7. पौरमेशवर याकूब कै आशीष दैंव

जोबै सैजै नानड़िया बौड़े हौऐ तौ याकूब कै घौरे रौणौ आछौ लागौ, पौरौ एसाव कै जानवरौ का शिकार कौरणा आछा लागा। रिबकाए याकूबआरी लाड़ प्यार कौरा, पौरौ इसहाकै एसाव शै प्यार राखा।

ऐक दुस, जोबै एसाव शिकार कौरेबा पाछु औआ तौ सै बैजाए भूखे रौआ थिया एसावै याकूब कै बौल़ौ, “जू खाणौं तौंऐ बाणै राए तिथमुंजी दौ दैणिक मौखै बै दै।” याकूबै जबाब दिया, “आगै मौंआरी वादा कौर कै पहलौठे हौणौ की बौजेह शै सोबै चीज़ौ जू ताखै भैटणी चैईं, सैजौ सोबै ठुं तू मौखै दैंदा।” औरौ एसावै तिनु सोबी चीज़ौ कै याकूब कै दैणौ का वादा कौरे दिया। तोबै याकूबै तैसी कै किछै खाणौं कै दियु।

इसहाक एसाव कै आशीष दैणै चांव थिया। पौरौ इदू आगै कै सै ऐशैकै कौरदा, रिबका औरौ याकूबै, याकूब दा एसाव का भेष बाणणो का ढ़ोंग कौरेबा तैसकै साथै धौखा कौरा। इसहाक बूढ़ा थिया औरौ ऐबै दैखै नै सौकौ थिया। इथकारिए याकूबै एसाव कै खौटणौ बाम्बै औरौ बाकरी कै खाल कै आपणै टाटु औरौ हाथौ पांदी लौपेटै।

याकूब इसहाक कै धौरे औआ औरौ बौल़ौ, हांव एसाव औसौ। हांव इथकारिए आए रौआ, कै तू मुखै आशीष दैए।” जोबै इसहाकै बाकरी कै बाल़ौ कै छुऐं औरौ खौटणौ कै शिंगै, तौ तैणै सुंचु कै ऐजा एसाव औसौ औरौ तैसीकै आशीष दै।

एसाव याकूब शै रिशांव थिया जिथुकै याकूबै तैसकै जैठै होणो कै ओधिकारो औरौ इथकै साथै तैसकी आशीषौ कै बै धोखे शै आपी कै कोरी। औरौ तैणै आपणै बापू कै मौरणौ कै बाद याकूब कै मारणौ कै तोरकीब बाणै।

पौरौ रिबकाए एसाव कै चाल कै जाणी पाए। इथकारिए तियैं औरौ इसहाकै याकूब कै तैसकै रिशतेदारौ कै साथै रौणौ कारिए बैजाए दूर छाड़ै दिया।

याकूब कैईं सालो तौड़ी आपणी माँ रिबका कै रिशतेदारौ कै साथै रौआ। तैसी सौमय दा तैणै जाजड़ा बाणा औरौ बारौंई बैटे कै औरौ ऐकी बैटी कै पोयदा कौरे। पौरमेशवरे तैसी बैजाए सैठ बाणै दिया।

बीश सालो तौड़ी कनान देश दै आपणै घौरो दै दूर रौणौ कै बाद, याकूब आपणै कुड़बै, आपणै सेवको, औरौ आपणै गौरू कै सोबै झुंड़ कै साथै तिथै पाछु औआ।

याकूब इथकारिए बैजाए डोरे रौआ थिया जिथुकै तैणै सुंचु कै एसाव ऐबै बै मौखै मारणा चांव। इथकारिए तैणै तोफे कै रूप दै जानवरो कै झुंड़ खै एसाव कै धौरे छाड़ै। जू सेवक तिनु झुड़ौ कै लौए गौवे थिऐ तिनुऐ बौल़ौ, “तेरा दास याकूब, इनु जानवरो कै ताखै दैंव। सै तावल़ा ही आंदा लागै रौआ।”

पौरौ एसाव ऐबै याकूब कै नुकसान नै पौऊंचाणा चांव थिया। इथकै बजाए, ऐक बैई हौजौ तैसी दैखेबा सै बैजाए खुशी थिया। इथकै बाद याकूब कनान देश दा शान्ति कै साथै रौआ। तोबै इसहाक मौरे गौआ औरौ याकूब औरौ एसावै तैसी कै दबाए दिया। औरौ कौरार कै वादे जू पौरमेशवरै अब्राहमवारी कौरे राए थिऐ सै ऐबै इसहाक शै याकूब पांदी आए गौवै थिऐ।