18. १८. विभाजि राज्य

धेर वर्ष पाछे, दाउलदके मृत्यु हुईल् ओ ओकर पाछे ओँहाक् छावा सोलोमन इस्राएलमे शासन करे लागल्। परमेश्वर सोलोमनसे बोल्लाँ ओ उहिहे सबसे ज्याडा का चिजके चाह बा कहिके पुँछ्लाँ। सोलोमन ज्ञान बुद्धि मागल् ओ परमेश्वरहे प्रशन्न हुईलाँ ओ उहिहे संसारके सबसे बुद्धिमान मनै बनैलाँ। सोलोमन धेर बाट् सिखल ओ बुद्धिमान न्यायकर्ता बनल् रहे। परमेश्वर उहिहे धेर सम्पन्न फेन बनैलाँ

तब यरुशलेममे, सोलोमन मन्दिर निर्माण कैल जौन ओकर बाबा दाऊद बनैना योजना कैलेरहे ओ ओकर लग् सामान जम्मा कैले रहे।आब मनै परमेश्वरहे पुज्ना ओ भेट् कैना पालके सट्टामे मन्दिरमे बलि डेलाँ। परमेश्वर उहे मन्दिरमे उपथ्ति हँुईँट्। तब परमेश्वर आपन मनैनके साथमे रहलाँ ।

दोसर देशके स्त्रीनहे सोलोमन प्रेम कैल। सोलोमन करिब १,००० जाने स्त्रीन्से विवाह कैल, ओ परमेश्वरके अनाज्ञाकारी हुईल्। यी स्त्री मध्ये धेर जाने अन्य देश से आईल् रहिँट् उहेक मारे आपन साथमे आपन देवता फेन् लेके आईल रहिँट् ओ ओईने पुजा फेन करिँट्। जब सोलोमन बुह्राईल् तब ओईनके देवतानहे फेन् पुजा करे लागल्

परमेश्वर सोलोमन से रिसईलाँ तब ओकर अविश्वासनियताक् कारणसे उहिहे दण्ड स्वरुप परमेश्वर सोलोमनके मृत्यु पश्चात् इस्राएल राष्ट्रहे दुई भागमे विभाजन कैडेना प्रतिज्ञा कैलाँ।

सोलोमनके पाछे ओकर छावा, रहोवाम, इस्राएलके रजवा बनल्। रहोवाम एक मुर्ख मनै रहे। इस्राएल राष्ट्रके सारा मनै उहिहे राज्य अभिषक् करे एक साथ जम्मा हुईलाँ। ओईने रहोवामहे सोलोमन राजा धेर मिहिनेट् करे लगैलक् ओ धेर कर तिरे लगैलक् गुनासो कैलाँ।

रहोवाम ओईनहे मुर्खता जवाफ डेहलर, “मोरीक बाबा कडा परिश्रम करे लगैलक् कहिके टुहर् सोँचले बटो, तर मै टुहरिनहे ओँहाँसे फेन ज्यादा परिश्रम करे लगैबुँ ओ ओँहाँ से ज्यादा सजाय डेबुँ।”

इस्राएल राज्यके कुल मध्ये से दश कुल रहोवामके विरुद्धमे विद«ोह कैलाँ। खालिस् दुई कुल किल ओईन ओर विश्वास योग्य हुईलाँ। यी हे दुई कुल किल यहुदाके राष्ट्र हुईलाँ।

रहोकामके विरुद्धमे विद«ोह कैलक् इस्राएलके, आकुर दश कुल, यरोबाम नाउँ कैलक् एक जाने मनैयाँहे आपन रजवा हुईक् लगे नियुक्त कैलाँ। ओईने आपन राज्य देशके उत्तर ओरके भागके खडा कैला ओ ओँहोँर इस्राएलके राज्य कहलाँ।

यरोबाम परमेश्वरके विरुद्धमे विद«ोह कैल् ओ मनैहे पाप करे लगाईल्। यहुदाके राज्यमे हुईलक् मन्दिर मे जाके परमेश्वरके आराधना करक् छोरके झन यरोबाम मनैनके लग् आराधना कैना दुईठो मुर्ति बनाडेहल्।

यहुदा ओ इस्राएलके राज्यमे दुश्मन हुईल् ओ घुबुरघुबुर एक दोसरके विरुद्धमे लराई कैल कैलाँ।

इस्राएलके लावा राज्यमे, सक्कु राजान्के दुष्ट रहिँट्। यी रजवान मनसे धेर जाने आकुर इस्राएलीनद्धारा मार गैलाँ जे ओईनके ठाउँमे रजवा बनक् लग् रहिँट्।

इस्राएल राज्यके सक्कु रजवान ओ धेर मनै मर्ति पुजा कैलाँ। ओईन के मुर्ति पुजाके काममे प्रयाँ धेर जैसिन व्यभिचार ओ कबोकबो टे बाल बलि फेन सामेल कैलाँ।

यहुदाके रजवान् दाऊदके सन्तान रहिँट्। यी रजवान् मनसे क्यो क्यो असल मनै फेन रहिँट्। जे चाहिँ न्यायपुर्वक राज्य कैलाँ ओ परमेश्वरहे पुजलाँ। तर यहुदाके धेर जैसिन रजवान् दुष्ट ओ भ्रष्ट रहिँट् तब ओईने फेन मुर्तिपुजा करिँट्। क्यो क्यो रजवानके टे झँुठ् देवतानके लग् आपन बालबच्चानके समेट् बलि डेलाँ। यहुदाके धेर जैसिन मनै फेन परमेश्वरके विरुद्धमे विद«ोह कैलाँ ओ दोसर देवतानके पुजाकैलाँ।