29. निर्दयी धाँगर केर कहनी

एक दिन, पतरस यीशु के पुछलक, “ए मालिक, मके आपन भाई के कतना धाँव छमा करेक चाही जखन ऊ मर बिरुद्ध पाप करेला? का सात धाँव तक?” यीशु कहलक, “सात धाँव नाहीं, किन्तु सात केर सत्तर धाँव!” इकर दाराय, यीशु केर मतलब आहे कि हामरे के हमेसा छमा करेक चाही। तखन यीशु इ कहनी कइह देलक।

यीशु कहलक, “परमेश्‍वर केर राइज एकटा राजा केर समान आहे जे आपन धाँगर गिला लेक लेखा लेक चाहत रहे। उकर एकटा धाँगर दुइ लाख बछर केर मजदूरी केर एकटा बड़े कर्जा केर कर्जदार रहे।”

किन्तु ऊ धाँगर टा आपन कर्जा के चुकाय नाइ पारलक, सेतेहें राजा कहलक, “इकर कर्जा चुकायेक तेहें इ पुरुस के आर इकर परिबार के धाँगर केर रुप मेहेन बेंइच देवा।”

“उ धाँगर टा राजा केर पासे आपन हेंठुये गिर कहन कहलक, ‘कृपया मर संग धीरज घर, आर मयँ आपन कर्जा केर पूरी रकम केर भुगतान कइर देमु।’ राजा धाँगर उपरे दया करलक, सेतेहें उकर सउब कर्जा के छमा कइर देलक आर उके जाय देलक।”

“किन्तु जखन ऊ धाँगर टा राजा केर पास लेक बाहिर गेलक, तो उके उकर एकटा संगी धाँगर भेंट हलक जे उकर चाइर महीना केर मजदूरी केर कर्जदार रहे। ऊ धाँगर टा आपन संगी धाँगर के धइर लेलक आर कहलक, ‘जे तर उपरे मर कर्जा आहे मके उटाक भुगतान कर!’”

“ऊ संगी धाँगर हेंठुये गिर कहन कहलक, ‘कृपया मर संगे धीरज धरिन, आर मयँ आपन कर्जा केर सउब रकम केर भुगतान कइर देउम।’ किन्तु इकर उलटा, उ धाँगर टा आपन संगी धाँगर के जेहेल घर मेहेन डाइल देलक जखन तक कि ऊ उ कर्जा केर भुगतान नाइ कइर देइ।”

“जे कनअ हय रहे उटा के कुछ दसर धाँगर गिला देखलयँ आर उमन बेजाइन परेशान हलयँ। उमन राजा केर पासे गेलयँ आर उके सउब कुछ के कइह देलयँ।”

“राजा उ धाँगर टाके डाइक कहन कहलक, ‘ए दुस्ट धाँगर, मयँ तर कर्जा के एहे तेहें छमा कइर रहँ काहेकि तयँ मर लेक अर्जी कइर रहिस। तकउ ओसनेइ करेक चाही रहे।’ राजा एतना खिंसाय रहे कि ऊ उ दुस्ट धाँगर के जेहेल घर मेहेन डाइल देलक जखन तक कि ऊ आपन सउब कर्जा केर वापस भुगतान नाइ कइर देइ।”

तखन यीशु कहलक, “मर सरग मेहेन बिराजमान बाप तोहरेक मइध लेक हर एक केर संगे एहे टाइ करी जदि तोहरे आपन भाई के आपन हिरदय लेक छमा नाइ कराला।”