26. २६. येशू आपन सेवाकाई शुरु कैलाँ

शैतानके परिक्षामे विजय हुईलाँ तब पाछे,येशू पवित्र आत्माके शक्तिमे गालिल प्रान्तमे चलैईलाँ। जहाँमे ओँहाँ बैठिँट्। येशू एक ठाउँसे डोसर ठाउँ सिखैटी गैलाँ। सक्कु जाने ओँहाँक बारेमे मजा किल बोलिँट्।

येशू नासरतके गाउँमे गैलाँ, जहाँ ओँहाँ आपन बालखके समय बिटैले रहिँट्। शबाथके दिनमे ओँहाँ आराधना कैना स्थानमे गैलाँ। मनैनके परह्क् लग् ओँहाँक हातमे यशैया अगमवक्ताके लिखल पत्र डेलाँ येशू पत्र खोल्लाँ ओ ओकर एक भाग मनैनके लग् परह्डेलाँ।

येशू कहलाँ, “परमेश्वर के आत्मा मोरीक उप्पर बा, काकरे कि गरिबनहे सुसमाचार सुनाईक् लग् ओँहाँ महिहे अभिषेक कैले बटाँ टुटल् मनहे निको पारक् लग्, कैदीनहे छुटकारा डेहे, आँधर हे दृष्टि डेहे, थिचोमिचामे रलक्हे छुटकारा डेहे ओ प्रभुके ग्रहणयोग्य वर्षाके प्रचार करक् लग् ओँहाँ महिहे पठैले बटाँ।”

तब येशू टरे बैठ्लाँ। सक्कु जनहनके आँख ओँहाँमे अँट्कल रहे। ओईनहे पटा रहिन, कि ओँहाँ मक्खरे पढलक् खण्ड मसिहके बारेमे कहल रहे। येशू कहलाँ, “पवित्र शास्त्र यी वचन आझ टुहरिनके सुनाईमे पुरा हुईल बा।” सक्कु मनैनके चकित परलाँ। “का यी योसेफके छावा नै हुईट् का ?” ओईने कहलाँ।

तब येशू कहलाँ, “मै टुहरिनहे सत्य कहटुँ, कौनो फेन् भविष्यवक्ताहे आपन देशमे ग्रहणयोग्य नै हुईठाँ।”यलियाके समयमे, इस्राएलमे धेर खाली विधुवा रहिँट्। तर जब सारे तीन वर्ष टक् पानी नै आईल्, परमेश्वर एलियाहे इस्राइलमे रलक् विधवाहे सहायता करे नै पठैलाँ, बरटुन अन्य राष्ट्रके विधवाक् ठन् पठैलाँ।

येशू कहटी गैलाँ, “तब एलिशा अगमवक्ताके समयमे, छालामे रोगी रलक धेर मनै इस्राएलमे रहिँट्। तर एलिशा केहुहे फेन ओईनहे निके नै कैलाँ। एलिशा केवल इस्राएलमे रलक् नामानके छालाक् रोग किल निको कैलाँ।” येशूहे सुन्ना मनै खालीस यहुदीन किल रहिँट्। उहेक मारे जब ओईने ओँहाँ हे अईसिक कहलक् सुन्लाँ, ओईने ओँहाँ प्रति रिसक् मारे चकनाचुर हुईल रहिँट्।

नासरतके मनैनहे येशूहे आराधनाके स्थानसे घिँस्याईटी बाहर निकारलाँ ओ डम्मरियाक ढिकवामे लैजाके ओँहाँहे गिराके मारे खोजटिहिँट्। तर येशू मनैनके भीरके बिच्चेमसे निकरलाँ ओ नासरत छोरडेलाा।

तब पाछे येशू गालीलके प्रान्तमे गैलाँ, तब मनैनके महा भीड ओँहाँक् ठन् अईलाँ। ओईने धेर मनैनहे नन्लाँ ओईने रोगी अथवा लङ्गग्राान्के रहिँट्, जहाँ ओईनके फेन सामेल रहिँट् जे देखे नै सेके, नेँगे नेसेके वा बोले नैसे किँट्, तब येशु ओईन्हे निको कै डेलाँ।

धेर भुतात्मा लागल मनैनहे येशूक् ठन् लन्लाँ। येशूके आज्ञामे, ओईसिन भुतात्माके मनैनसे निकरके गैलाँ,तब ओईने अक्सर अईसिक् कहिके चिल्लाँईट्, “अप्नी परमेश्वरके पेत्र हुईटी ”

ओकर पाछे येशू बाह्र जाने मनैनहे छन्लाँ जिहिहे ओँहाँक चेलान् कहिके बलैलाँ यी चेलानके येशूक साथमे नेँगना ओ ओँहाँ से सिखिँट्।