48. यीशुवे परतिंगा करल मसीह हेके

जखन परमेश्‍वर संसार के बनालक तो सभे टा बेस रहे। कनअ पाप नाइ रहे। आदम आर हव्वा एक दसर के प्रेम करत रहयँ, आर उमन परमेश्‍वर लेक प्रेम करत रहयँ। कनअ रोग चाहे मिरतु नाइ रहे। परमेश्‍वर एसनेइ संसार के चाहत रहे।

सयतान साँप केर माध्यम लेक बगइचा मेहेन हव्वा संगे कथा करलक, काहेकि ऊ उके धोखा देक चाहत रहे। तखन हव्वा आर आदम परमेश्‍वर केर बिरुद्ध पाप करलयँ। काहेकि उमन पाप कइर रहयँ सेतेहें पिरथिबी उपरे रहइया सउब लोग गिला मरयलाँ।

काहेकि आदम आर हव्वा पाप कइर रहयँ, सेतेहें कुछ आरोइ बेसी खराब हलक। उमन परमेश्‍वर केर दुस्मन बइन गेलयँ। जेकर परिनाम स्वरुप, तखन लेक हर अदमी पाप कइर आहयँ। हर एक अदमी जनम लेकेइ परमेश्‍वर केर दुस्मन हेकयँ। परमेश्‍वर आर लोग गिलाक मइध मेहेन सान्ति नाइ रहे। किन्तु परमेश्‍वर सान्ति स्थापित करेक चाहत रहे।

परमेश्‍वर परतिंगा करलक कि हव्वा केर एकटा बंसज सयतान केर मुड़ के केंची। ऊ इटाउ कहलक कि सयतान उकर एड़ी के ठटकी। दसर सब्द गिलाय, सयतान मसीह के मराय देइ, किन्तु परमेश्‍वर उके फिन जीयँत कइर देइ। इकर बादे, मसीह सयतान केर सक्ति के हमेसा केर तेहें सिराय देइ। कयो बछर केर बादे, परमेश्‍वर परगट करलक कि ऊ मसीह यीशु हेके।

परमेश्‍वर उ बाढ़ लेक आपन परिबार के बाँचालक जेटा उ पिरथिबी मेहेन लानइया रहे। नूह के एकटा जहाज बनायेक तेहें कहलक कि ऊ इ रकम परमेश्‍वर उ लोग गिला के बाँचालक जे उकर उपरे बिसास करत रहयँ। इ रकम, उमन सउब केर सउब परमेश्‍वर केर दाराय मराय देक लाइक रहयँ काहेकि उमन पाप कइर रहयँ। किन्तु परमेश्‍वर उ सउब के बाँचायेक तेहें यीशु के पइठालक जे उकर उपरे बिसास करयलाँ।

सैकड़ों बछर तक, याजक परमेश्‍वर केर तेहें बलिदान चेढ़ात रहे। इटा दर्सायला कि लोग गिला पाप करलयँ, आर इटा कि उमन परमेश्‍वर केर दाराय दंड देक लाइक रहयँ। किन्तु उ बलिदान उमनेक पाप गिला के छमा नाइ करे पारत रहे। यीशु सउब लेक बड़े महायाजक हेके। ऊ उटा करलक जे केउ याजक नाइ करे पारत रहयँ। ऊ ओहे एकमात्र बलिदान हयेक तेहें खुद के दे देलक जे हर केकर केर पाप गिला के मेटाय पारत रहे। ऊ स्वीकार करलक कि परमेश्‍वर उ सउब केर पाप गिला केर तेहें उके सजा देउक। इ कारन, यीशु सिद्ध महायाजक रहे।

परमेश्‍वर अब्राहम के कहलक, “मयँ तर दाराय संसार केर सउब कुल गिला के आसिरबाद देमु।” यीशु एहे अब्राहम केर बंसज रहे। परमेश्‍वर अब्राहम केर माध्यम लेक सउब कुल गिला के आसिरबाद देला, काहेकि जे यीशु उपरे बिसास करेला परमेश्‍वर उ सउब के पाप लेक बाँचायला। जखन इ लोग गिला यीशु उपरे बिसास करयलाँ, तो परमेश्‍वर उमन के अब्राहम केर बंसज मानेला।

परमेश्‍वर अब्राहम के कहलक कि ऊ आपन निज बेटा के उकर तेहें बलिदान कइर देउक। किन्तु फिन परमेश्‍वर इसहाक केर बदली मेहेन बलि करेक तेहें एकटा भेड़ा छुवा देलक। हामरे सउब आपन पाप गिला केर तेहें मराय देक लाइक रही! किन्तु परमेश्‍वर हामरेक जायगाय मरेक तेहें यीशु के बलिदान केर रुप मेहेन देलक। एहे चलते हामरे यीशु के परमेश्‍वर केर भेड़ा छुवा कहिला।

जखन परमेश्‍वर मिस्र देस मेहेन आखरी बिपइत के भेजलक तो ऊ हर एक इस्राएली परिबार के कहलक कि उमन एकटा भेड़ा छुवा केर बलि करुन। उ भेड़ा छुवा मेहेन कनअ दोस नाइ हयेक चाही। तखन आपन दुवाइर केर चौखट केर उपर आर बगल मेहेन उमन उकर लहू के लगाय रहयँ। तखन परमेश्‍वर उ लहू के देखलक तो ऊ उमनेक घर गिला लेक आघु चइल गेलक आर उमनेक पहिल बेटा गिला के नाइ मरालक। जखन इटा हलक तो परमेश्‍वर इटाके फसह केर परब कहलक।

यीशु फसह केर परब केर एकटा भेड़ा छुवा निहार रहे। ऊ कबउ पाप नाइ करलक, सेतेहें उकर मेहेन कनअ गलत नाइ रहे। ऊ फसह केर परब केर समइये मरलक। जखन केउ यीशु उपरे बिसास करेला, तखन यीशु केर लहू उ अदमी केर पाप गिला केर किमइत चुकायला। इटा एसन आहे जेसन कि परमेश्‍वर उ अदमी केर पास लेक आघु बाइढ़ गेलक, काहेकि ऊ उके दंड नाइ देला।

परमेश्‍वर इस्राएली लोग गिला केर संगे एकटा वाचा बाँधलक, काहेकि उमन एसन लोग रहयँ जेके परमेश्‍वर आपन हयेक तेहें चुइन रहे। किन्तु एधाँव परमेश्‍वर एकटा एसन वाचा बाँइध आहे जे कि सउब केर तेहेंक हेके। जदि कनअए जाइत केर केउ अदमी नावा वाचा के स्वीकार करेला, हले ऊ परमेश्‍वर केर लोग गिला मेहेन शामिल हय जायला। ऊ एसन एहे तेहें करेला काहेकि ऊ यीशु उपरे बिसास करेला।

मूसा एकटा एसन भबिस्यद्बक्ता रहे जे परमेश्‍वर केर बचन के बड़े सामर्थ केर संगे परचार कइर रहे। किन्तु यीशु सउब भबिस्यद्बक्ता गिला मइधे सउब लेक बड़े आहे। ऊ परमेश्‍वर हेके, सेतेहें जे कनअ ऊ करलक आर कहलक उटा परमेश्‍वर केर काम आर बचन रहे। सेतेहें पबित्र-शास्त्र यीशु के परमेश्‍वर केर बचन कहेला।

परमेश्‍वर राजा दाऊद लेक परतिंगा कइर रहे कि राजा केर रुप मेहेन उकर एकटा बंसज परमेश्‍वर केर लोग गिलाय हमेसा केर तेहें सासन करी। यीशु परमेश्‍वर केर बेटा आर मसीह हेके, सेतेहें ऊ राजा दाऊद केर बंसज हेके जे हमेसा केर तेहें राइज करे पारेला।

दाऊद इस्राएल केर राजा रहे, किन्तु यीशु गोटा जगत केर राजा हेके! ऊ फिन आय घुरी आर हमेसा केर तेहें न्याय आर सान्ति केर संगे आपन राइज मेहेन सासन करी।