12. निर्गमन

इस्राएली लोग मिस्र देश शै निकल़ेबा बैजाए खुशी थिऐ। सै ऐबै दास नै थी, औरौ सै वादै कै देश कै चाले रौऐ थिऐ! जू किछै बै इस्राएली लोगै मांगौ, मिस्र कै लोगै सैजौ सोबै ठुँ दियु, इथै तौड़ी कै सुनु औरौ चाँदे औरौ ऊकी मोंगी चीज़ौ। औकी देशो कै कैई लोगै पौरमेशवरौ पांदी बिशवाश कौरा औरौ जोबै इस्राएली लौग मिस्र देश पौरेशै निकल़े तौ सै बै तिनकै साथै हौटे गौवे।

दुसौ कै सौमय बादल़ो का ऐक बौड़ा खोम्बा तिनकै औगौड़ियौ-औगौड़ियौ हांडो थिया। औरौ राते कै सौमय ऐजा खोम्बा आग का खोम्बा बौणै जाँव थिया। पौरमेशवर जू कै तैसी बादल़ कै खोम्बे दा औरौ आगै कै खोम्बे दा थिया, सदा तिनकै साथै थिया औरौ तैणै यात्रा कौरदै बैई तिनकै मौदद कौरे। तिनकै सिरफ इशैक कौरणौ थियु कै तैसकै पौछौड़ियौ हांडणो थियो।

थोड़ैई सौमय कै बाद, फिरौन औरौ तैसकै लोगै आपणै मन कै बोदल़े दिऐ। सै इस्राएली लोगौ कै ओटेयो आपणै गुलाम बाणणै चांव थिऐ। इथकारिए तिनुऐ इस्राएली लौगौ का पीछा कौरा। ऐजा पौरमेशवर ही थिया जैणै तिनकै मन कै बौदल़े दिऐ थिऐ। तैणै ऐशैकै इथकारिए कौरौ जिथुकै सै चांव थिया कै सोबै जौणै ऐजौ जाणै पांव कै फिरौन शै औरौ मिस्र कै सौबी देवताओं शै सैजा, यहोवा, जादा शोकतीशाली औसौ।

जोबै इस्राएली लोगै मिस्र कै सेना कैआंदै बैई दैखै तौ तिनुकै पौता चाला कै सै फिरौन कै सेना औरौ लाल समुद्र कै बीच मुंजी फौशै गौऐ। सै बैजाए डौरे गौवे औरौ रुंदै लागै, “आमुऐ मिस्र देश कै काए छौड़ौ? आमै मौरणौ वाल़ै औसौ!”

मूसाए इस्राएली लौगौ कै बौल़ौ, घोबराणौ बौंद कौरौ! पौरमेशवर ऐलौ तुऔं कारिए लौड़दा औरौ तुऔं कै बौचाँदा।” तोबै पौरमेशवरै मूसा कै बौल़ौ, “इनु लौगौ कै लाल समुद्रो कै ढौबौ आगु जाणौ कारिए बौल़।”

तोबै पौरमेशवरे तैसी बादल़ कै खौम्भे कै इस्राएली लौगौ औरौ मिस्र लौगौ कै बिचौ दा राखै दिया ताकि मिस्र कै लौग इस्राएली लौगौ कै दैखै नै सौकौ।

पौरमेशवरै मूसा कै समुद्रो पांदी आपणा हाथ लोम्बाणौ कै बौल़ौ। तोबै पौरमेशवरै बागौरे लैई समुद्रो कै पाणी कै दु भागौ दौ कौरे दियु, जिथलैई कै समुद्र दै ऐक बाट बौणै गौऐ।

इस्राएली लौग आपणै दु ढौबौ कै पाणी की दीवारो कै बिचो बीच शुकी जौमीनौ पांदी समुद्ररो कै पाईले ढौबौ हौटे।

तोबै पौरमेशवरै तैसी बाटौ पौरेशै बादल़ो कै ऊबै निये ताकि मिस्र कै लौग इस्राएली लौगौ कै बौचेबा जांदै बैई दैखौ। मिस्र कै लोगै तिनुकै थामणौ कारिए तिनका पीछा कौरणौ का फौएसला कौरा।

औरौ तिनुऐ समुद्रो कै जौरिए तियौं बाटौ पुंडा इस्राएली लौगौ का पीछा कौरा, पौरौ पौरमेशवरै मिस्र कै लौगौ कै घोबराए दिऐ औरौ तिनकै रथो कै फौशाए दिऐ। सै लैरौ मारदै लागै, दौऊड़ो-दौऊड़ो! इस्राएली लोगौ कै ढौबौशा पौरमेशवर लौड़े रौआ।”

सोबै इस्राएली लौग समुद्र कै औकी ढौबौ पौंएचे गौवे। तोबै पौरमेशवरै मूसा कै बौल़ौ कै तू ओटेयो पाणी पांदी हाथ लोम्बा। जोबै मूसाए ऐशैकै कौरौ, तौ पाणी मिस्र कै सेना पांदी आए गौ औरौ जैशैकै आगै थियु तैशैकैई हौए गौ। औरौ सोबै मिस्र कै सेना डौबे गौऐ।

जोबै इस्राएली लोगै दैखौ कै मिस्र कै लौग मौरे गौवे तौ तिनुऐ पौरमेशवरौ पांदी बिशवाश कौरा। तिनुऐ बिशवाश कौरा कै मूसा पौरमेशवर कै ढौबौशा पौरमेशवर की बातौ बौताणौवाल़ा थिया।

इस्राएली लौग इथकारिए बै बैजाए खुशी थिऐ जिथुकै पौरमेशवरै तिनुकै मौरणौ शै औरौ गुलाम हौणौ शै बौचाए राए थिऐ। ऐबै सै पौरमेशवर कै आराधना कौरणौ औरौ तैसकै आज्ञा का पालन कौरणौ कारिए आज़ाद थिऐ। इस्राएली लोगै आपणै आज़ादै का जशन मौनाणौ कारिए औरौ पौरमेशवर कै तारीफ कौरणौ कारिए कैई गीत गौवे जिथुकै तैणै तिनुकै मिस्र कै सेना कैईदै बौचाए राए थिऐ।

पौरमेशवरै इस्राएली लौगौ कै ऐई साल ऐक तैयार मौनाणौ का आदेश दिया ऐजौ याद कौरणौ कारिए कै कैशैकै पौरमेशवरै मिस्र कै सेना कै हौराए दै औरौ तिनुकै दास हौणौ शै आज़ाद कौरे। ऐजा फसह का तैयार कैहलांव थिया। ऐसी तैयारौ दौ तिनकै जशन मौनाणौ कारिए ऐक आछौ-भौलो गाबटु कै बल़ि कौरणै थै, तिथु बुजणौ थियु, औरौ तिथु बिना खमीर वाल़ी रोटी कै साथै खाणौ थियु।