19. १९. अगमवक्तानके

इस्राएलीनके इतिहास भर, परमेश्वर ओईनके ठन् अगमवक्ता पठैलाँ। अगमवक्तानके परमेश्वर से सन्देश सुनिँट् ओ ओँहाँक सन्देश लैजाके मनैन बटाँईँट्।

आहाब रजवा इस्राएलमे शासन कैलके बेलामे एलिया एक अगमवक्ता रहे। आहाब एक दुष्ट मनै रहे जे चाहिँ मनैनहे बाल नाउँ कैलक देवतानके मुर्तिपुजा कैना प्रोत्साहन कैना काम करे। एलिया आहाबहे कहलाँ, “मोरीक वचन विना यी सारा इस्राएलके राज्य भर न टे शित परि ना टे पानी परि।” असिन सुनके आहाब धेर क्रोधित र्हुलस्।

परमेश्वर एलियाहे आहाबसे बचक लग् नुके उजाड स्थानमे एकठो खोल्ह्वा हुईलक् ठाउँमे नुके जा कहिके कहलाँ, जे चाहिँ उहिहे मार लग् रहिस्। हरेक बिहान ओ हरेक दिन बुरुवा, कौवा उहिहे राटी ओ मासु लानडेहे।आहाब ओ ओकर सैनिक एलियाके खोजी कैला तर ओइृन कहुँ फेन भेटाई नै सेकलाँ। ओँहाँमे अट्ना झुराईल रहे कि ओँहाँमे रलक खोल्ह्वा फेन अन्तमे झुरागैल।

उहेक मारे एलिया छिमेकी देशमे गईल्। उहे देशमे एकजाने विधवा ओकर छावा अनिकालके कारण ओईनक् घरेमे खैना चिज ओराईल रहिन। तर उहे बेलामे ओईने हेचाह कैना ओ एलियाहे खवईलाँ, ओ परमेश्वर ओईनके लग् जुराडेलाँ। ओईनके खोँढवामनिक् (आह्री) पिठा ओ भुरकीमनिक् (ढुङ्गग्रो) तेल कबो देखाली नैहुईल्। अनिकालके पुरा समयभर ओईन्के खैना चिज नैओरैलिन्। यलिया ओँहाँमे कुछ वर्ष टक् बैठल्।

सारे तीन वर्ष पाछे, परमेश्वर यलियाहे इस्राएलके राज्यमे घुमके जाई ओ आहाबसे बाट्चिट् करे कहलाँ, काकरे कि ओँहाँ फेनसे वर्षा पठाईक् लग् रहिँट्। जब आहाब यलियाहे डेखल, तब उ कहल, “टुँ हिँ हो यी सक्कु समस्या नन्ना मनै

इस्राएल राज्यके सारा मनै, ओ बालके ४५०जाने अगमवक्ता समेट् लेके कर्मेल परवटवामे सक्कु जाने अईलाँ। एलिया सक्कु मनैनहे कहल, टुहरे कहिया लग् आपन मन बडली कैले रबो ? यदि याहावे परमेश्वर बटाँ कलेसे, ओँहाँक सेवा करो।

तब एलिया बालके अगमवक्तानहे कहलाँ, “एकठो सँरवा मार ओ उहिहे बलिके रुपमे तयार कर, तर उहिहे आगी से जिन जरायो। मै फेन् अस्टे कैबुँ। जौन परमेश्वर अपनेँहेँ आगीसे जवाफ डिँहिँ, उहे परमेश्वर सत्य परमेश्वर रहिँहिँ। उहेक मारे बालके पुजाहारीन्के बलि तयार कैलाँ तर आगी चाहिँ नैलगैलाँ।

तब बालके अगमवक्तान् अइसिक् कहिके प्रार्थना कैलाँ, “हे बाल, हम्रहिन सुनो

दिनके अन्तिम ओर, एलिया परमेश्वर लग् एकठो बलि तयार कैलाँ। तब मनैनहे बाह्र भारी भारी गग्रीक पानी नानके बलि डेनाके उप्पर ओ काठी ओ भुँइयाँ कुलिवर वेदीमे सक्कु ओर पानीसे सरोवर कैला डरलाँ।

तब एलिया प्रार्थना कैल, “याहोवे अब्राहम, इसहाक ओ याकुबके परमेश्वर, आझ हमारीक परमेश्वर अपनी इस्राएलके परमेश्वर हुई ओ मै अपनीक दास हुँ कहिके डेखाडी महिँहे जवाफ डि टाकि यी मनै यी बाट् जाने सेकिँट् कि सिरपि अपनी किल एक मात्र सत्य परमेश्वर हुई।”

तब बड्रीमनसे तुरुन्ते आगी आईल ओ बलि, बलिजरैना काठी,ढुङ्गा, माटी ओ वेदीक आँजर पाँजर रलक पानी कुल सब जरगैल।जब यी सब मनै डेख्लाँ, ओईने भुँइँयाँमे लिहरलाँ ओ कहलाँ, “याहोवे परमेश्वर बटाँ

तब एलिया कहल, “ बालके अगमवक्तान्हे क्यो फेन भागे जिन डेहो

तब एलिया राजा आहाब हे कहल, “अब्य तुरुन्ते शहरमे घुमके चला जाऊ, काकरे कि पानी वर्षे जाईटा।” एकघचिक् पाछे बड्री करिया होके आईल, भारी पानी परे लागल। याहोवे खडेरीके अन्त्य कै डेलाँ ओ ओँहाँ किल एक सत्य परमेश्वर हुँइँट् कहिके प्रमाणि कैलाँ।

एलियाके समयक् पाछे, परमेश्वर एलिशा नाउँ कैलक् मनैहे ओँहाँ ह.अगमवक्ताक् रुपमे छन्लाँ। परमेश्वर एलिशाद्धारा धेर धेर आश्चार्यकर्म कैलाँ। उ मध्ये एकठो आश्चार्यकर्म नामानके ठने हुईलस्, जौन शत्रुन्के एक सैन्य उच्चअकिारी रहे ओ एकठो डरलग्टीक् छालाके रोगसे ग्रस्ट रहे। उ एलिशाक् बारेमे सुन्ले रहे, ओकर ठन् जाके महिँहे निको कैडेओ कहिके अनुरोध कैल्। एलिशा नामानहे सात चो आपन आपहे यर्दन लडियामे बुराई कहल्।

पहिले टे नामान रिसाईल रहे ओ ऐसिन कैना मन नैकैले रहे काकरे कि यी टे एक मुर्खटा जैसिन बिल्गाए। तर पाछे उ आपन मन परिवर्तन कैल ओ आपन आपहे सात चो यर्दन लदिया बुराईल। जब अन्तिम चो बाहर आईल, ओकर छालाक् पुर्णरुपमे चोखाईल रहिस्।

परमेश्वर आकुर आउर्र धेर अगमवक्तान्हे पठाईलाँ। ओईने सक्कु मनैन हे मुर्तिपुजा करे छोरना ओ आउर्र जनहन्के न्याय ओ दया डेखाईक लग आग्रह कैलाँ। अगमवक्तान्के मनैनहे यदि ओईने दुष्ट काम करे नैछोरहिँ ओ परमेश्वरके आज्ञा नै मनहिँ कलेसे, परमेश्वर ओईनहे दोषी ठहराके, ओ ओईन्हे दण्ड डेना चेतावानी डेलाँ।

प्रयः धेर जैसिन समयमे, मनैन्के परमेश्वरहे नैसुन्लाँ। ओईने प्रयः अगमवक्तानके दुरव्यवहार कैलाँ ओ कबोकबो टे ओईने अगमवक्तानहे मरलाँ फेन्। एकचा, यर्मिया अगमवक्ताहे सुखाईल कुँवाँमे डरले रहिँट् ओ मुँवाँक् लग् ओँहाँमे छोरले रहिँट्। उहे कुँवाँक् पिढेमे रलक हिलामे गहजल् रहिँट्, तर रजवा ओँहकारमे दया डेखईलाँ ओ आपन नोकरहे यर्मिया मुँनासे आघे कुँवाँसे किकारे लगैलाँ।

मनैन्के अगमवक्तान्हे घृणा कैलेसे फेन ओईने परमेश्वरके लग् बोलल् कैलाँ। पश्चाताप नैकैले से परमेश्वर मनैनहे नाश कैहिँ कहिके ओईने मनैनहे परमेश्वरके मसिह अईहिँ कहिके परमेश्वरके प्रतिज्ञाक् बारेम् सम्झना करैलाँ। बाइबलके कथा ः १ राजा १६ः २ राजा ५ः यर्मिया ३८ से