22. २२. युहन्नाके जलम्

विगतमे, परमेश्वर आपन मनैसे आपन स्वर्गदुत ओ अगमवक्तानके माध्येमसे बोल्ना काम कैलाँ। तर ४०० वर्ष टक् ओँहाँ ओईन से बोल्लाँ काम नै कैलाँ। अचानक एक स्वर्गदुत जकरिया नाउँ कैलक् एकजाने पुजाहारीक ठन् परमेश्वरके सन्देश लेके अईलाँ। जकरिया ओ ओकर जन्नी एलिशिबा, परमेश्वरके भक्ति मनै रहिँट्, ओईने एकठो फेन सन्तान नै हुईल् रहिन्।

उहे स्वर्गदुत जकरियाहे कहलाँ, “टुहारीक जन्नीक् ओरसे एकठो छावा हुई। टुहरे ओकर नाउँ युहन्ना डैहो। एलिशिबा पवित्र आत्मासे भरजैहिँ, ओ मसिहके लगे डग्गर तयार कना रहि।

स्वर्गदुत जकरियाहे जवाफ डेलाँ, “मै परमेश्वर से टुहार ठन् यी खुशीके समाचार सुनाईक लग् पठैलक् हुँ। टुँ महिँहे विश्वास नैकैलक कारणसे बालख जबटक् जलम नै लि तब टके टुँ बोले नैसेक्ना हुईबो।” तब तुरुन्ते जकरिया नै बोले लागल्। तब उहे स्वर्गदुत जकरियासे छोरके चलागैलाँ। तत् पश्चात जकरिया आपन घर घुम्के चलाईल्, ओ ओकर जन्नी भारी जीउक हुईलिन्।

जब एलिशिबा गर्भवती हुईलक् छ महिना हुईल रहिन्, उहे स्वर्गदुत अचानक एलिशिबाके नाटेडारके ठन् देखा परलाँ, जेकर नाउँ मरियम रहिन। उ एक कन्या रहिन् जेकर योसेफ नाउँ कैलक् मनैयासँगे मगनी हुईल् रहिन्। स्वर्गदुत कहलाँ, “टुँ गर्भवती हुईबो ओ एकठो छावा पैबो। टुँ ओँहाँकार नाउँ येशू ढैबो। ओँहाँ परम–प्रधान परमेश्वरके पुत्र रहिँहिँ ओ सदा–सर्वदा राज्य कर्हिँ।”

मरियम जवाफ डेलिन्, “यी कैसिक हुई सेकी, जबकी मै टे एक कन्या हुँ ?” स्वर्गदुत कहलाँ, “टोहारमे पवित्र आत्मा अईहिँ, ओ पवित्र आत्मक शक्तिके छायाँके टोहार उप्पर परी। उहेक मारे उ बालख पवित्र परमेश्वरके पुत्र रहिँहिँ।।” मरियम स्वर्गदुतके कहल बाट्मे विश्वासकैलिन ओ यीहिहे स्वीकार कैलिन्।

मरियम स्वर्गदुतसे बाट्चिट् कैलक् कुट समय पाछ्े मरियम एलिशिबाक ठन् भेट करे गैलिन्। एलिशिबा मरियमके अभिवादन सुन्टी किल्, ओँहँकार पेट भित्तरके बालख उल्रल्। परमेश्वर ओईनके लग् कैडेलक् काममे दुनु स्त्री रमाईलाँ। एलिशिबाक ठन् तीन महिना टक् बैठके, तब मरियम आपन घर अईलिन्।

एलिशिबा जब बालख जलमैलिन तब पाछे, स्वर्गदुतके कहल आज्ञा बमोजिम जकरिया ओ एलिशिबा ओकर नाउँ युहन्न डैलाँ। तब फेनसे परमेश्वर जकरियाहे बोले सेक्ना बनाडेलाँ। जकरिया कहलाँ, “परमेश्वरके प्रशंसा होये, काकरे कि ओँहाँ आपन मनैन हे सम्झले बटाँ।