18. داود پادشاهیِ تقسیم

داودِ پادشاه۴۰سال سِلطِنِت هاکُردِه. بعد اینکه بُمُردِه، اِ پسر سلیمان به پادشاهی قوم اسرائیل بِرِسّیِه. خدا با سلیمان حرف بِزِاِ و اِ جا بِپُرسیِّه: »مو با چه خوانی تِر هادِمِه؟ « سلیمان، خدا جا حکمت بِخواسِّه. خدا از اونچه که سلیمان بِخواسِّه خله خوشحال بِوِاِ و او رِ داناترین مرد رویِ زمین هاکُردِه. سلیمان خَلِه چیزها یاد بِگِتِه و پادشاه خله عاقلی بِهِ و خدا هِم او رِ خله ثروتمند هاکُردِه.

سلیمان اورشلیم شهر دِلِه معبدی بِساتِه که داود اود رِ برنامه ریزی هاکُردِه و اِ مِصالِح کرد بیوِردِه. از اون به بعد مردم بِتونِسِنه به جای خیمه ملاقات، اونجه خدا رِ عبادِت هاکُنِن و قورونی تقدیم هاکُنِن. خدا معبد دِلِه حاضر بِ اِ و خوش قومِ با زندگی هامکُردِه.

اِمّا سلیمان به زنونی از قوم های دیگه دِل دَوِسِه و اونها رِ خوش زن هاکُردِه. او حدودا۱۰۰۰تا زن بِگتِه وهِنتی بِوِاِ که خدا رِ نافرمونی هاکُردِه. خَلِه از این زِنون از سرزمین بیگانه بِمِنِه و خوش همراه بت هایی داشته برای پرستش. وقتی سلیمان پیر بِوِاِ، خوش زنون بت رِ پرستش هامکُردِه.

همین خاطِر خدا، سُلِیمان دست عصبانی بِوِاِ و او رِ بُگُتِه بخاطر نافرمونی تو برای مجازات، بعد مرگتِو پادشاهیِ اسرائیل رِ دو قسمت هاکومِه.

بعد اینکه سلیمان بُموردِه، به جای او اِ پسر رِحُبعام شاه بِوِاِ. اِ همه مردم جمع بِوِنِه تا او را به پادشاهی قبول هاکُنَن. اونا رِحُبعام پیش شِکایت هاکُردِنِه که سلیمان خَلِه اوشِن با کار مِکِشِه و مجیور بِنِه خَلِه مالیات هادِن. اونا از رحُبعام بِخواسِنِه خوش پرواری سخت گیر نواشه.

ولی رِحُبعام جواب نادونانِه ای اوشِن رِ هدا اِ و بُگُتِه: »شِما فکر هاکُنِنی مه پِر سخت گیری هامکردِه، ولی مو شِما رِ ویشتر به کار کِشِمِه و ویشتر شِما رِ عذاب دِمه.

بعد از اینکه مردم اِ حرف رِ بُشنینه، خِلِه از مردم علیه او شورِش هاکُردِنِه. ده قبیله از قبایل اسرائیل اِ با جدا بِوِنِه. فقط دو تا قبیله به او وفادار بُمونِسنِه و اونا خوشتن رِ پادشاهی یهودا نوم وِشتِنِه.

ده تا قبیله دیگر مردی رِ که اِ نوم یِرُبعام بِ اِ خوش پادشاه بِساتِنِه که قسمت شمالی ساکِن بِنِه و خوشتَن رِ پادشاهی اسرائیل نوم وِشتِنِه.

یِرُبعام خدا رِ اطاعَت مِنِکردِه و باعِث بِوِاِ مردم به طرف گناه بَشِن. او دو تا بت بِساتِه و مردم جا بِخواسِّه تا اونا رِ پرستش هاکُنِن. اونا پرستشِ وِ دیگِه مِنِشنِه اورشَلیم که پادشاه یهودا اونجِه دَوِا.

اسرائیل پادشاه و یهودا پادشاه با هم دشمن بِوِنِه و ویشتَر اوقات با هم مِجِنگینِه.

پادشاهی جدید اسرائیل دِلِه هم پادشاها شرور بِنِه. خَلِه از اونا تِوِسُطِ افرادی که مِخواسِنِه پادشاه بِوِن، کشته بِوِنِه.

همه اون پادشاها و ویشتَر مردم اسرائیل بت ها رِ پرستش هامکُردِنِه. در حال پرستش بت ها، با خراب زِنون مُخوسِنِه و حتی خوش کُت کُتِه رِ بت اِ قورونی هامَکُردِنِه.

پادشاهای یهودا داود نَسلِ بنِه. بعضی ار اوم پادشاها خارِ آدِم بِنِه و با عدالِت حکومت هامِکِردِنِه و خدا رِ پرستش هامکُردِنِه. اما ویشتَر اون پادشاهای یهودا شرور بِنِه. بعضی از اونا حتی خوش کُت کُتِه رِ بت ها وِ قورونی هامکُردِنِه. ویشتَر مردم یهودا بر ضد خدا پاسانِه و خداهای دیگِر را پرستش هامکُردِنِه.