21. पौरमेशवर मसीह कै आणो का वादा कौरौ

जोबै पौरमेशवरै दुनिया कै सृष्टै कौरे राए थै, सै जाणौ थिया कै तैसी कै बाद मे कौसी मसीहा कै छाड़ना पौड़दा। तैणै आदम औरौ हव्वाआरी वादा कौरे राए थिया कै सै ऐशैकै कौरदा। तैणै बौल़ौ कै हव्वा कै ऐक वंशज पौयदा हौंदा जू शौगौंऊ कै मुँडो कै पिचकला। जिथु शौगौंऊए हव्वा कै धौखा दिया सै पाका शैतान थिया। पौरमेशवर का मतलब थिया कै मसीह पूरी तौरेह शै शैतान कै हौराए दैंदा।

पौरमेशवरै अब्राहमवारी वादा कौरे राए थिया कै तैसी शै दुनिया की सोबै जाति आशीष पांदी। पौरमेशवर बाद मे कौसी सौमय पांदी मसीह कै छाड़ेबा ऐसी वादे कै पूरा कौरदा। मसीह दुनिया कै सौबी जाति कै लौगौ कै तिनकै पाप शै बौचांदा।

पौरमेशवरै मूसाआरी वादा कौरे राए थिया कै आणौ वाल़ै सौमय दै सै मूसा कै जैशणा ऐक औका पौरमेशवरौ की बातौ बौताणौ वाल़ा छाड़ादा। ऐजा पौरमेशवर की बातौ बौताणौ वाल़ा मसीह हौंदा। ऐशैकैई, पौरमेशवरै ओटेयो वादा कौरा कै सै मसीह कै छाड़दा।

पौरमेशवरै राजा दाऊदवारी वादा कौरे राए थिया कै तैसका ऐक वंशज मसीह हौंदा। सै राजा हौंदा औरौ पौरमेशवरौ कै लौगौ पांदी हौमेशा कारिए राज कौरदा।

पौरमेशवरै यिर्मयाह पौरमेशवर की बातौ बौताणौ वाल़ैयारी बातौ कौरी औरौ बौल़ौ कै ऐक दुस सै ऐक नौवाँ कौरार कौरदा। सैजा नौवाँ कौरार इस्राएली लौगवारी सीनै धारौ पांदी कौरेयोंदै पुराणै कौरारौ कै जैशणा ना आथी। जोबै लौगवारी सै आपणा नौवाँ कौरार कौरला, तौ सै तिनपांदी आपी कै जोई-जोई तरीके शै प्रकट कौरदा। सोब जौणै तैसयारी प्यार राखदै औरौ तैसकै कानून का पालन कौरणौ कै इछा राखदै। पौरमेशवरै बौल़ौ कै ऐजौ तैसकै कानून कै तिनकै दिल पांदी लिख दैणौ कै जैशणौ हौंदौ। सैजै तैसकै लौग हौंदै, औरौ पौरमेशवर तिनकै पापौ कै माफ कौरदा। सै मसीह हौंदा जू तिनुवारी तैसी नौवे कौरार कै कौरदा।

पौरमेशवर की बातौ बौताणौ वाल़ै ऐजौ बै बौल़ौ कै मसीह ऐक पौरमेशवर की बातौ बौताणौ वाल़ा हौंदा। ऐक पौरमेशवर की बातौ बौताणौ वाल़ा सैजा आदमै औसौ जू पौरमेशवर कै बचनो कै शुणांव औरौ तोबै लौगौ पांदी पौरमेशवरौ कै सौंदेशौ कै साबित कौरौ। जैसी छाड़नौ का पौरमेशवरै वादा कौरे राए थिया सैजा मसीह ऐक सिध्द पौरमेशवर की बातौ बौताणौ वाल़ा हौंदा। औरौ सै मसीह पौरमेशवर कै सौंदेशौ कै ठीक-ढंग शै शुणदा, औरौ सै लोगौ कै तिनु सौंदेशौ कै ठीक-ढंग शै शिखांदा।

इस्राएली पुरोहितै लौगौ कारिए पौरमेशवरौ कै औगौड़ियौ बौल़िदान चौढ़ाणा जारी राखा। ऐजै बौल़िदान लोगौ कै पापौ कारिए तिनुकै पौरमेशवर कै द्वारा सौजा दैणौ कै ठाँव पांदी चौढ़ाए जांव थिऐ। पुरोहितै लौगौ कारिए प्रार्थना बै कौरे। पौरौ, सैजा मसीह सिध्द महा यहूदी पुरोहित हौंदा जू पौरमेशवरौ कै दैणौ कारिए ऐक सिध्द बौल़ि कै रूपौ दा आपी कै चौढ़ाए दैंदा। यानि, सै कौलौंई पाप ना कौरदा, औरौ जोबै सै आपी कै बौल़ि हौणौ कारिए दैला, तौ दुनिया का कुणजाई बै औका बौल़िदान जौरूरी ना आथी।

लौगौ कै गुट पांदी राजा औरौ प्रधान राज कौरौ, औरौ कौलौंई-कौलौंई सै गलती कौरौ। राजा दाऊदै सिरफ इस्राएली लौगौ पांदी राज कौरा, पौरौ राजा दाऊद का वंशज मसीह पूरे दुनिया पांदी राज कौरदा, औरौ सै हौमेशा कारिए राज कौरदा। इथकै अलावा, सै हौमैशा न्याय कै साथै राज कौरदा, औरौ सौही फौएसला लौंदा।

पौरमेशवर की बातौ बौताणौ वाल़ै मसीह कै बारै मुंजी बौरिशी बातौ बुली। उदारण कारिए, मलाकीए बौल़ौ कै मसीह कै आणौ दा औगौड़ियौ ऐक औका पौरमेशवर की बातौ बौताणौ वाल़ा आंदा। सैजा पौरमेशवर की बातौ बौताणौ वाल़ा बैजाए खास हौंदा। इथकै अलावा, यशायाह पौरमेशवर की बातौ बौताणौ वाल़ै लिख राए कै मसीह ऐक कुंवारी पौरेशा पौयदा हौंदा। औरौ मीका पौरमेशवर की बातौ बौताणौ वाल़ै बौल़ौ कै मसीह बैतलहम नगर दा पौयदा हौंदा।

यशायाह पौरमेशवर की बातौ बौताणौ वाल़ै बौल़ौ कै मसीह गलील कै इलाके दा रौंदा। जू लौग बैजाए दुखी औसौ मसीह तिनुकै शान्तै दैंदा। सै कोयदी कै बै आज़ाद कौरदा। मसीह बीमारो कै औरौ जू शौण ना सौकौ, दैख ना सौकौ, बौल़ाए ना सौकौ, या हांडे ना सौकौ तिनुकै बै ठीक कौरदा।

यशायाह पौरमेशवर की बातौ बौताणौ वाल़ै ऐजौ बै बौल़ौ कै लौग मसीह यारी नफरत कौरदै औरौ तैसी कै औपनाणौ शै मना कौरे दैंदे। औकी पौरमेशवर की बातौ बौताणौ वाल़ै बौल़ौ कै मसीह का ऐक साथै तैसकै खिलाफ हौंदा। जकर्याह पौरमेशवर की बातौ बौताणौ वाल़ै बौल़ौ कै तैसका ऐजा साथै ऐशैकै कौरणौ कारिए औकी लौगवादै चाँदी कै तीस सिके मांगदा। इथकै अलावा, किछै पौरमेशवर की बातौ बौताणौ वाल़ै बौल़ौ कै लौग मसीह कै मारे दैंदे, औरौ ऐजौ कै सै तैसकै खौटणौ कारिए जुआ खैलदै।

पौरमेशवर की बातौ बौताणौ वाल़ै ऐजौ बै बौल़ौ कै मसीह कैशैकै मौरदा। यशायाहै भविष्यवाणी कौरे कै लौग मसीह पांदी थुकदैए, तैसका मजाक उड़ांदै, औरौ तैसी कै पीटदैए। सै तैसीकै बिन दैंदे औरौ सै बैजाए पीड़ौ औरौ तड़प दा मौरे जांदा, जोबै कै तैणै किछै बै गौल़त ना कौरे रैई।

पौरमेशवर की बातौ बौताणौ वाल़ै ऐजौ बै बौतौऊं कै मसीह पाप ना कौरदा। सै सिध्द हौंदा। पौरौ सै इथकारिए मौरदा ताकि पौरमेशवर तैसी कै औकी लौगौ कै पापौ की बौजेह शै सौजा दैंव। तैसकै मौरणौ शै लौग पौरमेशवर कै साथै मेल कौरणौ दै कामयाब हौंदे। इथकारिए पौरमेशवर चांव कै मसीह मौरौ।

पौरमेशवर की बातौ बौताणौ वाल़ै ऐजौ बै बौल़ौ कै पौरमेशवर मसीह कै मौरेयौंदे मुंजीदा जिंयुदी कौरदा। ऐजौ दर्शावं कै ऐजौ सोबै नौवे कौरार कौरणौ कै पौरमेशवर कै योजना थै, ताकि सै तिनु लौगौ कै बौचाए सौकौ जिनुऐ तैसकै खिलाफ पाप कौरे राए।

पौरमेशवरै आपणै बातौ बौताणौ वाल़ै पांदी मसीह कै बारै मुंजी भोरिशी बातौ प्रकट कौरी, पौरौ मसीह तिनु पौरमेशवर की बातौ बौताणौ वाल़ै मुंजीदा कौसी कै बै सौमय दा ना ऐई। इनु भविष्यवाणी दैणौ कै 400 दै जादा सालो कै बाद, सौही सौमय पांदी, पौरमेशवरे मसीह कै ऐसी दुनिया दा छाड़ा।