46. ४६.पावल विश्वासी बन्लाँ

शाऊल जवान मनै रहे जे स्तिफनहे मरना मनैनके वस्त्र हेरचाह कैना रहे। उ येशूमे विश्वास नै कैले रहे, उहे कारणसे शाउल विश्वासीनहे सटैना करे शाउल यरुशलेमके घर–घरमे जाके पुरुष ओ स्त्रीन् सक्कु जनहनमे पकरके झ्यालखनामे डारिँट्। प्रधान–पुजाहारी शाऊलहे दमस्कसके शहरमे जाके ख्रष्टियानहे पकरके ओईन यरुशलेममे घुमाके लन्ना स्वीकृति डेले रहिँट्।

जब शाऊल दमस्कस ओर जैटि रहिँट्, स्वर्गसे एकठो ओज्रार ज्योति शाऊलके चारु ओर चम्कल, तब शाऊल भुँईयम गिरलाँ। शाऊलहे अईसिक कहलक आवाज सुन्लाँ, “शाऊल

शाऊल जब उठलाँ, तब डेके नै सेके लग्लाँ। ओँहाँकार संघरियानके उहिनहे हाँठ पकरके दमस्कस टक् डोर्याके लैगैलाँ। शाऊल तीन दिन टक् नटे खाना खैलाँ नटे पानी पिलाँ।

दमस्कसमे हननियाँ नाउँ कैलक् एक चेला रहिँट्। परमेश्वर उहिनहे कहलाँ, “उ घरमे जाऊ जौन ठाऊँमे शाऊल बैठल रहे। टुहारीक हाँठ शाऊलके उप्पर धैहो ताकि फेनसे उ देखे सेक्ना होए।” तर हननिया कहलाँ, “प्रभु, यी मनैयाँ टे विश्वासीनहे कैसिक सटाइठ् कहिके मे सुनले बटुँ।” परमेश्वर हँुकहिन जवाफ डेलाँ, “जाऊ

उहेक मारे हननिया शाऊलके ठन् गईलाँ। अपन हाँठ ओकर उप्पर ढैके, तब कहलाँ, “येशू, जौन टुँ अईटी रलक डग्गरमे डेखा परलाँ, ओँहाँ महिहे टुहार ठन् पठैलाँ ताकि फेनसे टुँ डेखे सेक्ना हो जाऊ ओ पवित्र आत्मासे भरपुर हो जाऊ। ” शाऊल फेनसे तुरुन्ते डेख्नाह हुईल्, ओ हननिया शाऊलहे बप्त्स्मिा डेलाँ। तब शाऊल कुछे खैना चिज खैलाँ ओ फेनसे ओकरमे तागत आईल।

ओकर लगट्टे शाऊल दमस्कसमे हुईलक् यहुदीनहे ऐसिक कहिके प्रचार करे लागल्, “सिसरप येशू हि परमेश्वरके पुत्र हुईँट्

धेर दिनपाछे, यहुदीनके शाऊलहे मर्न योजन ाबनैलाँ। उहिहे मारक् लग ओइने शहरके डवारमे नुकके बैठ्ना मनै पठैलाँ। जब शाऊल यी योजनाके बारेमे सुनल् तब ओकर सँघरियानके उहिनहे भग्ना सहायता कैलाँ। एक रात ओईने उहिनहे डालोमे डारके शहरके डिवालसे टरे उटरलाँ। शाऊल दमस्कससे भागल तब पाछे, शाऊल येशूके बारेमे प्रचार कैना काम निरन्तर कैलाँ।

शाऊल चेलानकसे भेट करे यरुशलेममे गैलाँ, तर ओईने शाऊल से डरैलाँ। तब बरणाबास नाउँ कैलक् एकजाने विश्वासी शाऊलहे प्ररितन्के ठन् लै गैलाँ ओ ओईनहे कैसिक शाऊल सहासके साथ दमस्कसमे प्रचार कैले रहिँट् कहिके बटैलाँ। तब पाछे, चेलानके शाऊलहे स्विकार कैलाँ।

यरुशलेममे हुईलक् सतावतसे भग्लक् विश्वासीन डुस एन्टिओखियाके शहरमे जाके येशुके बारेमे प्रचार कैलाँ। एन्ओिखियामे प्रायः यहुदी मनै नैरहिँट्, तर पहिलो पटक्, ओईनमे फेन् धेर जाने विश्वासी बन्लाँ। बरणाबास ओ शाऊल ओँहाँमे उ लावा विश्वासीनहे येशूक् बारेमे झन् धेर शिक्षा डेना ओ मण्डलीहे बल्गर बनाईक् लग् गैलाँ। येशूमे विश्वास कैलक् सक्कु जनहनहे पहिले चो “ख्रीष्टियान” कहिके चिन्हलक् ठाऊँ एन्टिओखिया रहे।

एकदिन, जब एन्टिओखियामे हुईलक् ख्रिष्टियानके उपवास ओ प्रार्थना कैटिरहिँट्, तब पवित्र आत्मा ओइनहे कहलाँ, “मेरीक् लग् बरणाबास ओ शावलहे उ कामके लग अल्गाऊ, जौन कामके लग् मै ओइनहे बलैले बटुँ।” उहेकमारे एन्टिओखियाके मण्डली बरनाबास ओ शाऊलके लग् प्रार्थना कैलाँ ओ ओईनके हाँठ् बरनाबास ओ शाऊलके उप्पर ढैलाँ। तब ओईने बरनाबास ओ शाऊलहे येशूके बारेमे आउर धेर ठाउँमे सु–समाचार प्रचार करे पठैलाँ। बरनाबास ओ शाऊल धेर जातिनके मनैनहे शिक्षा डेलाँ ओ धेर मनै येशूमे विश्वास कैलाँ।