُدِه فِریشتِن زَکِرییایی رَه بات: «خُدِه طَرِف پی بیِیمِیچون، تا اِن خَبِری خوشی تَه بَرِسِنون. ا سَه کو مو هِکاتی بُوْوِر نَکِرچَه، قُدرِتی هِکاتی هاکرِدی تَه دَس پی مِشو. تا وَختی کو وَچَه بَزه.» هَمون دَم پی زَکِرییِه زِفُن بُند اِما. بَعد خُدِه فِریشتا زَکِرییِه گَل پی بِشییَه. زَکِریا وِرگِردا کییَه. چی نِنجییا کو ژو جِنییَه تِلَه پِیدا کِردِش.
وَختی کو اِلیزابِتین تِلَه شَشَه ما بِبییَه، هَمون فِریشتا ناگُمُن، مَریِمین سَر کو اِلیزابِتین خویشَه بییَه ظاهِر بِبییَه. اُ بِکرَه بِستَه بییَه وُ یوسُفی نُمیزا بییَه. فِریشتِن ژینَه بات: «تو تِلَه پِیدا مِکَه وُ ای پیر مِزَن و ژو نُم عیسا مِکَه. اُ خُدائی مُتَعالی پیرَه وُ ژو سِلطِنِت تا اَبِدَه.
مَری مین بات: «چِطُوْ اِن چی اِمکان دارِه؟ دِر حالی کو اَ بِکرَه بِستون؟» فِریشتِن تُوْضیح هادا: «روحُ القُدُس تَرَه مِه وُ خُدِه قُوِت تَه سَر سایَه مُونِه. بِنابِراین اون وَشکا، قُدّوس و خُدایی مُتَعالی پیر خُندَه مِبو.» مَریِمین اون فِریشتِنَه ایمُن اِوِرد و اونچی باتبِش، قَبیل کِردِش.
چی ای نَوْیِربا کو مَریِمَه بِشییَه اِلیزاب تین کییَه. هَمَن کو اِلیزابِتین، مَرِیِمین صِدایی سِلامی بِشنوئِش، وَچَه ژین دِلَه تِلین بِلِویزییا. اونی اِنی بالا کو خُدِه کارائی ژُنَه هاکِربا، خوشال وابِن. مَریِمَه هِرَه ما، اِلیزاِبِتین گَل بِمُندَه و بَعد وِرگِردِیَه کییَه.
بَعدی ژو اِلیزابِتین پیر بِزِنا. اُ وُ زَکِریا، وَچِه اِسم هَمون جور کو فِریشتِن باتبا، یوحِنّا واششُن. بَعد خُدِه زَکِرییِه آلَه واکِرد و زَکِرییِه بات: «خُدِه شُکر ماکرِون، چِرَه کو رُتَه کِرچِش هُشتُن قُوْمی کُمِک کِرِه « تو خُدِه پِغَمبِر خُندَه مِبا وُ مِلِتی رَه ما کو؛ چِه جوری مِزُنَن گُناهُن پی آمُرزِش هارَن!»
آستُنکَه و تَه بِبا کِتابی مُقَدِسی پی کِتابی پِیدایِشی فَصلی هِرِه آیِه ای پُنزِه و فَصلی دوآزدِه آیِه ای یَکی تا هِرَه، کِتابی تَنبیه فَصلی هِژدِه آیِه ای پُنزِه، کِتابی دو سَموئیلی فَصلی هَفتی، کِتابی اِرمیِه فَصلی سییَه یَکی، کِتابی اِشعیا فَصلی پَنجا وُ نَه آیِه ای سیزدِه، کِتابی دانیالی، فَصلی هَفتی، کِتابی مِلاکی فَصلی چار آیِه ای پَنجی، کِتابی دانیالی فَصلی هَفتی، کِتابی مِلاکی فَصلی چار آیِه ای پَنجی، کِتابیاَشعیائی فَصلی هَفت آیِه ای چارد ه، میکا فَصلی پَنج آیِه ایدو، کِتابی اَشعیائی فَصلی نَه آیِه اییَک تا هَفتی و فَصلی سییَه پَنج آیِه ایه هِرَه تا پَنج و فَصلی شَصت و یَک و فَصلی پَنجا وُ هِرَه کِتابی مِزامیری فَصلی ویستَه دو آیِه ای هِژدَه و فَصلی سییَه پَنج آیِه ای نوزدِه و فَصلی شَصتَه نَه آیِه ای چار و فَصلی چِلَه یَکی آیِه ای نَه، کِتابی زَکِریائی فَصلی یازده.
رایگان برای استفاده، اقتباس و اشتراکگذاری تحت مجوز باز (CC BY-SA 4.0).