20. २०. निर्वासन ओ फिर्टा

इस्राएलके राज्य ओ यहुदाके राज्य, डुनु परमेश्वरके विरुद्धमे पाप कैलाँ। परमेश्वर ओईनसे सिने पर्वटवामे कैलाक् करार ओईने भंगा कैलाँ। परमेश्वर ओईनहे पश्चाताप करे ओ पुनः ओँहाँहे पुजना कहिके चेतावनी डेहक् लग् आपन अगमवक्तानहे पठैलाँ, तर ओईने आज्ञाकारी हुईना ईन्कार कैलाँ।

उहेक मारे परमेश्वर डुनु राज्यहे ओईनके शत्रुन्द्धारा नष्ट हुईना डेकके ओईन्हे दण्ड डेलाँ। एक शक्तिशाली ओ क्रुरुर अश्शुरी साम्राज्यके इस्राएलहे राज्य ध्वस्त पारल्। अश्शुरीन्के इस्राएल राष्ट्रके धेर मनैन हे मरलाँ, ओईनके बहुमुल्य सक्कु सामान लै गैलाँ, ओ देशके धेर भागहे जराडेलाँ।

अश्शुरीनके सक्कु अगुवानहे, धनी मनैन, ओ सीप हुईलक मनैन् जम्मा कैके ओ ओईनहे अश्शुरीनके देशमे लै गैलाँ । सिरिफ नै मरलक् ओ धेर गरिब इस्राएलीन किल इस्राएलके राज्यमे बाँकी रहिँट्।

तब अश्शुरीनके इस्राएलीनके राज्यमे विदेशीनहे नानके बैठैलाँ। भटाभुँङ्ग हुईलक शहर विदेशीनके पुनः निर्माण कैलाँ,इस्राएलीनसे विवाह कैलाँ, जटना ओँहाँमे छुटल् रहिँट्। विदेशीनहे विवाह कैलक इस्राएलीनके सन्तानहे “सामरी” कहिके नाउँ पैलाँ।

यहुदाक मनै परमेश्वरमे विश्वास नै कैलक् हो ओँहाँक् आज्ञाकारी नै हुईलक् ओरसे कैसिक् ओँहाँ इस्राएलके राज्यहे दण्ड डेलाँ कहिके डेख्लाँ। तथापी ओईने अभिन कनानी देवतानके मुर्ति पुज्लाँ। परमेश्वर ओईनहे चेतावनी डेहे अगमवक्तान् पठैलाँ, तर ओईने सुन्न इन्कार कैलाँ।

अश्शुरीनके इस्राएलहे नष्ट कैलक् १०० वर्ष पाछे परमेश्वर बेबिलोनके राजा, नबुकदनेसरहे यहुदाके राज्यमे आक्रमण करे पठैलाँ। बेबिलोन एक शक्तिशाली साम्राज्य रहे। यहुदाक् रजवा नबुकदनेसरके दास बन्न ओ हरेक वर्षमे उहिहे धेर पैसा डेना सहमत हुईल्।

कुछ वर्षक पाछे यहुदाके रजवा बेबिलोनके विरुद्धधमे विद«ोह कैल। उहेक मारे फेन से बेबिलोनमे अईलाँ ओ यहुदाके राज्यमे आक्रमण कैलाँ। ओईने यरुसलेमके शहर कब्जा कैलाँ, मन्दिर भह्रह्वा डेलाँ तब शहर ओ मन्दिरमे रलक सक्कु सम्पति लैगैलाँ।

विद«ोह कैलक कारण यहुदाके रजवाहे दण्ड स्वरुप नबुकदनेसरके सिपाहीन ओकर छावा ओकरे आघे मारडेलाँ ओ उहिहे अँधर बनाडेलाँ। ओकर पाछे, ओईने रजवाहे झ्याल खानामे मारक लग् बेबिलोनमे लै गैलाँ।

नबुदनेसर ओ ओकर फौज बाली लगाईक् लग् गरीब से गरीबन् बाहेक् यहुदाके राज्यके प्रायःसक्कु मनैनहे बेबिलोनमे लै गैलाँ। समयके यी अवधी जहाँ परमेश्वरके मनै प्रतिज्ञाके मुलुक छोरना बाध्य हुईलाँ, यीहिहे निर्वासन कहलक् हो।

परमेश्वर मनैनहे ओईनके पापके कारण निर्वासनमे डुस् लै जाके दण्ड डेलेसे फेन् परमेश्वर ओईनहे आपन प्रतिज्ञाहे नै बिस्रईले रहिँट्। परमेश्वर निरन्तररुपमे अगमवक्ताद्धारा आपन मनैनहे रेखदेख कैना ओ बोल्ना काम जारी कैले रहिँट्। सत्तरी वर्ष पाछे ओईने फेन् प्रतिज्ञाके मुलुक घुमके अईहिँ कहिके ओँहाँ प्रतिज्ञा कैलाँ।

करीब सत्तरी वर्ष पाछे फारसीनके रजवा, कोरेस बेबिलोनहे परास्त कैल, उहेक मारे फारसी साम्राज्य बेबिलोनी साम्राज्यहे प्रतिस्थापित कैल्। आब इस्राएलीनहे यहुदी कहिके कहिँट् ओ ओईन मध्यसे धेर जैसिन आपन सारा जीवन बेबिलोनमे बिटैले रहिँट्। धेर ठोर बुह्वानहे यहुदीहे किल यहुदाके मुलुकके याद रहिँन्।

फारसी साम्राज्य एक शक्तिशाली साम्राज्य रहे तर ओईने कब्जा कैलक् मनैन ओर कृपालु रहिँट्। कोरेस फारसीनके रजवा हुईलक् ओरसे कुछ समयके पाछे, उ चाहा जौन यहुदीन यहुदा घुमके जाई चाहा टा कलेसे फारसी साम्राज्य छोरके उहुदा घुमके जाई सेक्ना आदेश जारी कैडेलाँ। उ ओईनहे मन्दिर पुनःनिर्माण कैना रुपैसा–पैसा कुल डेलाँ।

जब मनैनके यरुसलेममे अईलाँ, ओईने मन्दिर ओ शहरके चारुओर डिवालके पुननिर्माण कैलाँ। ओईनमे अभिन टक् दोसर जाने राज्य शासन कैले रहिँन टब्बो पर फेन्, एकचो पुनः ओईने प्रतिज्ञाके मुलुकमे बैठ्ना ओ उहे मन्दिरमे आराधना करे पैलाँ।