25. २५.शैतान द्धारा येशूके परिक्षा

जब येशूक् बप्तिस्मा ह लेके सेक्लाँ, तब तुरुन्ते पवित्र आत्माद्धारासे उज्जार सुसान ठाउँ ओर लैजा गैलाँ, ओ उहे ठाउँमे येशू चालिस दिन ओ चालिस रात टके उपवास बैठ्लाँ। जब उपवास ओरैलिन् शैतान येशूक्ठन् आईल ओ उहाँहे पापमे फँसाईक् लग् परिक्षा कैलस्।

शैतान ऐसिक् कहिके येशूहे परिक्षा कैलस्, “यदि अप्नी परमेश्वरके छावब हुई कलेसे यी ढुङ्गाहे रोटीमे बड्ली कैडी ताकि अप्नी खाई सेक्बी।

येशू शैतानहे जवाफ डेलाँ, “परमेश्वरके वचनमे ऐसिक् लिखल् बा, मनै बाँचक् लग् केवल रोटीसे किल् नैहो, तर हरेक परमेश्वरके वचनसे बँच्ठाँ।

ओकर बाड शैतान येशूह्े मन्दिरके सबसे ढेँगमे लैजाके कहल्, “यदि अप्नी परमेश्वरको छावा हुई कलेसे, यहाँमन्से कुडुक् जाई, काकरे कि लिखल बा, परमेश्वर अप्नीक् बिषयमे अपने दुतन् हे आज्ञा कैहिँ, नैटे अप्नीक् गोरामे पठरासे चोट् लागी कहिके ओईने अपन् हातमे उठैहिँ।

तर येशू शैतानहे फेने वचनसे नै जवाफ डेलाँ, येशू कहलाँ, परमेश्वरके वचनमे ओहाँ अपन् मनैन् आज्ञा कैहिँ कि, परमप्रभु अपने परमेशश्वर परिक्षा जिन करो। ”

ओकर बाड शैतान येशूहे सारा संसारके राज्य वैभव ओ अ‍ोकर सारा महिमा डेखाके कहल्, “यदि अप्नी निहुँरके महिँहे ढोग लग्नी कलेसे मै यी सारा चिज अप्नीन् हे डैडेबुँ ”

येशू जवाफ डेलाँ, “ ए शैतान

येशू शैतानके परिक्षामे अपनेहेँ समर्पण नै कैलाँ, उहेक् मारे शैतान येशुहे छोरके चलागैलस्। तब स्वर्गदुत आके येशूके स्याहार कैलाँ।