27. २७. असल सामरीके कथा

एकदिन, यहुदी व्यवस्थाके निपुर्ण एकजाने गुरु येशूक ठन् ओँहाँक परिक्षा लेहक् लग् अईसिक् कहिके आईल, “गुरुज्यू अनन्त जीवनके हकदार हुईक् लग मै का करुँ ?” येशू जवाफ डेलाँ, “परमेश्वरके व्यवस्थामे का लिखल बा ?”

उहे व्यवस्थाके निपुर्ण मनैनहे परमेश्वरके व्यवस्थाहे अईसिक कहठ् कहिके जवाफ डेलाँ, “टुहरे पुमप्रभु आपन परमेश्वरहे आपन सारा ह्रदयसे, आपन सारा प्राणसे, सारा शक्तिसे ओ आपन समझसे प्रेम करो ओ आपन छिमेकीनहे आपन आपहे जैसिन प्रेम करो।” येशू जवाफ डेलाँ, टुँ ठिक कलो

तर उ व्यवस्थाके निपुर्ण मनै आपन आपहे धर्मि बनाई चाह टेहे, उहेक मारे फेनसे पुँछल्, “मोरीक् छिमेकी के हो ?”

येशू उ मनैयाँहे कठो कथा कहिके जवाफ डेलाँ, “एकजाने यहुदी मनै यरुशलेमके डग्गर होके यरिहोओर जाईट रहे।”

“यात्रा कैटी–कैटी, उ मनैयाँहे डाँकुनके एक समुह आके लुट्लिस्। ओईने ओकर रलक सक्कु चिज लैगैलिस् ओ उहिहे मन्के पिट्लिस ओ अरघटहा कैके छोरडेलिस्। तब पाछे ओईने उ मनैयाँहे छोरके ओँहाँसे चलागैलाँ।”

“एबघचिक् पाछे, संयोगबश एक जाने यहुदी पुजाहारी फेन उहे डग्गर होके जैटि रहे। जब यी धार्मिक अगुवा उहे लुटुवा पैलक् ओ अरघटाहा हुईल मनैयाँहे डेखल्, उ डग्गरक् ओँहँपार गैल् ओ उ मनैयाँसे खरक्के, अपन् डग्गर लागल् ओ चलागैल्।”

“ओकर एक घचिक् पाछे, एकजाने लेवी फेन् उहे डग्गर हो के अईलस्। –(लेवीनके यहुदीनके एक कुल रहिँट् जे, मन्दिरके पुजाहारीनहे सहायता करिँट् )। उ लेवी फेन् डग्गरके डोसर पाँजर चालागैल् ओ उहे लुटुवा पउईयाहे ओ अरघटाहा हुईले मनैयाँहे कौनो वास्ता नै कैल्।”

“उहे डग्गर् हो के जैना डोसर व्यक्ति एकजाने सामरी रहे। (सामरीनके यहुदीनके ओईसिन सन्तान हुँइँट्, जौ डोसर राष्ट्रके मनैनसे भोज कैले रहिँट्। सामरीनहे यहुदीनके एक डोस्रामे घृणा करिँट् )। तर जब उहे सामरी यहुदीहे मनैयाँहे डेखल, ओकर मन दयाके भावके ह्रदय अईल् ि। उहेक मारे उहे यहुदी प्रति साहनुभति डेखाईल् ओ ओकर घाउमे मलहम् पट्टी लगाडेहल्।”

“तब उहे सामरी यहुदीहे अपन् गड्हाक् उप्पर चौँह््राईल ओ लेके गईल् , तब डग्गरके पाँजर एक पौवामे उहिहे लैजाके उहे सामरी ओकर स्याहार कैलस्।”

“डोसर दिन, उहे सामरीहे डुस् जैना रहिस् उहेक मारे अपन् यात्रा लगाटार नेँगना रहिस्। उ ओँहाँक् पौवाके मालिकहे कुछ पैसा डेहल् ओ कहल्।”एकर ख्याल कैहो, ओ यदि टुहिनहे यी से ज्यादा खर्च लागी कलेसे, मै घुम्के आईबेर, लागल खर्च टिरडेम्।

ओकर पाछे येशू व्यवस्थाके उ निपुर्ण व्यक्तिहे पुँछ्लाँ, “टुहिन कैसिन लागल् ? उ मध्ये कौन चाहिँ उहे लुटुवा पउईया ओ अर्रघटहा हुईलक् मनैयाँक् छिमेकी हो ?” उ जवाफ डेहल, “उहे, जे ओकर प्रति दया डेखाईल्। ” येशू उहिहे कहलाँ, टुँ फेन् जाऊ ओ ओस्टे करो।”