25. शैतानै यीशु कै पौरखा

यीशु का बपतिस्मा हौणौ कै बाद तावल़ा, पवित्र आत्माएँ तैसी जौंगलौ पुंडा निया। यीशु तिथै चालीश दुस औरौ चालीश रात रौआ। तौलौ तैणै उपवास कौरा, औरौ शैताने यीशु कै धौरे आऐबा पाप कौरणौ कारिए तैसीकै पौरखा।

आगै, शैताने यीशु कै बौल़ौ, “जै तू पौरमेशवर का बैटा औसौ तौ इनु पात्थरौ की रोटी बाणै दै ताकि तू खाए सौके!”

पौरौ यीशुए शैतानौ कै बौल़ौ, “पौरमेशवर कै वचनौ दौ ऐजौ लिख राए, ‘जियुंदी रौणौ कारिए आदमी कै रोटी कै जौरूरत ना आथी, पौरौ तिनुकै तिनु सौबी बातौ कै जौरूरत औसौ जू पौरमेशवर तिनुकैई बौल़ौए।’”

तोबै शैतान यीशु कै मंदिर कै सौबीदै ऊंचै कुणै पांदी लौए गौआ। तैणै तैसीकै बौल़ौ, “जै तू पौरमेशवर का बैटा औसौ तौ इथै दै ऊदै फाल़ मार, जिथुकै लैख राए, ‘पौरमेशवर ताखै टिपणौ कारिए आपणै स्वर्गदूतौ कै आज्ञा दैंदा कै तैरे लातौ पांदी पात्थरौ लैई ढैस नै लागौ।

पौरौ यीशुए सैजौ नै कौरी जू शैताने तैसीकै कौरणौ कारिए बौल़े राए थियु। इथकै बौदल़े, तैणै बौल़ौ, “ पौरमेशवर सौबी कै बौल़ौ, ‘तू आपणै प्रभु पौरमेशवर कै पौरखेया नै।”’

तोबै शैताने यीशु कै दुनिया कै सोबै राज्य दिखौऊंए। तैणै तैसीकै दिखौऊं कै सै किशैक शोकतेशाली औसौ। तैणै यीशु कै बौल़ौ, “हांव ताखै ऐजौ सोबै ठुँ दैन्दा जै तू घुन्टू नियुड़ाऐबा मौखै ढाल़ कौरे।”

यीशुए जबाब दिया, शैतान, मैरे धौरौ दा आगू जा! पौरमेशवर कै वचन दा सै आपणै लौगौ कै आदेश दैंव, ‘सिरफ आपणै प्रभु पौरमेशवर कै आराधना कौरौ। पौरमेशवर कै रूपौ दा सिरफ तैसकाई आदर कौरौ।”’

यीशुए शैतानौ कै पौरखौणौ शै हार नै मानी, इथकारिए शैतान तैसकै धौरौ दा आगु हौटे गौआ। तोबै स्वर्गदूत आऐबा यीशु कै सेवा कौरदै लागै।