49. परमेश्‍वर केर नावा वाचा

एकटा सरगदूत एकटा जुवान बेटी छुवा मरियम के कहलक कि ऊ परमेश्‍वर केर बेटा के जनम देइ। ऊ एखन डिंड़ा रहे, किन्तु पबित्रात्मा उकर पासे आलक आर ऊ भारीगात हलक। उकर एकटा बेटा के जनम देलक जेकर नाम ऊ यीशु राखलक। एहे तेहें, यीशु परमेश्‍वर आर मानुस देइयो हेके।

यीशु ढेइरे चमत्कार केर काम गिला के करलक जेटा देखायला कि ऊ परमेश्‍वर हेके। ऊ पानी उपरे चललक आर आँधी के सान्त करलक। ऊ ढेइरे बीमार लोग गिला के चंगा करलक आर ढेइर लोग गिला लेक दुस्टात्मा गिला के बाहरलक। ऊ मरल लोग गिला के जीयँत कइर देलक, आर ऊ पाँचटा पिठा आर दुइटा माछ के पाँच हजार लोग गिला के खियायेक तेहें पर्याप्त खायेक मेहेन परिबर्तित कइर देलक।

यीशु एकटा महान् शिक्षक रहे। जे कनअए ऊ सिखालक, उटा ऊ सिद्धता केर संगे सिखालक। जे ऊ लोग गिला लेक करेक तेहं कहेला उटा उके करेक चाही काहेकि ऊ परमेश्‍वर केर बेटा हेके। उदाहरन केर तेहें, ऊ सिखालक कि तोहरे के दसर लोग गिला के ओहे निहार लेक प्रेम करे केर दरकार आहे जेसन तोहरे खुद के प्रेम कराला।

ऊ इटाउ सिखालक कि तोहरे सउब जिनिस गिला लेक बेसी आर आपन सम्पत्ति लेकउ बेसी परमेश्‍वर के प्रेम करेक चाही।

यीशु कहलक कि संसार मेहेन कनअए चीज के पायेक लेक बेसी बेस आहे परमेश्‍वर केर राइज मेहेन हयेक। उकर राइज मेहेन तोहरे केर समायेक तेहें दरकार आहे कि परमेश्‍वर तोहरे के तोहरेक पाप गिला लेक बाँचाउक।

यीशु कहलक कि थोड़ेक लोग गिला उके ग्रहन करबयँ। परमेश्‍वर उ लोग गिला के बाँचाइ। किन्तु दसर लोग गिला उके ग्रहन नाइ करबयँ। ऊ इटाउ कहलक कि थोड़ेक लोग गिला बेस भूँई केर समान आहयँ, काहेकि उमन यीशु केर बारे बेस खबर के स्वीकार कइर लेन्ला, आर परमेश्‍वर उमन के बाँचायला। किन्तु थोड़ेक लोग गिला डहर केर डाँट भूँई केर समान आहयँ। परमेश्‍वर केर बचन बिहिन केर समान डहरे गिरेला, किन्तु हुआँ कनअए नाइ उगेला। इ लोग गिला यीशु केर बारे मेहेन सन्देस के अस्वीकार कइर देन्ला। उमन उकर राइज मेहेन समायेक लेक इंकार कइर देन्ला।

यीशु सिखालक कि परमेश्‍वर पापी गिला लेक बेजाइन प्रेम करेला। ऊ उमन के छमा करेक चाहेला आर उमन के आपन छुवा-पुता बनायेक चाहेला।

यीशु इटाउ बतालक कि परमेश्‍वर पाप लेक घिरना करेला। काहेकि आदम आर हव्वा पाप करलयँ, सेतेहें उमन केर सउब बंसज गिलाउ पाप करलयँ। इ संसार मेहेन रहइया हर एक झन पाप करेला आर परमेश्‍वर लेक दूर आहे। हर एक झन परमेश्‍वर केर दुस्मन हेके।

किन्तु परमेश्‍वर इ संसार मेहेन रहइया हर एक झन लेक इ निहार लेक प्रेम करलक: ऊ आपन एकेटा बेटा के दे देलक ताकि परनेश्‍वर उमन के दंड ना देउक जे उकर उपरे बिसास करयलाँ। इकर अलावा, उमन उकर संगे हमेसा केर तेहें रहबयँ।

तोहरे मरेक लाइक आहा, काहेकि तोहरे पाप कइर आहा। तोहरे लेक परमेश्‍वर केर खिंसायेक उचिते हेके, इकर अपेछा, ऊ यीशु उपर खिंसाय हलक। ऊ यीशु के क्रूस केर मिरतु दे कहन दंड देलक।

यीशु कबउ पाप नाइ करलक, किन्तु ऊ परमेश्‍वर के उके दंड देक देलक। ऊ मइर जायेक स्वीकार करलक। इ निहार लेक, तोहरेक पाप गिला के आर इ संसार मेहेन रहइया हर एक झन केर पाप गिला के उठाय ले जायेक तेहें ऊ एकटा सिद्ध बलिदान रहे। यीशु खुद के परमेश्‍वर केर तेहें बलिदान कइर देलक, सेतेहें परमेश्‍वर कनअए पाप के, हिआँ तक कि भयंकर पाप गिला कउ छमा करेला।

भलेइ जदि तोहरे ढेइर बेस काम गिला के कराला, हले इकर दाराय परमेश्‍वर तोहरे के नाइ बाँचायला। उकर संगी बनेक तेहें एसन कनअए नेखे जे तोहरे करे पाराला। इकर अपेछा, तोहरे के बिसास करेक आहे कि यीशु परमेश्‍वर केर बेटा हेके, आर ऊ तोहरेक बदली मेहेन क्रूस उपरे मइर गेलक, आर इटाउ कि परमेश्‍वर उके फिन जीयँत कइर देलक। जदि तोहरे इ कथाय बिसास करा, हले परमेश्‍वर तोहरेक पाप गिला के छमा देइ।

परमेश्‍वर उ हर एक झन के बाँचायला जे यीशु उपरे बिसास करेला आर उके आपन परभु स्वीकार करेला। किन्तु ऊ उमन के नाइ बाँचायला जे उकर उपरे बिसास नाइ करयलाँ। इटा कनअ मायने नाइ राखेला कि तोहरे धनी हेका चाहे गरीब हेका, पुरुस हेका चाहे बेटी छुवा, बूढ़ा चाहे जुवान हेका, चाहे तोहरे कहाँ रहाला। परमेश्‍वर तोहरे लेक प्रेम करेला आर चाहेला कि तोहरे यीशु उपरे बिसास करा कि ऊ तोहरे केर संगे बने पारुक।

यीशु तके डाकतेहे कि उकर उपरे बिसास करिन आर बपतिस्मा लेहिन। का तयँ बिसास करिसला कि परमेश्‍वर केर एकेटा बेटा, यीशुवे मसीह हेके? का तयँ बिसास करिसला कि तयँ एकटा पापी हेकिस आर इटा कि तयँ परमेश्‍वर केर दाराय तके दंड देक लाइक आहिस? का तयँ बिसास करिसला कि तोहरेक पाप गिला के मेटायेक तेहें यीशु क्रूस उपरे मरलक?

जदि तयँ यीशु उपरे आर जे ऊ तर तेहें कइर आहे उटाय बिसास करिसला, हले तयँ एकटा मसीही हेकिस! सयतान आपन अंधकार केर राइज मेहेन एधाँव तर उपरे सासन नाइ करेला। एधाँव परमेश्‍वर आपन आलो केर राइज मेहेन तर उपरे सासन करेला। ऊ तके पाप करेक लेक रइक दे आहे, जेटा के तयँ करत रहिस। ऊ तके एकटा नावा, उचित जीबन दे आहे।

जदि तयँ एकटा मसीही हेकिस हले जे यीशु कइर आहे उटाक चलते परमेश्‍वर तर पाप गिला के छमा कइर दे आहे। एधाँव, परमेश्‍वर एकटा दुस्मन केर अपेछा तके एकटा घनिस्ठ संगे मानेला।

जदि तयँ परमेश्‍वर केर संगी हेकिस आर परभु यीशु केर सेवक हेकिस हले तयँ उ कथा गिला केर पालन करे केर हिंछा राखबे जे यीशु तके सिखायला। भलेइ तयँ एकटा मसीही हेकिस, सयतान एखनउ पाप करेक तेहें तर परीछा करी। किन्तु परमेश्‍वर उटा करेला जेटा ऊ कहेला कि ऊ करी। ऊ कहेला कि जदि तयँ आपन पाप गिला के माइन लेबे, हले ऊ तके छमा कइर देइ। ऊ तके पाप केर बिरुद्ध लड़े केर सामर्थ देइ।

परमेश्‍वर तके पारथना करेक आर उकर बचन के पढ़ेक तेहें कहेला। ऊ तके दसर बिसासी गिला केर संगे मिल कहन उकर आराधना करेक तेहेंउ कहेला। तके दसर लोग गिला कउ बतायेक आहे कि ऊ तोहरेक तेहें का कइर आहे। जदि तयँ इ सउब काम गिला के करबे, हले तयँ उकर एकटा पक्‍का संगी बइन जाबे।