30. عیسی مسیح پنج هزار نَفِرِ خوراک دِنِه.

عیسی رَسولان رِ برای بِشارت و آموزش بِرِسیِه بِه خَلِه روستاها. بعد از وِگِردیِّن، اونا عیسی رِ از کارهایی که هاکِردِه بِنِه آگاه هاکُردِنِه. بعد عیسی اوشِن رِ بُوردِه خلوتِ جا نزدیکی دِریاچه نا یِک کَم اِستراحِت هاکُنِن. بِنابَراین همه بِشِنِ یَک قایِق دِلِه و بِشِن اون وَرِ رودخونِه.

وقتی مردم بِدینِ عیسی و اِ شاگِردون قایق سوار بِوِنِ و اونجِه با دَرِشونِّ، لبِ دِریا شروع هاکُردِنِه دو به دو هاکُردِن تا قبلِ زاونا بَرِسِن اونور دِریا. بِنابراین وقتی که عیسی و اِ شاگِردون بِرِسینِ اونجِه، گروهِ مَهینی از مردم اونجِه چَش به راه اوشِن بِنِه و اوشِن استقبال هاکُردِنِه.

اوشِن تِعداد جز زَنون و کُت کیزه نزدیک پنج هزار مرد بِنِه. عیسی مسیح دل اوشِنِو بِسوتِه، چون اوشِن مثلِ گوسفِندا بی چُپون بِنِه. پس شروع هاکُردِه اوشِن رِ آموزش هِدااِن و اونایی رِکه مِریض بِنِه، شِفا هِدااِ.

شُومِ وقت شاگِردون بِمِنِ عیسی اِ پیش و بُگُتِنِه: »ای اوسّا، مردم رِ بَرِس خوشتن وِ خوراک فِراهِم هاکُنِن، چون این دُور اُفتادِه جا، هیچ چی خوردِن وِپیدا نِوِنِه. «

ولی عیسی خوش شاگِردون بُگُتِه: »شِما خودِتون اُوشِن رِ خوراک هادین. « اونا جِواب هِدانِه: »چِتی بِتومی این جمعیت رِ سِر هاکونیم؟! اِما فقط پنج تا نون و دو تا خوردِ ماهی دامّی. «

عیسی خوش شاگِردون رِ بِفَرماییه به مردم بَ اِ نِ که در گروههای پنجاه نفری سبزه سر بِنشیرِن.

بعد عیسی پنج تا نون و دوتا ماهی رِ دست گته، آسمون رِ هیشییه و اونِ رِبرکت هدااِ.

بَعد اون عیسی نونِها و ماهیها رِ تکه تکه هاکُردِه و اونا رِ هِدااِ خوش شاگِردونِ تا مردِم میون پخش هاکُنِن. شاگِردون مردم رِ خوراک هِدانِه و همه بُخوردِنِه و سِر بِوِنِه، اما هیچی اون خوراکیها با کم مِنِوِاِ.

بعد شاگِردون خوراک بُمُونِسُه رِ جَم هاکُردِنِه وَهِنتی بِوِاِ که دِوازده تا سَبِد پُر بِوِاِ از بقیه پَنچ تا نون و دو تا ماهی.